العربية بتاكل زيت(سمير عياد - سبعاوي)

[mohamed_rhem]

سمير باشا عياد- خالد باشا سبعاوي

وكل الخبراء


تحية طيبة


بسرعة كده انا عربيتي شاريد 90 3 سلندر 1000 سي سي
من حوالي 3 شهور اشتريت موتور استيراد وتم عمل خرط للبستم 020
والكرنك وتم عمل سبيكة 030
اما الوش معملتش فيه حاجه وتم تغير السيور وطلمبه مياه وطاقم كهرباء ومارش وبطاريه

سافرت بالعربية شرم بعد التليين ولاحظت نقص الزيت في العيد الصغير

وطبعا انا مشاويري تتراوح يوميا 20 كم فكبرت دماغي واعتقدت في بادي الامر ان العمليه جوان ولا حاجه

خصوصا اني متابع اي بخر زيت خارج للعمة مفيش

المهم

يوم السبت روحت اسكندريه صد رد

فوجئت بنقص حوالي 1 ليتر من اصل 2.7

في 500 كم

طبعا الاولسيهات بتاعة وش الكاتينة جايبة زيت

وكنت حغسل الموتور واستني يومين ولا حاجه واشوف النشع ده جاي من فين

انهارده لاحظت وجود دخنة بيضاء بعد اكتر من نصف ساعة من التشغيل ملهاش علاقه بالصباح الباكر في الشتاء ده لما وصلت الشغل

والدخنة بتظهر لما بدوس بنزين علي الاخر في نص الدوسه كده مش مستمرة يعني

دلوقت المشكله في ايه

انا لسه معملتش 6000 كم بعد العمرة

في ميكانيكي تاني بيشتغل في العربيه غير اللي عملي العمرة اروحله

ولا ارجع للي عملهالي؟

المشكله من فين بالظبط علما بأني يعد العمرة ملاحظ اني بشم رائحه دخان في المقصورة لما بدوس بنزين جامد في حالة الجري مثلا فوق 110 كم

[samirayad]

طبعا موضوع الغسيل ده أساسى
علشان تعالج سبب التسريب الظاهر أمامك
ولو عاوز تطمن فعلا على كفاءة العمره
وتشوف أعمال خراطة الغرف تمام ولا لا
أعمل أختبار كبس

[banboty]

هوا فيه سؤال محيرني ؟

انت اشتريت الموتور بكام و منين , علشان يتعمل فيه كل ده ( بستم و خراطة و سبيكة و طلمبة ميه و مارش و اويل سيل )

انت اشتريته كده بالبركة و لا كان معاك حد !!

اما بخصوص سؤالك فاعتقد انك لازم ُتحكم الموتور الاول و بعدين تشوف العربية هتاكل زيت و لا لأ زي ما قال المهندس سمير ..مع ان الاويلسيهات عمرها ما هتاكل لتر زيت !!

بس انا شايف على كلامك ده ان الموتور اللى انت اشتريته حالته كانت مستهلكة من اساسه
لان ممكن كمان تكون الفارغة بتاعت الموتور بتجيب زيت حتى لو اتعمل لها قشط ؟

[mohamed_rhem]

طبعا موضوع الغسيل ده أساسى
علشان تعالج سبب التسريب الظاهر أمامك
ولو عاوز تطمن فعلا على كفاءة العمره
وتشوف أعمال خراطة الغرف تمام ولا لا
أعمل أختبار كبس

طيب انا حغسل وكام يوم اشوف واروح اعمل اختيبار كبس في بنزينة عباس

بس اروح للي عملي العمرة ولا ميكانيكي تاني؟

هوا فيه سؤال محيرني ؟

انت اشتريت الموتور بكام و منين , علشان يتعمل فيه كل ده ( بستم و خراطة و سبيكة و طلمبة ميه و مارش و اويل سيل )

انت اشتريته كده بالبركة و لا كان معاك حد !!

اما بخصوص سؤالك فاعتقد انك لازم ُتحكم الموتور الاول و بعدين تشوف العربية هتاكل زيت و لا لأ زي ما قال المهندس سمير ..مع ان الاويلسيهات عمرها ما هتاكل لتر زيت !!

بس انا شايف على كلامك ده ان الموتور اللى انت اشتريته حالته كانت مستهلكة من اساسه
لان ممكن كمان تكون الفارغة بتاعت الموتور بتجيب زيت حتى لو اتعمل لها قشط ؟

بص يا باشا

الموضوع ده قصة لوحده

انا الموتور القديم سير الكاتينة اتقطع وعملت فيه طاقم صباب وفريزة وقواعد ودلايل وغيرت طاقم الشنبر

مفيش مشيت 2000 كم او اقل راح خرطوم مياه اتقطع وماخدتش بالي وانا بزود مياه ان الموتور مفيهوش

حصل شرخ بين الصبابين

احتاجت وش سلندر استيراد

روحت بورسعيد مفيش وش بيتباع لوحده

كان في ماكينه بدون مانقولد وكربراتير وادوات تغدية اخدتها علشان الوش هو اللي عليه رقم الموتور

المهم
الوش طلع مشروخ

وطبعا كنت عملت خراطه في الموتور

رجعت الوش واشتريت وش من هنا