لما بزود بنزين العربية بتقف

[a_wa2l]

المشكلة:-لما بزود بنزين مرة واحدة العربية زى ماتكون بتفرمل وبعد كدة تستجيب لتزويدة البنزين

العربية 128ولسة عاملةعامرة كاملة بقالها 1100كم من حوالى شهر.
بعد العمرة روحت لواحد بتاع كربيراتير وعمل أكس وباب والميكانيكى ظبط كهربة الاسبراتير وكله تمام,اضافة كمان لما جيت ادور على بوجيهات ملقتش عند البياع الا نوع واحد مش مكتوب عليه ماركة ولا بلد ومكتوب على البوجيه
gharieb
ولسة مغير زيت موتور

العربية مكنتش بتعمل كدة قبل العمرة

ارجو الاجابة وشكرا للسادة الاعضاء

[samirayad]

ملقتش عند البياع الا نوع واحد مش مكتوب عليه ماركة ولا بلد ومكتوب على البوجيه
gharieb

متشوف البوجيهات
شكلها كده هى السبب
أصل حتى أسمها غريب
زى ماهو باين من الترجمه بتاعة الكلمه ال e

وأول مره أسمع عن بوجيهات أسمها كده

[a_wa2l]

شكرا جدا على الرد السريع
انا لسة عضو جديد
اللى انا برشحه (ngk)الطقم ب25جنيه,وهل فى نوع احسن
وهل فى سبب تانى

[a_wa2l]

لما فكيت البوجيهات لقيتها نضيفة

[samirayad]

جرب ال ngk
نوع محترم وأتأكد بس من جودة تغليفه وحفظه وجرب الأول
ومش عاوزين نفتح فى حاجات تانيه
ألا أما تشوف موضوع البوجيهات ده

وياريت برضه تكون مغير فلتر بنزين
وده أكيد لأنك لسه خارج من عمرة مكنه

[samirayad]

لما فكيت البوجيهات لقيتها نضيفة

مايمكن نظيفه
علشان مبطلعش شراره كويسه
وأسمها غريب الصراحه
ترجمة الأسم

معناها كلمة غريب (من كلامك )
يعنى أنا مش عارف الصراحه
منتجه فين البوجيهات اللى بالأسم ده
أكيد بوجيهات مضروبه من نظام تحت السلم

[a_wa2l]

شكرا سيدى الفاضل

[samirayad]

بالتوفيق
أن شاء الله

[maka]

اتاكد من البيك السرعة اللى راكب بتاع العربية لان انا مرة غيرت بيك البنزين باصغر كنت بتعمل بالظبط زى ما بتقول

[a_wa2l]

اتاكد من البيك السرعة اللى راكب بتاع العربية لان انا مرة غيرت بيك البنزين باصغر كنت بتعمل بالظبط زى ما بتقول

ودا اتاكد منه ازاى؟

[maka]

ودا اتاكد منه ازاى؟

اسال بتاع الكاربيتير حط لك بيك رقمه كام او فك الكاربيتير واعرف واتاكد ان البيك مناسب مش اصغر و لا اكبر اللى هيعرف يتاكد لك ميكانيكى

[sameh127]

يوجد بالكاربيراتير اسفل عمة الهوا حلقة معدن بها فتحات توجيه الهواء بشكل معين لينسحب للكربيراتير لكي يمر على ابرة الكاربيراتير و يعمل ضغط سالب اسفل الإبرة فينتج عنه سحب قطرات من البنزين من خزنة البنزين بالكاربيراتير ثم الى الإبرة ثم الي الإحتراق مع الهواء داخل غرفة الإحتراق.
هذه الحلقة متركبة معكوسة الإتجاه"الأمام للخلف" أو مقلوبة من اعلى لأسفل . لأن مع زيادة سرعة دوران المحرك الهواء اللى داخل مش حيمشي صح في الفتحة المعكوسة و مش حيحصل ضغط سالب اسفل الإبرة و مش حيتم سحب البنزين و العربية حتقطع فقط مع الأكسيلاتير
اما في السيلانسيه فهي شغالة عادى علشان سرعة الهواء منخفضة و بك السيلانسيه "بك الهواء" بيمد الكاربيراتير بهواء جانبى اسفل الحلقة"يعني مش معتمد على طريقة تركيب الحلقة".