الفتيس تقيل

[moudy2002]

الاخوة الكرام بقالى كام مرة بسؤالكو على موضوع تقل الفتيس وخلاص بقيت على اخرى ومش عارف اعمل اية
المشكلة انه عصايا الفتيس هى الى تقيلة وبتعض فى كل الغيارات
روحت لميكانيكى وقلتله بصلى على الدبرياج قالى لا لا دة باكم بيظبط نفسة مع نفسة قلتله يا عم دوسة الدبرياج تقيلة انا رجلى بتورم لو فى اشارة ولا حاجة .. طيب ممكن نعلى الدبرياج شوية فالى لالالا
انت ممكن تجيب جرابين فتيس استيراد علشان الفتيس عندك مش على طيش والفتيس هيبقى خفيف معاك
وانا مش عارف اعمل اية .. اسمع كلامة وشوف موضوع الجرابين دة ولا اشوف حد تانى يبصلى على الدبرياج ولا اروح اغير الفتيس كلة واريح دماغى
مع العلم انى مغير زيت فتيس شل 80 - 90 من اسبوع واحد بس والدبرياج احد الاخوة قال حط الرابع وشوف العربية لو طلعت يبقىالدبرياج بايظ .. والعربية فعلا ما طلعتش مما يعنى ان الدبرياج تمام ...
رحت كارتك(توكيل هيونداى ) قبل كدة اشتغالونى وقالولى انا ثبتنا عصايا الفتيس وبرضة محستش باى فرق
العربية اكسنت 1500 موديل 2000

ارجو الافادة واسف على التطويل ..
اخوكم المحتار محمد

[fahd_628]

قال حط الرابع وشوف العربية لو طلعت يبقىالدبرياج بايظ .. والعربية فعلا ما طلعتش مما يعنى ان الدبرياج تمام ...

اعتقد والله اعلم ان الأصول العكس لو طلعت يبقى الدبرياج سليم لو مطلعتش يبقى الدبرياج بايظ

[moudy2002]

اخوايا فهد شكرا للمشاركة والتكرم بالرد
انا متأكد من موضوع الدبرياج دة .. لو طلعت يبقى بايظ المفروض انها تبطل منك على اساس ان الدبرياج ميقدرش يحرك العربية على الرابع على طول..
وشكرا

[Abdallah]

طيب العربية عاملة كام كيلو؟
الثقل دة فى العصاية ولا فى دواسة الدبرياج ؟
هل لما بتطلع بيها الصبح الفتيس بيبقى تقيل اوى ومش عايز ياخد غيارات وبعد كدة بتلاقى الفتيس خف شوية ؟؟؟

[MMamdouh]

قال حط الرابع وشوف العربية لو طلعت يبقىالدبرياج بايظ .. والعربية فعلا ما طلعتش مما يعنى ان الدبرياج تمام ...

اعتقد والله اعلم ان الأصول العكس لو طلعت يبقى الدبرياج سليم لو مطلعتش يبقى الدبرياج بايظ

الاختبار بيكون انك تدور العربية و فرامل اليد مرفوعة و تحط رابع و تطلع... لازم الموتور يبطل فورا

MMamdouh

[moudy2002]

العربية عاملة 95000 ك وانا لسة شاريها من 3 شهور بس ومش عارف الى قبلى لعب فى الفتيس قبل كدة ولا لا
الفتيس الصبح بيقبى تقيل شوية عن العربية وهى سخنة . انا عارف ان دة ممكن يكون من الزيت علشان كدة انا لسة مغيرة ب شل 80 -90 الى بيباع فى علبة 1 لتر ب 10 جنية
العصايا تقيلة شوية وكمان الدبرياج برضة تقيل ..
ارجو ان اكون وضحت على قد ما قدر
كمان عندى مشكلة تانية .. العربية بسمع صوت ونة لما rpm بيكون بين 2.5 و 3 rpm وبتروح الونة لما اسند بسنة بنزين او ادوس دبرياج من غير ما ادى غيار الونة بتختفى تماما .. يا ترى دة لية علاقة بالفتيس ولا دة ممكن يكون مشكلة تانية .. واية حلها ؟
وشكر للجميع

[Abdallah]

بص انا مش عايز اضحك عليك لكن انا هديك استنتاجاتى بناء على كلام حضرتكم.
معنى الكلام دة ان الزيت تقيل, انا مريت بالتجربة دى وحطيت زيت توتال 70/80 والحوار دة انتهى تماما ومعدش فى تقل فى االفتيس.
تقل العصاية ممكن يكون العصاية نفسها مش مظبوطة او عايزة تتزيت او الوصلة بتاعتها مبوشة.
موضوع الونة دة غالبا بلية دبرياج واعتقد من كلامك كدة ان الدبرياج عندك فيه مشكلة, العربية بتجمع معاك وبتسحب معاك كويس ولا ايه ؟؟

[moudy2002]

اخويا عبد الله
انا غيرت الزيت بتاع الفتيس مرتين فى اقل من اسبوعين واخيرا حطيت شل 80-90 انا سئلت فى توتال ملقتش غير الزيت المتعدد الدرجات فطبعا قلت لا لانى الزيت الى كان قبل شل كان موبيل متعدد الدرجات .. ممكن تقولى زيت توتال دة ممكن الية فين وكمان هو جراكن ولا سيب علشان محدش يضحك عليا ..

موضوع الفتيس دة تنصحنى اروح لميكانيكى يشوفة افضل .. وهل الدبرياج فعلا ممكن يكون عايز يعلى شوية ولا الهيدرولك دة بيظبط نفسه بينفسة زى الميكانيكى قالى ..

[Abdallah]

لا ممكن يعلى شوية عادى, سيبك من الميكانيكى دة واضح انه عجر.
بص يا سيدى انا مجربتش زيت شل قبل كدة بس انا فى اللانوس الى معايا دلوقتى حطيت زيت موبيل 90 وعمل معايا زى ما انت بتقول كدة , رحت لمركز عندنا فى بورسعيد ونزلته وحطلى توتال على ما اذكر كان 70/80 او متعدد الدرجات مش متذكر بالظبط ومن بعدها والفتيس ظبط وبقة كويس جدا وهو كان سايب مش جراكن وصدقنى انا غيرته 3 مرات لحد ما ظبط, مرة موبيل ومرة باور واخيرا توتال والحمدلله.
اخونا محمد ممدوح كان قال على بنزينة اسمها PB وقال ان زيت الفتيس عندهم كويس.
ارجو انى اكون قد افدتك ولا اسألك الا الدعاء.

[Ahmed Hassan]

اخوايا فهد شكرا للمشاركة والتكرم بالرد
انا متأكد من موضوع الدبرياج دة .. لو طلعت يبقى بايظ المفروض انها تبطل منك على اساس ان الدبرياج ميقدرش يحرك العربية على الرابع على طول..
وشكرا

+1