العجلة الامامية شمال جاى منها صوت تكتكة

[Imhotep]

الحكاية باختصار رحت من حوالى اسبوع ازود العجل..... لقيت العجلة الامامية شمال ناقصة اوى على 24 (انا باظبط على 32)..... ضبطت الاربعة و مشيت...... دلوقتى العربية و لتانى يوم على التوالى من بعد سرعة 40 بيطلع منها صوت تكتكة..... تك تك تك تك تتتتتتتتتتتك..... زى ما يكون حاجة شابكة فى العجلة و بتحك او بتلمس حاجة تانية و بتعمل الصوت ده...... لفيت على العجلة دايرا داير عشان اشوف طوبة و لا ظلطة محشورة بين فراغات العجلة و طلعتهم كلهم...... الصوت فضل زى ما هو..... روحت انهارده اشيك علي العجل (فى موبيل اللى بعد هايبر) ندهولى واحد ركب معايا وسمعته الصوت قالى الزوايا محتاجة ظبط..... و بعدها شيكت على العجل تانى هواء..... لقيت كل العجل تقريبا مظبوط الا اللى فيها الصوت لقيتها نزلت الى 29 (بعد اسبوع فقط).....

معلش طولت فى الحكاية بس انا قلت اقول التفاصيل كلها عشان ده يوضح الصورة اكتر.....
السيارة تيريوس عاملة 12000
وشكرا لكل من سيتفضل بالافادة......

[SAMEH_FOUAD]

شوف ممكن تكون الكبالن لائما حاجة بتحك فى العجلة من جوة

[monmonmon]

لو تكتكه فى الملفات فقط يبقى احتمال يكون الكوبلن
الكوبلن بيبوظ من الحرق فى الملفات (الامركة) و سرعتك اثناء اخذ الملف
ممكن لو جلدة الكوبلن اتقطعت الكوبلن يبوظ بعد فترة فالافضل تكشف (فى التوكيل او عند حد فاهم) و تتأكد لان لو كان كوبلن لاقدر الله مع الوقت هيبوظ خالص و هيعمل صوت تكتكة فى الملفات حتى على اقل سرعة........ و انا اسمع ان التوكيل دلوقتى جامد و بيغير للناس حاجات على انها عيوب صناعة و الموضوع ده فى صالحك لانك يا دوب عامل 12 ألف
و ان شاء الله تكون ابسط من كده انا كان معايا لانوس عملت الصوت اكتر من مره بس على فترات متباعده و شكيت انه كوبلن و بعتها و خلصت
و كان معايا قبلها دايهاتسو ميرا الكوبلن باظ بعد اكتر من 150 ألف كم لما كنت بحرق و ببهدل فى العربية اخر بهدلة و ده سر احترامى لدايهاتسو.. بالتوفيق

[SAMEH_FOUAD]

الكوبلن مش هيبوظ طول مانت بتفرك فى خط مستقيم لكن اللى يبوظة الفرك والعجلة فى اتجاة يمين او شمال او الكاوتشة مقطوعة

[mrwho1982]

السلام عليكم اولا

روح رصص عند واحد كويس بس بلاش اللي بيفك العجلة ويحطها علي الجهاز روح للي عندو جهاز زي الحصان لان ده احسن بكتييير وبيشيك علي الكاوتشة وهي في مكانها ولو في حاجة مش كضبوطة هايظبطهاللك

انا كان في واحد زميلي كان قاللي علي واحد كويس عند مطعم البرج هاجيبللك بياناتة وان شاء الله كويس بس ماتخاليش حد يلعبللك فيها