وجود رجه وزنه عند السحب

[ehab_mansour]

السلام عليكم

انا عندي مشكلة بسيطة وهي ان العربية لما بسحب بيها علي اي غيار بحس برجرجه وزنه عند السحب وخاصة عندعصاية الفتيس

انا مغير طقم دبرياج اصلي من فترة وغيرت بلية دبرياج مرة أخري من اسبوع وتم تركيب اولسيل لعصاية الفتيس وتربيط العصاية جيدا
ومغير كاوتش قدام وضبطت زوايا لكن اللي متأكد منه هو ان الطنابير عندي فيها ريجه وبترعش مع ضغط الفرامل هل ممكن يكون هو ده السبب في كده

وشكرا

[alhourriah]

ممكن أوي وممكن الغوايش

[sameh127]

اكشف علي قاعدتين الموتور و قاعدة الفتيس

[ehab_mansour]

قواعد الموتور جيدة ولسه كاشف عليها

[safetycenter]

السلام عليكم ورحمه الله وبركاته اذا كانت الرجه عند بدايه الطالعه بس يبقى ممكن اسطوانه الدبرياج فيها ريجه اما لو مع اى غيار وانتا ماشى ووقت ما تدوس بنزين ممكن يبقى حاجه فى صليبه الكوبلن الداخلى او اكس الكوبلن نفسه ده لو جر امامى اما لو جر خلفى ممكن يبقى حاجه فى الكردان

[nas]

عندي مشكله وهي عند التدوير الصبح اسمع صوت رجه جمده في العربيه (اكسل م 1996)