رجاء من خبراء الميكانيكا

[M.Mostafa80]

ماهى العلاقه بين طقم الدبرياج وأستهلاك البنزين وهل ضعف الطقم أو بدء الضعف أستهلاك البنزين العالى رجا الرد للتأكد
والسؤال الثانى عند عمل المروحه الخاصه بالتبريد يحدث مثل رجه فى السياره فهل هذا معناه ان المروحه أوشكت على التوقف

[MMamdouh]

الدبرياج وظيفتة توصيل و فصل الحركة بين الموتور و الفتيس... لو الدبرياج بيفوت يبقى فيه طاقة بينتجها الموتور مش بتروح للفتيس (و بالتالى الى العجلات) و بكدة دة يعتبر هدر لطاقة الموتور و طبيعى استهلاك البنزين يزيد لتعويض فرق الهد اللى بيحصل لاداء نفس المشوار المطلوب قطعة

لو عربيتك انجكشن يبقى ممكن الكونترول بيزود سنة الRPM عشان يعوض الفرق فى الحمل الزيادة بتاع الدينامو و هو بيحاول يولد كهرباء اكتر عشان يغذى المراوح

MMamdouh

[M.Mostafa80]

انا العربيه فعلا انجيكشن بس الموضوع دا مكنش موجود سابقا ان لما المروحه تشتغل يحصل فدا اكيد ليه معنى ان فى خلل فى جزء ما بس ياترى ايه هو

[aymansaad]

بلية المروحة عاوزة تغير

[monmonmon]

الدبرياج وظيفتة توصيل و فصل الحركة بين الموتور و الفتيس... لو الدبرياج بيفوت يبقى فيه طاقة بينتجها الموتور مش بتروح للفتيس (و بالتالى الى العجلات) و بكدة دة يعتبر هدر لطاقة الموتور و طبيعى استهلاك البنزين يزيد لتعويض فرق الهد اللى بيحصل لاداء نفس المشوار المطلوب قطعة

لو عربيتك انجكشن يبقى ممكن الكونترول بيزود سنة الrpm عشان يعوض الفرق فى الحمل الزيادة بتاع الدينامو و هو بيحاول يولد كهرباء اكتر عشان يغذى المراوح

mmamdouh

ده تفسيرى بردوا... احييك
لكن مش متأكد من موضوع الرجة ده يا ريت توضيح هل هو اهزاز مستمر ام لحظة عمل المروحة فقط؟؟؟

[MMamdouh]

انا بحس بهزة مماثلة فى عربيتى طول ما المراوح شغالة و انا على السلانسية

فى بداية التشغيل بتبقى شبهة نتشة كدة و بعدها بحس ان الRPM عالى سنة و بعد ما المراوح تطفى بترجع المكنة لنوعمتها و سرعتها الطبيعية

MMamdouh

[M.Mostafa80]

بالنسبه للأهتزاز انا توصلت لسببو وهو سبب بعيد كل البعد عن الميكانيكه والكهرباء (شغل عفاريتى يعنى ههههههههه) السبب أنى قبلها كنت فى مطروح والدنيا هناك كانت سيول والدنيا كلها غرقانه مياه برمل
المياه المخلوطه برمل دى جت عل المروحه نشفت المياه وتبقى الرمل
وعمل زى كلكيعه الكلكيعه دى عملت رفه فى المروحه ولما روحت ضربت مدفع المغسله فى المروحه وجربت بعدها العربيه اتظبططت يبقى سبب الرعشه او الرجه كانو شويه الرمل الناشفين دول

نيجى بقى لأستهلاك البنزين طبعا اكيد طقم الدبرياج لما يفوت زى ما المهندس محمد ممدوح قال بييعمل فقد فى الطاقه دا اول سبب لأستهلاك البنزين
تانى سبب ودا اللى حاليا مهم بالنسبالى وعايز احلو هو ظبط الكهرباء
انا العربيه عندى انجيكشن بموتور 1000 سى سى ومزوده بأسبراتيرلأنها موديل 98 الموديل من أول 2000 كل شغل موبينه وألكترونى زى ما بيقولو الصنايعيه فا مبيأثرش فيها لكن عندى الأسبراتير دا وظيفتو أنو يظبط وضع معين يخلى السحب والحرق جيد لعدم أرتفاع الأستهلاك حاولت بنفسى لكن للأسف متوصلتش لهذا الوضع ومزالت المشكله موجوده وللأسف الميكانيكى معرفش بردو يظبطها وريحه العادم ظاهره نيه زى ما بيقولو وبيحرق العين أنا عندى شك فى حساس الأكسجين فايريت الأخوه يناقشونى فى هذه النقطه هل هو ذو تأثير على الحرق والأستهلاك

[future_aya]

عزيزى / يرجى مراجعه الرشاشات ... اما الدبرياج فيمكنك التاكد من صلاحيته بان صوت السيارة عند التعجيل يكون مساويا للزيادة فى السرعة بمعنى ان 3000 rpm تعادل 100 كم تقريبا عند زيادة rpm قليلا تزيد سرعة السيارة قليلا ايضا ... كما ان الخلوص الحر للبدال طبيعيا والفصل والوصل طبيعى وصوت الماكينة يعادل سرعة السيارة وشكرا