المحرك بيبطل عند تهدئة السرعة

[Maged_Samy]

عندى مشكله انى لما بقطع مسافة طويله بسرعة عالية ثم ابدأ فى التهدئه ولرفع قدمى من على دواسة البنزين العربية تبطل علطول ومجرد ما ادور تدور علطول والعيب يروح والغريب ان العيب ده مش علطول بيظهر وانا احترت فيه وارجو ان لاتتضمن حلول سيادتكم الآتى :
1- فلاتر وطلمبة البنزين .
2-الابلاتين والكوندثر والاسبراتير .
3-ضبط الكهرباء واسلاك البوجيهات .
4-الدينمو والبطارية .
5-كابل ماس الارضى .
6-بوبينة التكرير.
6- نوع البنزين .
7-فلتر الهواء .
8-انسداد مواسير العادم .
9-نوع زيت الموتور والفلتر .
10- تغيير البوجيهات .
11- ضبط التكيهات .
ولدى شك ان العيب بالكربراتير مع العلم ان منظفه وغير البك ببك اكبر دون جدوى وهل ممكن يكون العيب فى بك السلانسيه ؟ مع انها بتدور سلانسيه زى الفل ؟

شكراً لكم واعتذر عن الاطالة .....

[aymansaad]

ممكن البكات عايزه تتنضف او البنزين مش كويس

[Maged_Samy]

الموضوع ده بقالة كتير اوى والبنزين اتغير مئات المرات والبكات ان نظفتها وغيرتها زى ما اشارت فى الموضوع

[samirayad]

أحتمال يكون فلتر الهواء اللى أتغير مسامه كبيره
وبيعدى زرات تراب من الجو وبتعمل سدد فى بيك السلانسيه مع السرعه
وبرضه فيه سؤال
هل البوجيهات كانت طالعه نظيفه وقفت تغييرها ولا كانت معرقه زيت خفيف

[sweetheart_]

بص انا حصل معايا نفس العيب وبرده فى فيورا وبعدين شديت سلك الشفاط شويه عشان اعلى اللفات شويه لحد مروح لحد بتاع كربيراتير وفعلا روحت لواحد بتاع كربراتير وفكه حته حته وغير الجونات وسلك البكات وشيك على كل حاجه وكمان غيرت البوجيهات عشان العربيه كانت بدخن وجبت طقم سن قصير ومن ساعتها مبطلتش بس انا خليته يظبط ال اربى ام على 7 عشان العربيه متترجش وكمان عشان متفصلش فى السلانسيه ومبقتش بتبطل الحمد لله

[Maged_Samy]

(حتمال يكون فلتر الهواء اللى أتغير مسامه كبيره)العيب موجود مع اكتر من فلتر.
(هل البوجيهات كانت طالعه نظيفه وقفت تغييرها ولا كانت معرقه زيت خفيف) البوجيه الرابع معرق زيت . والف الف شكر

[Maged_Samy]

بص انا حصل معايا نفس العيب وبرده فى فيورا وبعدين شديت سلك الشفاط شويه عشان اعلى اللفات شويه لحد مروح لحد بتاع كربيراتير وفعلا روحت لواحد بتاع كربراتير وفكه حته حته وغير الجونات وسلك البكات وشيك على كل حاجه وكمان غيرت البوجيهات عشان العربيه كانت بدخن وجبت طقم سن قصير ومن ساعتها مبطلتش بس انا خليته يظبط ال اربى ام على 7 عشان العربيه متترجش وكمان عشان متفصلش فى السلانسيه ومبقتش بتبطل الحمد لله

الف شكر انا فعلا عندى شك كبير ان الكربراتير السبب بس ان مبحبش بتوع الكربراتيرات لانهم بينظفوا الكربراتير بالهواء وخلاص.

الف شكر لردك ولجميع الردود الغالية

[samirayad]

البوجيه الرابع معرق زيت

أنت محتاج تغير كاوتش الصبابات

[sweetheart_]

انا اللى رحتله فكه حته حته وغير كل حاجه بايظه وخد 30 جنيه بس لو عايز مكانه اقولك عليه وكمان بيديك اسبوع تجرب ولو فى اى حاجه بيظبطهالك
هو انت بتظبط التاكيهات دى ازاى وشكلها ايه ومكانها انا ممكن اكون اعرفها بس معرفش انها هى

[SAMEH_FOUAD]

شوف انت بس اظبط كهربا كل دة هايتحل ان شاء الله لان كان نفس عيب فى عربية واحد صاحبى 128 كانت بردة نفس مشكلتك بالظبط كانها عربيتة اللى انت بتحكى عنها ومافيش اختلاف فى نقطة واحدة حتى تعريقة البوجيهات
كل اللى عملة انة ظبط كهربا وعلاها شوية غير بيج السلانسية بواحد اكبر كان عندة مقاس 105 جابة 110 ومن ساعتها مافيش حاجة

[Maged_Samy]

شكراً جزيلاً لكل الردود . مع رجاء من المهندس/ سمير توضيح المقصود بكاوتش الصبابات لان الصباب عندى عبارة عن مسمار حديد طويل ومشفتش فيه كاوتش . وشكراً

[Maged_Samy]

(هو انت بتظبط التاكيهات دى ازاى وشكلها ايه ومكانها انا ممكن اكون اعرفها بس معرفش انها هى)

التكيهات هما اللى فى الصورة اللى شكل السوست

[sobhysm]

حاول تعلى الكربراتير شوية لو المشكلة راحت يبقى عيب كربراتير (أوتشد الشفاط شوية) لو المشكلة فضلت زى ما هيه يبقى كاوتش الصباب زى ما الباشمهندس سمير قال بالضبط

[samirayad]

شكراً جزيلاً لكل الردود . مع رجاء من المهندس/ سمير توضيح المقصود بكاوتش الصبابات لان الصباب عندى عبارة عن مسمار حديد طويل ومشفتش فيه كاوتش . وشكراً

كاوتش الصباب ملوش دخل بالصباب نفسه
وأى مكنه لازم بيكون فيها كاوتش صباب راكب على آخر دليل الصباب من فوق جوه رأس السلندر
العلاقه بين الكاوتش والصباب
أن الكاوتش بيبقى حاكم على ساق الصباب من الخارج لمنع نزول زيت من منطقة التاكيهات الى غرف الحريق وتعريق البوجيهات
وأفساد آداء المكنه

[samirayad]

دليل الصباب هو القطعه رقم 4 على الرسم وبينشحط فى رأس السلندر
كاوتش الصباب هو القطعه رقم 19 على الرسم
الصبابات 13 & 14 بتتحرك حركه تردديه على جسم الكاوتش الداخلى
وفيه سوسته على داير الكاوتش العلوى للحبك على ساق الصباب ومنع نزول الزيت الى غرف الحريق
مع التقدم فى عمر المكنه ....كفاءة السوسته دى بتقل ....وبيحصل المراد للأسف