سؤال في زيت الشاريد ارجو الرد

[mohamed_rhem]

الاخ ابو عبدالله الساده الاخوه لدي سؤال فني يخص زيت المحرك
بمراجعه الكاتالوج الخاص بالسياره وجدت انه في حال تغير الزيت والفلتر معا 3 كجم وفي حال تغير الزيت فقط 2.7 كجم
السؤال الزيت الموجود 4 كجم
يعني حيتبقي 1 كجم
اشيله للمره بعد القادمه ولا يكون حصله حاجه
هل هناك شروط او مده للتخزين
هل افضل اني اشتري زيت بالكيلو
ما هو اجود انواع الزيوت والفلاتر
شكرا لكم جميعا ارجو الرد بسرعه
اخوكم محمد

[MMamdouh]

انت بتغير زيت كل كام كيلو و كل مدة اد ايه؟... لو المدة مش كبيرة حوش الزيت الباقى و عند رابع تغيير زيت حتلاقى عندك 3 كيلو ببلاش

MMamdouh

[mohamed_rhem]

انا لسه مغيرتش ولا مره انا عايز اللارشادات
سياره شاريد موديل 90
3 سلندرات وبها تكيف شغال ومشاويري مش كبيره يعني في الاسبوع 200 كم

[أبو_حمزة]

شيله
عندك تاريخ صلاحية على الجركن
و فتح الجركن لا يؤثر على الزيت طالما قفلته كويس ومفيش تراب و لا ميه بتوصل له
اما عن نوع الزيت ففيه مناقشات كتير تمت هنا ممكن تقراها و النوع اللى ترتاح له استخدمه

[mohamed_rhem]

مشكور يا باشمهندس طيب الفلاتر استخدم ايه ؟

[MoMohsen]

بص يا باشا هو المفروض ان الزيت مفهوش مشكلة لو اتشال بس مش فترة كبيرة و الفترة المفروض متزدش عن 6 شهور دة حسب كلام البنزينة اللى غيرت فيها آخر مرة لان بردة على حسب كلامة ان اكتر من كدة بيفصل و بالتالى تقل كفائته.
بص هو افضل حل بلنسبة ليك انك كل مرتين تغيير فى المرة التالتة اشترك كيلو و حطه عليهم عشان متخزنش الزيت كتير و توفر بردة فلوسك ..

[mohamed_rhem]

شكرا يا باشا علي الرد بس برضه محدش قالي الفلتر اجيب نوع ايه ؟

[MoMohsen]

الفلتر بتاعك هتلاقية بيتباع عند بتوع قطع الغيار فى شارع دمشق لو لقيت الاصلى هاتو لو مكانش شوف انضف حاجة لكن مفيش نوع معين معروف.
و الفلتر تغيرة كل 10.000 افضل حاجة يعنى كل مرتين تغيير زيت فى المرة التالتة تغير زيت و فلتر

[mohamed_rhem]

شكرا يا باشا منتحرمش من الاجابات الوافيه ده

[almasry2008]

يا اخوانا بخصوص دايهاتسو شاريد انا معايا شاريد 90 ثلاثة بستم.. والمكنة تعبانه.. انا عارف ان واحد من الشمايز هو اللى تعبان علشان كده العربية يتنفخ وبتاكل زيت.. كل اللى محتاجه ميكانيكي شاطر بيفهم فى شغل الشاريد يعمر الموتور كويس بدل م ادخل فى قصة تسقيط موتور والمشاكل اللى ممكن اقابلها. يا ريت حد يساعدنى .

[Islam_galal]

بص يا باشا هو المفروض ان الزيت مفهوش مشكلة لو اتشال بس مش فترة كبيرة و الفترة المفروض متزدش عن 6 شهور دة حسب كلام البنزينة اللى غيرت فيها آخر مرة لان بردة على حسب كلامة ان اكتر من كدة بيفصل و بالتالى تقل كفائته.
بص هو افضل حل بلنسبة ليك انك كل مرتين تغيير فى المرة التالتة اشترك كيلو و حطه عليهم عشان متخزنش الزيت كتير و توفر بردة فلوسك ..

تمام و بمعدل الـ كم اللي حضرتك بتقول عليه يبقي ممكن تستخدم الزيت السايب في امارات مصر احسن و اوفر