طال مساعدة فى تغير فلتر البنزين و زيت الفتيس

[cyber007]

انا ناوى باذن الله اغير فلتر البنزين وفلتر زيت الفنيس وزيت الفتيس والعربية كورولا 2001
المهم انا اشتريت فلتر البنزين الاصلى ب 175 جم و فلتر زيت الفتيس ب 180 تقريبا الاصلى برضه ومش لاقى زيت الفتيس الاصلى!!
انا من المنصورة وكنت عاوز اعرف كمان اشترى زيت نوعه ايه ؟ ومين احسن حد يغير الحاجات دى ؟؟؟؟؟

[cyber007]

up up up

[maka]

طالما حضرتك بتقول فلتر زيت الفتيس تبقى العربية اتوماتك

بسمع ان زيت الفتيس الاتوماتك موبيل احسن حاجة

[cyber007]

ايوه اتوماتيك
بس ملوش ارقام ولا حاجات من دى ؟
لانى لقيت الاصلى ب 235 ومبيل اكيد ارخص بس كله زى بعضه ؟

[Ali_Abdelhamid]

الاخ سيبر
مش كله زى بضه ... متهيألى انا قولتلك قبل كدا
انا عربيتى كرولا 2003 اوتوماتيك فى اول صيانه غيرت زيت الفتيس الاوتوماتيك بزيت اسو ... بالصدفه فى شارع السودان لقيت محل معتمد لقطع غيار تويوتا ... دخلت وسالت على قطع الغيار ... ولاقيت زيت الفتيس الاوتوماتيك تويوتا الاصلى علبه معدن 4 ليتر ومرسوم عليها ناقل الحركه الاوتوماتيكى وعلامه تويوتا الاصلى
المهم قررت أستخدم الزيت ده ونصحنى صاحب المحل انى اغير الفلتر
وفعلا غيرت الزيت والفلتر
لقيت اداء العربيه اختلف تماما
النقلات غير محسوسه تماما وسلسه
تسارع ممتاز عن الاول
استجابه للكيك دون بشكله ممتاز ... كمثال العربيه واخده سرعه وطالع كوبرى بتلاقى العربيه خسعت شويا وبالتالى بدوس سنه بنزين
مع تغير الزيت بتلاقى النقله نزلت لوحدها من غير ما تدوس سنه بالينزين دى

عن تجربه عمليه ... زيت الفتيس الاوتوماتيك الاصلى للتويوتا افضل بكتيير عن زيوت اخرى
واداء العربيه بقى افضل بكتيير

[cyber007]

جبت النهارده الاصلى خلاص فاضل اغيره
يتغير فين دا اى حد بتاع عفشة ؟؟

[Mo.Kareem]

جبته بكام يا ريس ؟
وكل سنة وحضرتك طيب

[Mahmoud_405]

لازم تجيب الاصلي لان الي الموبيل واليسو ده بتاع الفتيس لاتوماتك القديم ولو حطته حتبوظ الفتيس علي طول

[Dr_Smart]

لازم تجيب الاصلي لان الي الموبيل واليسو ده بتاع الفتيس لاتوماتك القديم ولو حطته حتبوظ الفتيس علي طول

مع احترامي لرأي حضرتك انا رأيي ان الاصلي ده فلوس عالفاضي

فيه زميل لينا في منتدى تويوتا معاه كورولا 2009 غيرلها زيت الفتيس الاوتوماتيك في التوكيل وغيروله ب esso مش بالاصلي

وان كان الافضل استخدام نوع dexron 3 زي موبيل او شل او امارات افضل من استخدام dexron 2 زي الاسو

بس عموما طالما جبت الاصلي خلاص فهو بالتأكيد أضمن

[cyber007]

يالا يا جماعه قدر الله بس فاضل التغيير مين المفروض بيغير الزيت دا
انا جبته ب 345 على فكره

[eslam_wega]

اى بنزينة محترمة ممكن تغير عندها

[Dr_Smart]

احسن حد عند متخصص فتيس اوتوماتيك

وممكن عند ميكانيكي ثقه

مش عارف الصراحه البنزينه ممكن تغيره ولا لا بس مانصحكش

[cyber007]

تم التغيير عند متخصص فى الفتيس الاتوماتيك

[cyber007]

المشكلة انى عيرت فلتر البنزبن بقه عند حد مش متخصص ومكنتش اعرف ان الموضوع صعب جدا والاربه منها حته اتكسرت واضطريت لتغيرها
نصيحه لكل اللى عنده كورولا يغير فلتر البنزبن فى التوكيل اسلم حاجه لان فى خرطوم يزل الواحد لما يطلع

[sab3aawy]

المشكلة انى عيرت فلتر البنزبن بقه عند حد مش متخصص ومكنتش اعرف ان الموضوع صعب جدا والاربه منها حته اتكسرت واضطريت لتغيرها
نصيحه لكل اللى عنده كورولا يغير فلتر البنزبن فى التوكيل اسلم حاجه لان فى خرطوم يزل الواحد لما يطلع

سؤال بعد اذنك؟ جبت الزيت الأصلى منين؟