العربيه بتسخن مش عارف من ايه

[AMRSPEED]

انا معايا ابيزا موديل 99 وغيرت كل حاجه وبتسخن مش عارف اعمل ايه
غيرت الشكمان وفيرت ساعه الريداتير وغيرت المراوح مش عارف اعمل ايه

[samirayad]

بتسخن سخونه مفاجئه ولا بالتدريج
وهل نظفت الردياتير ودورة التبريد
وغطاء القربه (أن وجد عندك )

[M.Mostafa80]

وبعد أذنك يا بشمهندس سمير هضيف سؤال
هل قربه المياه لما بتفتحها بتعمل زى فقعات هواء
وممكن يكون غطاء القربه بايظ فا بيبخر الميه وبتنقص عن الحد المطلوب وياترى لون الزيت فى العربيه ايه

[samirayad]

وبعد أذنك يا بشمهندس سمير هضيف سؤال

ياباشا أشكرك على زوقك
وصدقنى أنا بأبقى سعيد
لما كلنا نتشاور لمساعدة زميل
هو فيه حد عارف كل حاجه يا أستاذ : محمد
دا (العلم الكامل لله سبحانه وتعالى )

[toto_sh]

شوف يا برنس ... بعد كل الي انت قولته ....
من الاخر غير الريداتييير لو زي ما قولت غيرت ساعة الريداتيير
وفي حاجة تانية بس يا رب متكنش عندك...
لو حضرتك مغير جوان قبل كده وبعدها ظهرت مشكلة الحرارة ...
يبقى غطاء التكيهات مقفع وده سبب الحرارة وعمره معاد يظبط في حياته
غالبا بتكون غلطة الميكانيكي لان الغطا ده الومنيوم ولازم يتفك بعد ما تكون درجة حرارته بالسالب .

[M.Mostafa80]

دا (العلم الكامل لله سبحانه وتعالى )[/quote]
ونعمه بالله
والبنى ادم اللى مقتنع انو ديما لسه موصلش لأكبر درجه علم دا بيبقى من انجح الناس فى حياتهم عكس المغرور بعلمه ربنا يزيدك من علمه لما ينفعك وينفع الناس

[samirayad]

والبنى ادم اللى مقتنع انو ديما لسه موصلش لأكبر درجه علم دا بيبقى من انجح الناس فى حياتهم عكس المغرور بعلمه

ماهو المغرور ده
مفيش فايده فيه
دايما حاقد على أى حد بيفكر صح
لأنه مش شايف غير نفسه (مغرور بقى )
اللهم أكفنا شر الغرور
على فكره يا أخويا : محمد
بتلاقى المغرور ده (أكتر واحد جاهل للأسف )

ربنا يزيدك من علمه لما ينفعك وينفع الناس

الله يبارك فيك ....وكلنا بنتعلم
واللى يقولك أنه فاهم كل حاجه
قوله ....أنت !!!!!!!!!!!!!

[AMRSPEED]

شكرا لكل اجابتكم
بالنسبه للعربيه انا مسقط لهل مكنه 1600 بس بعد مسقطها كان موضوع السخونيه مش موجود بعدها بسنه ظهروالسخونه بتيجى بالتدريج وكانت جابه صبابات مره بس قبل ما اغير الصبابات كانت بتسخن برده ونضفه دوره التبريد قبل كده فممكن يكون ايه
وسؤال للأعضاء انا سمعت ان بيبقى فى 2 ساعه حراره واحده فى الماكنه وواحده للرداتير الكلام ده صح

[car100100]

استاذى الفاضل
لازم نعرف سبب السخونيه ايه

1-نقص المياه ؟
2-عدم دوران المياه ؟
3-عدم دوران المروحه ؟

فى ساعتين فعلا بس مش عارف الابيزه ايه نظمها
الساعه الاولى فى المكنه وبفتفتح بعد لما الميه تسخن
ولو مفتحتش يبقى الميه مش هتروح للريداتير

الثانيه مسئوله عن تشغيل مروحة الريداتير

عشان تعرف الميه بتنقص ولا لا
زود العربيه كويس وسبها طول الليل وانزل الصبح بص عليها

لو زى ما هيا وكلو تمام اعتقد ان الجوان ممكن يكون بيسرب ميه مع الحرق

[saint]

السلام عليكم
طبعا بعد اذن الفطاحل اللى اتكلمت
اسمحولى اقول راى وان كنت اقلكم خبرة جميعا
لصاحب الموضوع
عندك عدة شكوك
1- ممكن تكون طلمبة المياه عندك مش بتشتغل كويس وده ممكن تعرفه لو المكنة ساخنة والردياتير مش ساخن بنفس الدرجة
2- ممكن تكون مروحة التبريد مش جيدة وتعرفه لو مش بتشتغل بكفاءة او ليها صوت عالى او بتترجرج اثناء دورانها
3- ممكن يكون ثرموستات الكوعة عطلان ومش بيفتح وده ممكن برضه تعرفة لو الردياتير بارد جدا عن الماكنة
4 - وممكن يكون غطاء القربة مش كويس لان التبريد عند لازم يكون تحت ضغط يعنى لازم دورة المياه تكون محكومة جدا
5 -اكشف على الكوليهات وعلى الوصلات الكاوتش واي مكان تسريب مياه (انظر على الارض تحت السيارة للكشف عن التسريب)
6 - افتح كبوت السيارة ودورها وانتظر بجانبها وشوف كيفية سريان ديناميكية عمل المحرك مع دورة المياه مع المراوح متى تعمل متى تفصل ما الشئ الذي لا يعمل بكفاءة
7- ودى المحطة الاخيرة ... شوف ميكانيكي محترم يكشفلك على التاكيهات .
هذا كل ما املك من خبرة شخصية بسيطة
ارجو من الله ان يحل مشكلتك وامانة عليك ان تقول كيف تم حلها

[toto_sh]

انت ضفتلنا معلومه .... انت مسقط 1600 ياترى الريداتير بتعاك من الكبير يعني بمروحتين ولا وحده ...
بالنسبة لحوار الساعتين
الاولى في المكنة وهي المسؤله عن ارتفاع مؤشر الحراره في العدادات
والثاني هي الساعة ف الريداتير وعندي سؤال ؟؟؟؟؟
انت العربية عندك مكيفة ولا؟؟؟؟
وياريت تفيدنا أو تمدنا بالمعلومات الكافية وان شاء الله هتوصل لسبب الرئيسي في الحرارة ؟؟؟؟