تعرف منين انه طقم شنبر ولا عمره ؟

[cuppo]

قريبي معاه كريستاله
و كان سالني ازاي اعرف انها عمره ولا طقم شنبر علشان العربيه بتاكل زيت عنده
فنا قولت هسال و اقولو
افيدوني علشان انا قايلو هعرفلك علي بكره
عامل فيها نجم الكريستاله
ساعدونا يا ناسسسسسسسس :]

[zarkoor]

طقم الشنبر لو عاوز يصلح ويبيع (بس علشان ما يبقاش غشاش وربنا يباركله فى فلوسه لازم يفهم المشترى انه مغير طقم شنبر)

لو عاوز يركب و عاوز كلام ناس فاهمه ... لازم الميكانيكى يفك ويقيس الخلوص مع البلوك ويقيس بوش الدلايل ويقيس البوش فى السبايك ويقارن القرايات مع بيانات الموتور غير كده يبقى فتى وبختك يابو بخيت

[caysersosaih]

مش هاتعرف الا لما الميكانيكي يفتح الموتور ويشوف

[cuppo]

شكرا يا جماعه
المشكله ان هو اشتراها كده
و مش عارف فيها
ايه
لما يفتح هقلكو

[thedeveloper87]

مش هاتعرف الا لما الميكانيكي يفتح الموتور ويشوف

+1111111111111

[sherif_habeb]

لا زم المكانيكى يفتح ويشوف عشان مش بيبان
انا كان عندى نفس الحكايه فى ال127 وكنت خايف لان الموتور بتعها ستاندارد يعنى متفتحش قبل كده ولما المكانيكى فك طلع انها محتاجه طقم شمبر بس والحمدالله

[future_aya]

اؤكد لو ان السيارة تستهلك كمية قليلة من الزيت عبارة عن عدة جرامات 100 جرام او 200 جرام من الغيار الى الغيار وظهر هذا خلال الاسابيع القلية التى مضتت دون تعرض المحرك للارتفاع حرارة ذائد لاى سبب من الاسباب مع عدم الاهمال فى الصيانة ونظافة وصلاحية فلتر الهواء ومع القيادة الطبيعية فان المحرك سيقبل طقم شنبر وسيكون جيدا .... ويؤكد هذا الفنى بعد الفك ايضا وشكرا

[ahit]

لو فيه خبط و ترزيع فى الماتور مع الدخان الأبيض يبقى شمبر و سبيكه و الميكانيكى طبعاً لازم يراجع على الكرنك و البساتم و الشمايز و البيلات و الصبابات

[hard4all]

انا كنت عاوز اسأل على الأهم من ده كلو وهوه ازى نحمى العربيهمن ال العمره
انا سمعت ان فى سائل بيتحط فى تغير الزيت يعنى بيتخلط مع زيت المحرك والسائل ده بيطولك عمر المحرك بتاعك يعنى تمشى بيها 300 الف وتفضل من غير متعمل عمره لان ده بيعوض التأكل الى فى الشنابر لوحده هل اللكلام ده صحيح ولو صحيحي اسم الساءل ده ايه انا بشوف علب عند بنزيت موبيل بخصوص الموضوع ده بس مش عارف هيه حقيقه وله لا

[reamoz]

دة اسمة زيت شنبر بيكون قوامة تقيل قوي عامل زي عسل النحل كدة
والمفروض إنة بيعمل زي طبقة شمعية كدة بتقلل من الفروقات بين الشنبر وتقلل اكل الزيت
وفي ماركات كتير اغلبها صناعة امريكي وبيكون موجود في الماركتات بتاعة البنزينات زي اون ذا ران وكمان في التوفيقية في محلات الإكسوار
وبيستعمل كوقاية للموتور أو كحل مؤقت لحالات تأكل الشنبر البسيطة

[ahit]

زيت الشمبر ده بيستخدم لما الماتور بيكون خفيف أو بيدخن أو جايب سبيكه
لكن مع المواتير السليمه فضرره أكتر بكتير من نفعه

و فيه بديل للعمره يسمى ريسورس لكن سمعت إنه مقلب
و فيه مواضيع فى المنتدى بتتكلم عن الريسورس و زيت الشمبر و ممكن تعمل Search فى المنتدى هاتلاقيه