انقذوني من ريحة العادم

[ashraf4280]

السلام عليكم
في مشكلة مش لاقيلها تفسير وانا سايق العربية علي اي سرعة بتبقي الدنيا جميلة وحلوة اجي اهدي اشم ريحة عادم كان الشكمان في حضني
الريحة مش بتظر غير وانا بهدي من علي سرعات عالية تحت 80 مفيش اي حاجة لفيت علي اي فاتحة مالقتش غير فتحات التهوية اللي في الشنطة سدتها ولسه الموضوع مستمر حد عنده اي تفسير او حل مع العلم ان العربية سحب واستهلاك بنزين ممتازة ومش بتاكل زيت

[hassanin_lada]

شوف جوان الجكمان

[ashraf4280]

الجوان انا لسه عامله ومفيش تسريب

[hassanin_lada]

طيب كشفت علي المسورة من اولها لاخرها !!

ممكن يكون في تسريب ؟

قبل كده واحد كانت عندو الريحة دي بسبب الموبينة عشان ماكنتش بتدي شرارة كويسة فالحريق بيطلع ني (تجربة واحد بس معرفش صح ولا غلط )

[ashraf4280]

طب ليه الريحة مش بتظهر غير لما بهدي من علي سرعة عالية وانا ساحب لحد 140 مفيش ريحة اشيل رجلي من علي دواسة البنزين واهدي اشمها ادوس بنزين تاني تروح الريحة؟؟؟؟؟؟

[hassanin_lada]

عشان الهوا بيبقي اقوي علي سرعة ال 140 وبالتالي مش بتشم الريحة

انا الموضوع ده معايا ليه سنتين وقرفني بس انا كاربرتير

ومافيش فلوس اجرب في حلول

[ashraf4280]

يااااااه سنتين؟؟؟ الله يكون في عونك بس انا لازم الاقي ليه علاج عشان الاولاد والسفر

[aldesha989]

مدام مافيش مشاكل غير الريحه اقفل الشبابيك وريح دماغك

بس الريحه على السلانسيه عامله ايه وفى اى دخنه وانتا واقف والصبح فى اول الدواره الدخنه شكلها ايه ؟

[ashraf4280]

مفيش اي ريحة علي السلانسيه ومفيش اي دخنة الصبح والريحة بتدخل الصالون والشبابيك مقفوله ودورت علي اي فاتحة مش لاقي وجوانات الباب زي الفل الريحة بتظهر بعد 80 لما اجي اهدي مع السحب والمشي مفيش ريحة والشكمان الحمد لله بيعرق مياه ومع القرص مفيش اي دخان بيطلع

[svneleven]

واضح أن الريحة داخلة من فتحات التكييف لأن أنت بتشمها و أنت قافل الشبابيك.

[Ahmedsync]

أنا سجلت مخصوص فى المنتدى علشان أحاول احل لك الموضوع
الموضوع دة تعبنى فترة كبيرة ودخلت على المنتديات الاجنبيه و بعد بحث طويل و مراجعه سبب ظهور الريحه رغم ان كل حاجه كانت زى الفل قبال كدة ... الفترة دى كنت انا باعمل سمكرة ودوكو عشان كان عندى خبطه فى الشنطه وكنت شايل الفانوس الخلفى شمال لحد ما اخلص واركب واحد جديد وهو دة سبب الريحه وكانت الريحه بتزيد لما اكون قافل الزجاج كنت مستغرب اوى دة العربيه جديدة ياناس
لما لقيت الحل دة نزلت جرى ركبت الفانوس وطلعت اجرى بالعربيه (لانسر) عشان اجرب والحمد لله هوة دة كان السبب
والاسباب تنحصر فى وجود تسريب هواء فى الشنطه او الابواب الخلفيه او الزجاج الخلفى اى شيئ يدخل هواء لداخل العربيه
لان عند وجود تسريب هواء ونظرا لاختلاف الضغط بين داخل وخارج كابينه السيارة بيحصل دخول للهواء من الفتحه دى فالضغط بيتعادل داخل وخارج الكابينه وعشان التسريب من الخلف فالهواء اللى داخل العربيه بيكون مليان عادم
ملحوظه : ريحه العادم داخل الكابينه مضرة جدا و بتسبب امراض خطيرة عافانا وعافاكم الله .. انا كنت هابيع العربيه بسبب الريحه ولكن كنت هاقول لمشتريها على العيب دة عشان ربنا يباركلنا ولكن الحمد لله المشكله اتحلت

[ashraf4280]

جزاك الله كل خير اخي احمد علي تعبك وربنا يجعله في ميزان حسناتك وجاري البحث ان شاء الله علي سبب الريحة من الجزء الخلفيللسيارة

[dr.hazem]

احب اضيف للاخوة حاجة...
عصاية الفتيس ليها جلده تحت الكونصوله عشان تعزل بره عن جوه ممكن تكون اتهرت او اتقطعت لاي سبب وهي المصدر....
حاجه كمان...
لو في اي زيت لسبب او لآخر بينزل عالشكمان زي زيت ماتور فايض او زيت باور او زيت فرامل...
لو حاجة من دي ولو رشح بسيط هيتحرق عالشكمان ويدي ريحه وهتجننك فعلا....
تحياتي

Sent from my Xperia Arc S using Forum Runner

[EngAhmedSayed]

راجع على الشنطة و شوفها بتقفل كو يس و له لالالالالالالالا
لو شاكك بل الفوطة و اقفل عليها و جرب و شوف

[احمد شرف]

لو الجوانات جديده هايعمل معاك الحركه دى يعد شويه مش هاتشمها تانى لان الجوانات بتريح