هل ضبط التكيهات بشكل دورى كل شتاء او صيف ضرورى ؟؟؟

[hossam_elwani]

هل ضبط التكيهات بشكل دورى كل شتاء او صيف ضرورى ؟؟؟

وماهى اعراض اختلال ضبط التكيهات؟؟

[Maged_Samy]

[quote=hossamdoaaaa;3872092840]هل ضبط التكيهات بشكل دورى كل شتاء او صيف ضرورى ؟؟؟


مش شرط طالما مفيش مشاكل عندك

وماهى اعراض اختلال ضبط التكيهات؟؟
اعراض اختلالها صوت تسقيف و ممكن تتسبب فى ارتفاع درجة حرارة المحرك وضعف السحب واستهلاك بنزين بشكل اكبر . وعلى فكرة انا دلوقتى اتعلمت اظبط التكيهات بنفسى وريحت دماغى من بتوع التكيهات .

[hossam_elwani]

فعلا انا عندى صوت تسقيف مكنش ظاهر قبل كده بس ممكن يكون من بنزين 80 من بنزينه مش كويسة بس معنديش ضعف فى السحب

[sweetheart_]

ممكن تقولنا نظبتها بنفسنا ازاى

[ofaashash]

وعلى فكرة انا دلوقتى اتعلمت اظبط التكيهات بنفسى وريحت دماغى من بتوع التكيهات .

طيب يا ريت تكسب فينا ثواب وتعمل شرح مصور لضبط التاكيهات

[sobhysm]

طيب يا ريت تكسب فينا ثواب وتعمل شرح مصور لضبط التاكيهات

فكرة ممتازة

[future_aya]

اخى العزيز / كان سابقا يتم ضبط التكيهات فى المحركات صيفا وشتاء حيث كانت الصناعة ليست بدقة اليوم وكانت اقل دقة وجودة .
والان تراجع التكيهات فى حالة ارتفاع الصوت الخارج منها عن الصوت الطبيعى - ويتم ايضا فى امور عديدة بعد العمرة والتلين يتم المراجعه - مع تغير جوان وش سلندر - مع نقص القدرة نتيجة لقلة خلوص التكيهات --- وضبط التكيهات عملية فنية هامة ويمكننا شرح طريقة الضبط -- لمن يرغب ولكن ينصح بان يقوم بها فنى متخصص - وعليك انت المتابعة -- وسوف تتاكد بانة ليست صعبة ولكنها عملية دقيقة - وتحتاج لمتخصص -------- وشكرا

[future_aya]

بسم الله الرحمن الرحيم
لمن يرغب فى ضبط التكيهات لسيارتة بنفسة
1- ترفع احدى العجلات الخلفية اذا كانت سياراتك دفع خلفى - او ترفع احدى العجلات الامامية اذا كانت سيارتك سحب امامى

2- يتم فك غطاء التكيهات - وتجعل احد يلف ( يدير ) العجلة المرفوعه لتدور للامام على ان تكون عصا الفتيس فى حارة امامية ويفضل الرابع او الخامس

3- تنظر الى صباب العادم للسلندر رقم واحد وعندما يرتفع هذا الصباب الى اعلى نقطة ويبدا بالتحرك صباب الحر المجاور له لاسفل (( تسمى الصبابين محيرين )) نقول لمن يدير العجلة ليتوقف عن الدوران وهنا نظبط بالفلر الصبابان بالسلندر رقم اربعة ---- ثم نجعل صديقنا يدير العجلة للامام وننظر الى صباب العادم بسلندر رقم اربعة عندما يرتفع صباب العادم الى اعلى نقطة ويبدا بالتحرك صباب الحر المجاور له لاسفل (( تسمى الصبابين محيرين )) وهنا نجل من يدير العجلة يتوقف ونقوم بضبط الصبابان بالسلندر رقم واحد وبهنا تكون قد قمت بضبط صبابات سلندر رقم 1 & 4 ......

