تغيير مساعدين خلفيين لعربية بولو مو 99

[معاذ الشرباصى]

إن شاء الله الاسبوع ده هغير المساعدين الخلفيين بتوع العربية

دلوقت انا محتار اشترى المساعدين الاستاندرد اللى موجودين عند محل قطع غيار الفولكس, علما بأنهم نوعهم cofap و دى شركة برازيلى, و على حسب كلام صاحب محل قطع الغيار (اثق فيه) المساعدين دول بينزلوا استاندرد حتى فى البولو العيون

و لا اشترى مساعدين نوع تانى زى مونرو او اى نوع تقترحوه؟

علما بأن نوع ال cofap ده خدمة شاقة

[Adham]

مونرو مساعدين ناشفة

يعني حاتلاقي العربية بتدب معاك و مش مرتاح في العفشة يا معتز

لكن لو مش هامك و يهمك ثبات اعلى في السرعات يبقى هات المونرو

شوف عند سامح اللي في شارع دمشق

[معاذ الشرباصى]

العربية اصلا عفشتها ناشفة, علشان كده هى ثابتة ما شاء الله

انا يهمنى الثبات اكتر من النعومية

بس محتار فى حكاية المساعدين الاستاندرد و لا نوع تانى

[sherif_84]

بص يامعاذ أنا اشتريت المونرو عندى فالشاهين بقالهم اسبوعين بصراحة مساعدين ممتازين وناعمين وثبات عالى جدا والعربية مش بتدب ولا حاجة والعفشة مية مية ماشاء الله بالعكس المونرو أحسن من المساعدين الاستاندارد اللى كانوا جايين مع العربية نصيحتى اشترى المونــرو وهتدعيلى ;)
وهما صناعتهم أسبانى ومعاهم ضمان سنة بس ماعرفش بتوع البولو بكام اسأل عند هشام لهيطة توكيل مونرو فى التوفيقية

[Adham]

ممكن المونرو ناعم عن بتاع الشاهين الاستاندرد بس مع البولو الامر يختلف

في الهوندا كان المونرو ناشف جدا عن ال KYB بتاع الهوندا بس هو كان ارخص

[معاذ الشرباصى]

ممكن المونرو ناعم عن بتاع الشاهين الاستاندرد بس مع البولو الامر يختلف

في الهوندا كان المونرو ناشف جدا عن ال KYB بتاع الهوندا بس هو كان ارخص

يعنى حضرتك تنصح بمونرو و لا الاستاندرد و لا نوع تانى زى كونى او KYB

انا يهمنى الثبات اكتر من النعومية

[Adham]

معاذ باشا

لو يهمك الثبات اكتر من نعوميه العفشة يبقى عليك بالكوني طبعاً