حاجة غريبة شوفتها وعايز رأيكوا

[SAMEH_FOUAD]

امبارح كنت ماشى عادى كانت الساعة 1:30 بليل فى شارع جامعة الدول العربية وقدامى سيارة فولكس واجن باسات يعنى تقريبا موديل 2008 من منظرها العام
الموضوع بقى ,انة داس بنزين شوية لقيت كمية مية خارجة من الشكمان ولا كانها حنفية اتفتحت لدرجة ان المية كانت بتنزل من الشكمان كان خرطوم مية مفتوح شوية وبعد كدة طلع دخان ابيض
انا بقى اللى مستغربلة انا اعرف عادى تعريقة الحرق انة ينزل مية لكن ماشوفتش مية فى حياتى بالمنظر دة وبالكمية دية فهل دة عادى ولا اية ,يعنى نقدر نقول فى دوسة بنزين خفيفة الشكمان نزل بتاع ربع كباية مية مرة واحدة يعنى مش على قطرات لا دفعة واحدة

[HeMa_LanCeR]

امبارح كنت ماشى عادى كانت الساعة 1:30 بليل فى شارع جامعة الدول العربية وقدامى سيارة فولكس واجن باسات يعنى تقريبا موديل 2008 من منظرها العام
الموضوع بقى ,انة داس بنزين شوية لقيت كمية مية خارجة من الشكمان ولا كانها حنفية اتفتحت لدرجة ان المية كانت بتنزل من الشكمان كان خرطوم مية مفتوح شوية وبعد كدة طلع دخان ابيض
انا بقى اللى مستغربلة انا اعرف عادى تعريقة الحرق انة ينزل مية لكن ماشوفتش مية فى حياتى بالمنظر دة وبالكمية دية فهل دة عادى ولا اية ,يعنى نقدر نقول فى دوسة بنزين خفيفة الشكمان نزل بتاع ربع كباية مية مرة واحدة يعنى مش على قطرات لا دفعة واحدة

عادي جدا
ياراجل دا انا عربيتي الصبح بدري بتعمل كده ولما بسيها تسخن وبعدها لو زودت بلاقي الارض من تحت الشكمات فيها بقعه مياه
وعلي فكره اللي انت شوفته ده مش دخان ده بخار مياه

[SAMEH_FOUAD]

ياباشا ات لو شوفت كمية المية اللى نازلة مش هاتقول كدة
انا عارف كل اللى حضرتك بتتكلم فية بس فعلا المية كتير قوى قوى
يعنى سيارة شوف بقالها قد اية ماشية فى نفس اليوم يعنى ,وتنزل كمية المية دية فة دوسة خفيفة لان العربية ماتحركتش من قدامى غير حوالى كام عجلة وانا ماشى وراها وبردة بتنزل مية بنفس الكمية باستمرار

[ahmed_h_g]

العربيه لو زيرو أو حالة الموتور ممتاذه هتعرق ميه من الشكمان أكتر من كده

[NFS]

ده يدل على ان كفائه المحرك ممتازه, علشان حتى الحراره الكامنه الى الى بتفرق بين المياه و بخار المياه المحرك بيحولها لشغل و بيطلع مياه سائله.

[SAMEH_FOUAD]

ياجماعة اى عربية زيرو لسة خارجة من المعرض وعدت فترة التليين بتاعها ,ببقى عارف المية اللى خارجة منها عاملة ازاى لكن دية حنفية واتفتحت بجد من دوسة صغيرة على الماتور
المهم حصل خير وربنا يباركلة فيها ودية بجد اول عربية اشوفها كدة لانى ركبت وشوفت باسات كتير اشوفتش عربية عاملة كدة ابدا

[M_Nabil]

ممكن يكون كان لسه غاسل العربية والشكمان دخل فيها شوية مية حلوين فا عملت كدة

[aymansaad]

تنقيط الميه من الشكمان دليل على حالة الموتور انه ممتاز

[SAMEH_FOUAD]

تنقيط الميه من الشكمان دليل على حالة الموتور انه ممتاز

مش شرط ياباشا دة بيدل بس على ان خليط الوقود والهواء مظبوط

[NFS]

مش شرط ياباشا دة بيدل بس على ان خليط الوقود والهواء مظبوط

مش شرط ان الشكمان يطلع مياه لو الخليط مظبوط ممكن يطلع بخار و برضو مظبوط, الاتنين H2o .الله اعلم.

[A7MED_PHARMA]

انا اعرف ان ميه الشكمان معناها ان الخلط كويس..يعني الكربيراتير نضيف(ده لو العربيه كربيراتير)
وموضوع الميه الكتـــــــــــــــــير الي نازله من الشمكان زياده عن المألوف
أنا مع رأي m_nabil
أنه ممكن يكون لسه غاسل وفيه ميه في الشكمان

[hesham22822]

يا جماعة المياة اللى بتطلع دى من هيدروجين و اكسجين مخلوط الهواء و البنزين اللى داخلين ازاى بقى دة يبقى طبيعى دة مش طبيعى ابدا

[reamoz]

مش شرط ان الشكمان يطلع مياه لو الخليط مظبوط ممكن يطلع بخار و برضو مظبوط, الاتنين H2o .الله اعلم.

وكمان لو جوان وش السلندر بايظ بتطلع مياه من الشكمان