صوت صفارة مع اللف اليمين

[gebreel]

بسمع صوت صفارة مع اي حودة يمين حتى و لو كانت صغيرة اللي هي لو بطلع من عربية مثلا او بفادي بلاعة و تكون سريعة (تيت تيت تيت) كدة مش صفارة مستمرة و فيه حاجة تانية مش عارف ان كان ليها علاقة ولا لأ هي ان الفرامل بتصفر بعد فترة من المشي بالعربية و لو ملهاش علاقة ممكن علاج ليها كمان انا شاكك ان يكون فيه حصى او رمل خفيف بين التيل و الطنبورة
العربية لادا سمارة 2004
عداد 79500 كيلو
شكرا مقدما

[gebreel]

ايه يا جماعة هي المشكلة عويصة قوي كدة؟!
نفسي الاقي رد واحد يا جدعان
حد يعبرني

[gebreel]

متشكر على الاهتمام الزائد :s

[kh_talaat]

بسمع صوت صفارة مع اي حودة يمين حتى و لو كانت صغيرة اللي هي لو بطلع من عربية مثلا او بفادي بلاعة و تكون سريعة (تيت تيت تيت) كدة مش صفارة مستمرة

جرب تزبط زوايا وان شاء الله الصوت هيختفي

و فيه حاجة تانية مش عارف ان كان ليها علاقة ولا لأ هي ان الفرامل بتصفر بعد فترة من المشي بالعربية و لو ملهاش علاقة ممكن علاج ليها كمان انا شاكك ان يكون فيه حصى او رمل خفيف بين التيل و الطنبورة

دي ليها اكتر من سبب زي تآكل التيل أو نوع سيئ من التيل

واستنى باقي الردود

[gebreel]

جرب تزبط زوايا وان شاء الله الصوت هيختفي


دي ليها اكتر من سبب زي تآكل التيل أو نوع سيئ من التيل

واستنى باقي الردود

شكرا على الاهتمام اخيرا لقيت حد يرد عليا
بس هوة فجأة كدة الزوايا مبقتش مظبوطة؟ انا مفيش اي حاجة حصلت في العربية تخلي الزوايا مش مظبوطة
ممكن اعرف علاقتها ايه؟

[kh_talaat]

شكرا على الاهتمام اخيرا لقيت حد يرد عليا
بس هوة فجأة كدة الزوايا مبقتش مظبوطة؟ انا مفيش اي حاجة حصلت في العربية تخلي الزوايا مش مظبوطة
ممكن اعرف علاقتها ايه؟

العفو فكلنا اخوه في المنتدى .... الناس تلاقيها لسه معيده

بس حضرتك معملتش اي شغل في العفشه قريب زي تغيير بيض عجل او مقصات أو رمان بلي

وبالنسبة للتيل بقاله معاك قد ايه

[M.FOUAD]

فية بعض انواع من تيل الفرامل بيبقى لية حتة حديدة عشان لو التيل قرب يخلص الحديدة بتعلم في الطنبورة و بتعطيك الصوت دة قبل ما التيل يخلص خالص و يبوظلك الطنبورة فغالبا ان التيل عندك عايز يتغير

[gebreel]

العفو فكلنا اخوه في المنتدى .... الناس تلاقيها لسه معيده

بس حضرتك معملتش اي شغل في العفشه قريب زي تغيير بيض عجل او مقصات أو رمان بلي

وبالنسبة للتيل بقاله معاك قد ايه

لأ معملتش اي شغل في العفشة قريب دانا لسة كنت عاوز اروح اكشف عليها و اغسل و اشحم بس قلت بعد العيد
بالنسبة للتيل مبقالوش كتير بس مش فاكر من د ايه بالظبط بس اعتقد معداش ال 20000 و استخدامي بسيط يعني مش بجري و اكبس و الحوارات دي

فية بعض انواع من تيل الفرامل بيبقى لية حتة حديدة عشان لو التيل قرب يخلص الحديدة بتعلم في الطنبورة و بتعطيك الصوت دة قبل ما التيل يخلص خالص و يبوظلك الطنبورة فغالبا ان التيل عندك عايز يتغير

