افك علبة البيئة ولا لا؟

[mrghost]

السلام عليكم ورحمة الله وبركاته
معايا شاهين 2004 ولحد دلوقتى مغيرتش علبة البيئه والعربيه صوتها عالى اوى وحاسس ان السبب علبة البيئه لانى لما ادوس بنزين جامد الصوت جاى من عندها تقريبا
هل العلبه ليها عمر افتراضى بعده ممكن تعمل كده ؟
ولو شلتها اركب ماسوره اللى عامله زى السوسته دى ولا اركب ايه؟

[mrghost]

معقوله ياجماعه سؤالى صعب اوى كده؟

[Elawany13]

ديه محتاجه واحد بتاع شكمانات هوه اللى يبصلك عليها

لو علبة البيئة بايظة الأفضل تغيرها وبلاش تلغيها
اعتقد انها مش غالية فى الشاهين

[Gelgel2004]

السلام عليكم
علبه البيئه ضروري علشان العوادم اللى خارجه من الموتور
لو العلبه مكتومه تلاقيها سخنه جدا و ممكن توصل لدرجه الاحمرار
انما غير كده تبقى سليمة و منصحش بتغيرها
العمر الافتراضى بتاعها من 150000 الف كلم الى 130000 كلم لو البنزين 92 و لو اقل يبقى كلم اقل
لو انت شلتها بيتحط مكانها علبه اسمها الرنان
احسن واد مضمون بيعمل الشغل ده و بيضبط الشكمان كله مصانع وورش ابو اليزيد للشكمانات
ش احمد سعيد
نفق الهرم
الحرفيين.
لما تركب الرنان الصوت بيعللا شويه بس بتحس العربيه سلكت حاجة بسيطه
انما لو وقفت فى اشاره تشم يا باشا العادم الجميل .
تحياتى

[mrghost]

الف شكر ياجماعه على الرد بس انتوا عارفين لو حتى العلبه سليمه ورحت لحد بتاع شكمان هيقول دى عاوزة تتغير علشان يشتغل طبعا وانا مش ناقص شغل عليا

[Elawany13]

الحمد لله وبعد مجهود كبير الاقي علبة البيئة للانوس اخيرا وركبتها استيراد ب 360 جنيه
انا ضميري دلوقتي مستريح اني ماشي مش بلوث البيئة اللي ربنا أمرنا بحفظها ... ومتأكد ان مفيش حد هيدعي عليا لو شم ريحة الشكمان الهباب

العربية صوتها هدي الحمد لله وبقت مستريحة وهادية ........ وانا اعصابي هدية في السواقة ويكفي الراحة النفسية

رجاء من كل فرد شال علبة البيئة ومرديش يركبها لغلو ثمنها ,.., صدقني صحتك أهم كتير
علبة البيئة تحول اول اكسيد الكربون من العوادم وهو غاز سام ومسرطن وريحته زفت .. إلى ثاني أكسيد الكربون + ماء وهي أقل ضرراً على البيئة وأكيد الخواجة اللي حطها في العربية من الأول محطهاش يعني حتة زيادة مش عارف يعمل بيها ايه بالعكس ده كلف نفسه وقعد يصنع ويركب مخصوص علشان يحمي بيئته اللي ربنا خالقها نظيفة ويحافظ على صحته وصحة كل اللي حواليه

منقوووووووووووووول