الدبرياج ولا الكبالن أيهما أحق بالحفاظ علية؟

[amrbakly]

من ضمن العادات السيئة في سواقتي اني بستعمل الدبرياج عمال علي بطال يعني بالأضافة للفرملة دايما باخد الملفات و انا دايس دبرياج تحت بند الحفاظ علي الكبالن

في النهاية انا محتار ايهما اجدر تحافظ علية طقم الدبرياج و تبعد بقدر المستطاع عن انك تدوس دبرياج و لا تحافظ علي الكبالن نظرا لرزالة ابوها و مشاكلها الرزلة لأنها ممكن تفرك منك و انت مش حاسس او تبدأ تطقطق و تقرفك في عيشتك

يعني السؤال استطلاعي للجميع و ارجو المشاركة

و علي فكرة لو بصينا للمقابل المادي تمن جوز الكبالن تقريبا يساوي تمن طقم الدبرياج في اي عربية بل علي العكس في عربيات كبالنها اغلي من طقم دبرياجها

و مصنعية اي مكانيكي مش فارقة كتير يعني 50 من 100 الأتنين فيهم رمية عند الميكانيكي و بياخدوا نفس الوقت برضة

[sab3aawy]

السيارات الحديثة كبالنها الأصلية بتكون اغلى بكتير من الدبرياج، لذلك من الأفضل انك حافظ على الكبالن، بس ممكن تمسك العصاية من النص، متدوسش دبرياج وشيل رجلك من على البنزين فقط وانت بتلف، واؤكد لك ان ده كافى للحفاظ على كلاهما

[caysersosaih]

تسلم يا سبعاوي

[gears]

أنا عن نفسي وأنا داخل على ملف بمور الفتيس وبالقصور الذاتي اللي واخداه العربية باخد الملف.

وحاول ماتستعملش الدبرياج إلا للحظة النقل فقط.

[samirayad]

أنا بأسيبها على الله
وهى وظروفها

[abo_lamar]

انا بعتقد الدبرياج اهم .. ولا ايه ؟

[amrelsaqqa]

كان فيه موضوع هنا ان كبالن الالنترا بـ 5000 جنيه
وده يخليك تقول طز في الدبرياج ( معرفش سعره لسه ههههه )

[m7nsh]

كان فيه موضوع هنا ان كبالن الالنترا بـ 5000 جنيه
وده يخليك تقول طز في الدبرياج ( معرفش سعره لسه ههههه )

+ طز ههههههه
لا فعلا 5000 جنيه ؟؟

بس تعليق البشمهندس سبعاوى كالعااااااااده جاب المفيد

[yahiahelaly]

والله السؤال ده لسة سئله لنفسي من كام يوم

[ramy_gamal]

اعتقد الكبالن اهم انا طول عمرى بدوس دبرياج فى الملفات او امور

[ramy_gamal]

السيارات الحديثة كبالنها الأصلية بتكون اغلى بكتير من الدبرياج، لذلك من الأفضل انك حافظ على الكبالن، بس ممكن تمسك العصاية من النص، متدوسش دبرياج وشيل رجلك من على البنزين فقط وانت بتلف، واؤكد لك ان ده كافى للحفاظ على كلاهما

الكلام دة اكيد ؟؟؟ دى معلومه مهمه جدا وجديدة مش كله يعرفها

[monmonmon]

أنا عن نفسي وأنا داخل على ملف بمور الفتيس وبالقصور الذاتي اللي واخداه العربية باخد الملف.

وحاول ماتستعملش الدبرياج إلا للحظة النقل فقط.

كلام سليم

[monmonmon]

السيارات الحديثة كبالنها الأصلية بتكون اغلى بكتير من الدبرياج، لذلك من الأفضل انك حافظ على الكبالن، بس ممكن تمسك العصاية من النص، متدوسش دبرياج وشيل رجلك من على البنزين فقط وانت بتلف، واؤكد لك ان ده كافى للحفاظ على كلاهما

تمام دى طريقة اخرى بس على حسب ظروف الطريق لو فى عربيات قدامك فى ملف زحمه هتضطر تمور

[alhourriah]

السيارات الحديثة كبالنها الأصلية بتكون اغلى بكتير من الدبرياج، لذلك من الأفضل انك حافظ على الكبالن، بس ممكن تمسك العصاية من النص، متدوسش دبرياج وشيل رجلك من على البنزين فقط وانت بتلف، واؤكد لك ان ده كافى للحفاظ على كلاهما

100000%
مشكور يا سبعاوي. دي كلام صحيح وخير الأمور أوسطها