4- يتم عمل ما سبق تحير صبابى بستم رقم اثنين ويظبط صبابات سلندر ثلاثة .... ثم نحير صبابى سلندر ثلاثة ونظبط صبابى سلندر اثنين وبهذا نكون قد انتهينا من ضبط التكيهات جميعها

5- يتم مراجعه ما تم من اعمال بالنقطة 3 و 4 لتاكيد الضبط والتربيط

6- يركب غطاء التكيهات
ملحوظة
1- ورقة الفيلر التى يتم الضبط بها يتم اخيارها بناء على كتالوج سيارتك
2- بعض السيارات يكون قيمة الخلوص لصباب العادم اكبر بقليل من صباب الحر كما يوصى الكتالوج
3- ضبط التكيهات عملية فنية دقيقة يمكن للمتخصص ضبط التكيهات جميعها بلفة كرنك واحدة فينصح بمن يقوم بها ان يكون متخصصا مع الشكر

[Maged_Samy]

انا بظبطها بطريقة تانيه على اد حالى
1- ارفع احدى العجلات مع تعشيق الغيار الرابع .
2- ارفع غطاء الاسبراتير
3- ادير العجله حتى يشير الشاكوش للكابل المؤدى لبستم رقم واحد واقوم بضبط تاكيه السحب ثم تاكيه العادم بالفلر واحد اكبر من التانى شويه انا مش فاكر الارقام دلوقتى انا كنت جايبها من كتالوج العربية وهقول لكم هى كام فى اقرب فرصة.
4- ادير العجله حتى يشير الشاكوش الى بستم رقم 2 واضبط التكيهين اللى فوق البستم 2 وهكذا .
انا عملت الموضوع ده بعد ما قمت بتغيير جوان وش السلندر بنفسى وطبعاً التكيهات برجلت وظبتها بالطريقة دى ودارت العربية وبقت تمام معايا وكانت مشكلتى الوحيدة دايماً قبل كدة فى تغيير جوان وش السلندر هى ضبط التكيهات والحمد لله اتحلت بعد ما عرفت الطريقة دى بعد البحث فى الانترنت وغيره لمعرفة ايهما سحب وايهما عادم .
بس لازم طبعاً العربية تبقى باردة وطبعاًَ يكون فى دقة متناهية واللى يعملها يكون متخصص ذى ما اشار السادة الاعضاء . وشكراً

[future_aya]

طريقتك صح ولكن لو شلتلك الاسبراتير او كان متقدم شوية او متاخر شوية او عربية بدون اسبراتير لازم ترجع لطريقتى وشكرا

[ahit]

السلام عليكم ورحمة الله وبركاته

بالنسبة للسيارت القديمه يفضل مراجعه ضبط التاكيهات كل فتره يعنى مرتين فى الصيف و مرتين فى الشتاء مثلاُ و بصوره أدنى.

و شكراً للأخ future_aya و الأخ Maged_Samy على طريقه ظبط التاكيهات و لكن يفضل طبعاً متخصص هو اللى يظبطها.

[mero25]

هل لابد تكون السيارة باردة
وهل هناك سيارات لازم تظبط وهى ساخنة زى الاكسيل؟؟
وشكرا

[HRH_Sameh]

معلومات مفيدة
شكرا

انا بفكّر اظبط التاكيهات بنفسي
ممكن تقولولي بالتفصيل اكتر شوية
العربية شاهين كربراتير وانا عارف الارقام من الكتالوج
والا اروح لميكانيكي وخلاص؟

[Maged_Samy]

طريقتك صح ولكن لو شلتلك الاسبراتير او كان متقدم شوية او متاخر شوية او عربية بدون اسبراتير لازم ترجع لطريقتى وشكرا

فى هذه الحالة بفك البوجيه رقم واحد واضع مكانه مفك حتى اصل الى ان يكون البستم فى اعلى نقطه له ثم اجعل الشاكوش يشير الى رقم واحد وهكذا . يعنى مفيش اى مشكله لو فكيت الاسبراتير . وشكراً لسيادتك و للجميع .