البنزين

[mrwho1982]

السلام عليكم اولا
انا عداد ال km/h

عامل عندي 1989
وكان فيها 20 لتر

العرببية بروتون ويرا 1999 1300cc

170000 كيلومتر

هي العربية كده عاملة كام كيلو لاني ابيض في الموضوع ده وهي كده بتاكل بنزين ولا لا وشكرا

[SAMEH_FOUAD]

اول حاجة انت كدة مش موضح اى حاجة ,خالص انت كاتب العربية عملت كام كيلو فى تاريخ حياتها كلة لحد دلوقتى واللى هو 170000
والرقم التانى دة اسمة عداد الرحلات ودة اللى بتقيس علية اى حاجة لانك بتقدر تصفرة وتعملة على مزاجك
فلو انت عايز تقيس معدل استهلاك البنزين ممكن تمون العربية وتبقى عارف ان فيها 20 لتر مثلا وتمشى بيهم سواقة طبيعية وجوة البلد وتصفر العداد بالضغط على الزرار الاسود اللى فى منتصف التابلوة هتلاقى العداد دة صفر وبعد شوف معدل استهلاكك هيعمل كام كيلو وغالبا انت هاتعمل جوة البلد 250 كيلو فى الصفيحة لان ماتورك 1300

[mrwho1982]

انا متشكر لرد حضرتك بس هو 1989 ده عبارة عن كام كيلو وكل يوم من التجمع لمدينة نصر

انا اللي عايز اعرفة الرقم ده يساوي كام كيلو وشكرا

[ahmed_h_g]

فول بنزين من أى بنزينه نضيفه لغاية الأخر وأنته فى البنزينه دوس على المفتاح اللى فى نص العداد لغاية ما يبقى أربع أسفار.
وبعد كده خلص مشاويرك أو لحد ما يوصل العداد ل300 كيلو مثلا"
وبعد كده روح مون تانى للأخر
لو العربيه أخدت معاك 30 لتر مثلا" يبقى عربيتك أستهلكت 10 لتر لكل 100 كيلو ... وده رقم عشوائى طبعا"
عربيتك الويرا المفروض تاخد معاك من 6 الى 7 لتر لكل 100 كيلو وبتختلف حسب الأحمال والتكييف والقياده داخل البلد أو خارجها ...

[caysersosaih]

198 كيلو الرقم الأحمر اللي غلي اليمين ده امتار مش كيلوات

[reamoz]

198 كيلو الرقم الأحمر اللي غلي اليمين ده امتار مش كيلوات

100% صح كدة كلام مظبوط
يعني 198.9 كيلو
قول يعني حوالي 199 كيلومتر

[sobhysm]

الطريقة الصحيحة لحساب البنزين أنك
1- تفول العربية وتاخذ قراءة عداد الكيلومترى (أو تصفر عداد الرحلات)
2- تمشى عادى بالعربية لحد ما تحتاج تفول العربية
3- تفول العربية وتأخذ قراءة العداد وتطرحها من القراءة السابقة (التفويلة اللى فاتت) أو تاخذ قراءة عداد الرحلات
4- القراءة اللى طلعت من الطرح تقسمها على عدد لترات البنزين اللى حطتها فى العربية مثلاً 25 لتر
5- الرقم اللى هيطلع دة هو أستهلاك البنزين فى اللتر الواحد يعنى مثلاً اللتر بيمشى 10 كيلو أو 9 كيلو زى ما يطلع