الكبالن

[samirayad]

وهل فيه صناعة مميزة عن أخرى سالت على بتوع النوبيرا تايوانى ب 280 الاثنين

أبعد عن كل ماهو تايوانى أو صينى
عينيهم ضيقه
ونظرهم على قدهم فى شغل الميكانيكا والألكترونيات

نظام (فوانيس رمضان )

[mahmoudbadr]

أبعد عن كل ماهو تايوانى أو صينى
عينيهم ضيقه
ونظرهم على قدهم فى شغل الميكانيكا والألكترونيات

نظام (فوانيس رمضان )

بلاش بتوع حالّو يا حالَو دول

طيب حضرتك ترشح ايه ولو عندك فكرة عن الاسعار لأن بتوع قطع الغيار كل واحد شغال بالسعر اللى على مزاجه.

[samirayad]

عندك اليابانى والألمانى والأيطالى كويس
المهم بلاش بتوع حالو ياحالو دول
والأسعار (حسب السوق )
وأعمل دراسة جدوى بين أكتر من بائع

[M_Nabil]

يفضل طبعا الجديد
وممكن تشترى أستيراد
بس لازم يكون معاك عفشجى كويس
يقدر يحدد الحاله
أو تتفق مع البائع
أنك شاريه عن تجربه
وتحجز مبلغ من التمن كنوع من ربط الكلام

شكرا يا بشمهندس اصل عندي كوبلن ابتدا يطقطق فبفكر اجيبه استيراد

[mahmoudbadr]

خير أن شاء الله
وأبقى طمنا

السلام عليكم يا مهندسنا

كل عام و انتم بخير و السنة الجاية تكون بايت فى منى و بتستعد لصعود عرفة باذن الله

النهاردة رحت لواحد بتاع كبالن جرب العربية و كان كوبلن واحد ( اليمين ) بيطقطق و الكوبلن التانى كاوتشته مقطوعة و لما فك الكوبلن اليمين الكوبلن الداخلى بتاعه طلع فارط (ممكن يكون هو تعمد يفرطه !!! لأنه اتعامل معاه بعنف!!... و هل ممكن العربية تمشى عادى و هو فارط!!!... وهل الكوبلن الفارط ممكن يرجع البلى تانى و يشتغل!!!!) قال لى طالما انه فرط من مجرد الشد عليه يبقى بايظ

و لقى كمان كوبلن تالت مش كويس المهم غيرنا اللى فارط بواحد مستعمل (ضمان سنه) و التالت أخد الفارغ بتاعته و حط له عفشة و بلى تانى و غيرنا واحد جديد و طبعا كاوتشات جديدة و الحوار ده أخد منى 300 جنيه بالعافية و منتظر التجربة

تعليق حضرتك على الحاجات دى أصل مبقاش عندى ثقة فى صنايعى

[samirayad]

كل عام و انتم بخير و السنة الجاية تكون بايت فى منى و بتستعد لصعود عرفة باذن الله

ربنا يسمع منك
ونكون صحبه أن شاء الله

وبالنسبه لحكاية الكبالن
جرب بهدوء وخد الأمور بالتدريج مع السرعات
لحد ماتطمن على الشغل اللى عمله الميكانيكى
وأن شاء الله خير
وحاول أن لا تقدم على تزويد السرعه
الا أما تكون مطمئن تماما لكفاءة الشغل اللى أتعمل
أخذا بمبدأ

أعقلها وتوكل
وربنا يسترها معانا ومعاك ومع المسلمين

[mahmoudbadr]

كنت عايز أعرف رأى حضرتك فى موضوع فرط الكوبلن ده هل العربية ممكن تمشى و هو فارط ولا هو يكون فرطه ( عامدا أو غير) وهو بيفكه و هل كدة فعلا انتهى أمره أنا قلت له انه مكنش منه اى مشكلة ولا شكوى و ممكن تكون فرطته و انت بتحل قال لى المفروض مهما أشد فيه أو اتعامل معاه بعنف ميفرطش( على فكرة أنا غلطت و سيبتلهم القدام)

مجرد انى اطمن بس هو اشتغلنى ولا ممكن يكون فارط لوحده فعلا

[samirayad]

ممكن يكون البلى كان واكل حواف رأس الكبلن من الداخل
وخفيف شويه وبكده فرط منه فعلا