هواء من الفرامل

[SAMEH_FOUAD]

كنت عايز اعرف اى طريقة احسن لاخد الهواء من الفرامل
من العربية والماتور مش شغال ؟
ولا والماتور داير ؟

[SAMEH_FOUAD]

جميل جدا 17 مشاهدة ومحدش عارف احسن طريقة ناخد بيها هوا من الفرامل لما تكون العربية دايرة ولا مبطلة

[ofaashash]

بتهيألى مش فارقه دايرة ولا لاء

[misoalex]

ايه الفرق بس اكيد العربيه حتبقى مرفوعه فالموتور حيكون ببطل للامان يعنى

[shoudy2005]

احسن طريقة هى انك تجيب حد معاك بيكارك كويس و ترفع العربية و تفك العجل كله لو منفعش فك عجلة كل مرة و هتلاقى مسمار ماستر العجل خلى الى معاك يكارك جامد و بسرعة لحد ما البدال يتقل معاه بعد كده قوله دوس و بعد كده فك المسمار و اربطة تانى بعد ما الزيت ينزل افضل و قوله يكارك تانى و كرر نفس الحكاية لحد لما الزيت اللى بنزل من المسمار نضيف بس خالى بالك ان اللى بيكارك ميسبش الدواسة اللى لما تربط المسمار و تقوله سيبها احسن لو سابها و انت لسه مربطش هتاخد هواء فى الفرامل و خلى بالك لما تخلص كل عجلة زود الزيت و خلى الغطاء مفتوح

[SAMEH_FOUAD]

احسن طريقة هى انك تجيب حد معاك بيكارك كويس و ترفع العربية و تفك العجل كله لو منفعش فك عجلة كل مرة و هتلاقى مسمار ماستر العجل خلى الى معاك يكارك جامد و بسرعة لحد ما البدال يتقل معاه بعد كده قوله دوس و بعد كده فك المسمار و اربطة تانى بعد ما الزيت ينزل افضل و قوله يكارك تانى و كرر نفس الحكاية لحد لما الزيت اللى بنزل من المسمار نضيف بس خالى بالك ان اللى بيكارك ميسبش الدواسة اللى لما تربط المسمار و تقوله سيبها احسن لو سابها و انت لسه مربطش هتاخد هواء فى الفرامل و خلى بالك لما تخلص كل عجلة زود الزيت و خلى الغطاء مفتوح

شكرا على المشاركة الجميلة
انا عارف كل دة بس كنت عايز اعرف انهى طريقة احسن والعربية دايرة ولا مبطلة

[shoudy2005]

و هى مبطلة احسن علشان لما الفرامل تنشف سعتها الواحد يعرف انو يفضى هواء فى الوقت ده ولا ايه رأى حضرتك؟

[SAMEH_FOUAD]

هو كدة كدة اللى بيبقى نايم تحت العربية بيسمع صوت لائما خروج زيت الباكم بدون هواء او بهواء فابيعرف
ثانيا انا جربتها مرة والعربية مبطلة كانت احسن وهية دايرة وسالت الميكانيكى قالى مش فارقة ,بس انا فعلا حسيت ان وهية مبطلة احسن

[sweetheart_]

انا عندى وهى دايرة بتبقى اخف فلو عملتها وهى مبطلة بتبقى جامده جدا ولما ادور بتسيب فبظبت عند الميكانيكى وهى دايرة مش عارف ممكن الماستر بتاعى بايظ ولا حاجه بس انا حاسس ان المفروض وهى دايرة احسن

[SAMEH_FOUAD]

طبيعى ياباشا ان الفرامل عندك تكون جامدة والعربية مبطلة طالما عندك سيرفو ,لكن اول لما بدور العربية لازم البدال يوطى عشان السيرفو بياخد هوا من الماتور عند الضغط علية
بس انا جربت الاتنين ولقيت ان والعربية مبطلة افضل

[sameh127]

عاوز اضيف نقطة :
اخذ الهواء الصح يكون من الماستر الرئيسي للفرامل اللى امام ديفرام الفرامل و اللي خارج منه اربعة خطوط زيت فرامل نحاس .يتبعه اخذ الهواء من المساتر الفرعية اللى راكبة على الطنابير.
وبكده تضمن خلو نظام الفرامل من اي فقاعة هواء بالزيت.
و يحبذ ان يكون الموتور شغال علشان السيرفو بيأخذ هواء من الموتور و ده اللى بيخليه يقدر يدفع زيت في الماستر الرئيسي ثم الى الخطوط ثم الى المساتر الفرعية و نقدر بذلك نفصل فقاعات الهواء عن الزيت.
لو طفيت الموتور ،السيرفو مش حيقدر يدفع زيت زي الأول . حتى ولو دوست جامد على بدال الفرامل

[SAMEH_FOUAD]

بس انا حسيت بفرق فى قوة الفرامل لما عملتها والماتور مش شغال

[ibnelfared]

طيب وأخر كلام مبطلة ولا شغالة ؟ فك المسامير وتفضى هوا لوحدها ولا مسمار مسمار ؟ تكريك ولا بدون ؟

[amz2011]

طيب وأخر كلام مبطلة ولا شغالة ؟ فك المسامير وتفضى هوا لوحدها ولا مسمار مسمار ؟ تكريك ولا بدون ؟

ياريت حد يجاوبنا على السؤال داه

[akmm]

متابع بعد التشتيت ده كله ...... وان كنت بشوف كل الميكانيكيه بيعملوا ده والعربيه مبطله .