طيب اعرف منين اذا كان التيل فيه الحديدة دي؟
و شكرا جدا يا جماعة على الاهتمام ده

[M.FOUAD]

فك العجلة و شوف التيل او شوف الطنبورة لو فيها خط رفيع عليها يبقى الصوت جاي من الحديدة دية

[gebreel]

فك العجلة و شوف التيل او شوف الطنبورة لو فيها خط رفيع عليها يبقى الصوت جاي من الحديدة دية

اعتقد ان الحديدة دي كانت موجودة في التيل لو هي بتبقى حاجة رفيعة اكنها عتقفل على التيل بعد ما يركب
تقريبا مش فاكر بالظبط بس هشوف و اقلكم

[M.FOUAD]

اعتقد ان الحديدة دي كانت موجودة في التيل لو هي بتبقى حاجة رفيعة اكنها عتقفل على التيل بعد ما يركب
تقريبا مش فاكر بالظبط بس هشوف و اقلكم

بالضبط كدة و لو طلعت هي السبب يبقى التيل عايز يتغير ضروري

[gebreel]

بالضبط كدة و لو طلعت هي السبب يبقى التيل عايز يتغير ضروري

متشكر يا باشا بس في سؤال تاني انا عارف اني رخم شوية
من فترة كنت في مشوار مع واحد قريبي و لقيتو بيقولي في بودرة على العجل ابقى اكشف على التيل بس انا مصدقتوش فممكن يكون ده كان حقيقي ؟

بالنسبة لموضوع الصفارة اللي مع اليمين دي تفتكر ممكن تكون بسبب ايه؟ و لو ظبط زوايا مين كويس في ظبط الزوايا في مدينة نصر انا كنت بفكر اروح fit & fix اللي في كالتكس عباس العقاد

[M.FOUAD]

متشكر يا باشا بس في سؤال تاني انا عارف اني رخم شوية
من فترة كنت في مشوار مع واحد قريبي و لقيتو بيقولي في بودرة على العجل ابقى اكشف على التيل بس انا مصدقتوش فممكن يكون ده كان حقيقي ؟

بالنسبة لموضوع الصفارة اللي مع اليمين دي تفتكر ممكن تكون بسبب ايه؟ و لو ظبط زوايا مين كويس في ظبط الزوايا في مدينة نصر انا كنت بفكر اروح fit & fix اللي في كالتكس عباس العقاد

يا باشا انت تأمر بس
انا معرفش هو شاف البودرة ازاي من غير ما يفك العجلة او ممكن يكون قصدة على الصفارة المستمرة مع الحركة و تروح مع الفرملة و دية مش شرط تكون تيل ممكن بس الطنابير عايزة تتغسل كويس
بالنسبة للصفارة مع اليمين غير بس الاول التيل و انت بتغيرة هتعرف السبب من غير زوايا و لا حاجة
بس انا معرفش حد في مدينة نصر صراحة

[Ahmed Sharaf]

حضرتك اضبط زوايا وان شاء الله هيكون هو دة سبب الصفارة وبعد كدة ابقى اكشف على تيل الفرامل و الطنابير.

[gebreel]

يا باشا انت تأمر بس
انا معرفش هو شاف البودرة ازاي من غير ما يفك العجلة او ممكن يكون قصدة على الصفارة المستمرة مع الحركة و تروح مع الفرملة و دية مش شرط تكون تيل ممكن بس الطنابير عايزة تتغسل كويس
بالنسبة للصفارة مع اليمين غير بس الاول التيل و انت بتغيرة هتعرف السبب من غير زوايا و لا حاجة
بس انا معرفش حد في مدينة نصر صراحة

هو كان بيقولي باينة على العجل انا كنت قاعد في العربية و بصراحة انا لا اثق فيه في موضوع العربيات ده بالذات بالنسبة للطنابير الميكانيكي مسحها في المخرطة قبل كدة فهل ممكن يكون ده اتسبب في ان سمكها بقى قليل و ادى للخبطة دي؟