مشكلة فى النوبيرا, أرجو المساعدة

[moroz]

السلام عليكم,
أنا كنت نازل الصبح بالعربية وبدور سمعت صوت الموتور عالى و غريب فقلت جايز وساخة بنزين مع السقعة المهم مشيت بيها لقيتها مكتومة خالص و مشيت بيها حوالى 10 كيلو و العربية مبتجبش فوق ال60 و ابتدت ريحة شياط تطلع فركنتها وروحت الشغل و رجعت بليل بصيت على الزيت و الميه و كده لقيت كله تمام فاخدتها و مشيت بيها برضه حوالى 10 كيلو و الصوت ابتدى يعلى و بقى خبط فى الموتور و ريحة شياط جامدة المهم روحت على الميكانيكى فقالى الأول نشوف الزيت و بعد شاف البوجيهات قالى فى واحد فاصل و السلوك وحشة فغيرت طقم بوجيهات و سلوك,العربية ظبطت شوية بس برده لسه مكتومة شوية و بتقطع لم ادوس عليها و أنا طالع و صوت الموتور بقى أعلى من الأول,كده عيب ايه و مين كويس اروحله يشوفهالى ؟؟؟؟؟ و يا ترى لما مشيت عليها الأول ده هو الى عمل حاجة؟؟؟؟

[sameh127]

اللي بايظ عندك دلوقت هو ملف اشعال البوجيهات coil "الجهاز الأسود الموجود علي يمين المحرك و خارج منه اربعة اسلاك للبوجيهات"
هو اللي عامل كل البوظان ده و انت ممكن تروح تشتريه وتركبه بنفسك مش محتاج خبرة بس الأهم من ده انك تركب الأسلاك الأربعة في الملف الجديد بنفس ترتيبهم كما كانوا في الملف القديم.
الفابريكة عاملالك طول كل سلك بالضبط قد المسافة مابين البوجيه الواصل بيه و بين فتحة التوصيل المناسبة في الملف تفاديا للتركيب الخاطئ .