مساعده من اهل الخبره والمتخصصين....!!!!

[vwmk]

انا عندى مشكله غريبه قوي....وانا ماشي بالعربيه وبزود بنزين علي التانى والتالت بسمع صوت حكة بتروح وتيجى بانتظام ولما بزود الصوت بيزيد لحد ما يروح ولما بدوس دبرياج او امور العربية الصوت يروح "" يعنى الصوت بيظهر لما بدوس بنزين "" ولما بعدى ال 80 الصوت بيروح وعلى بداية 130 و 140 بلاقى رعشة مع العلم انى مرصص العجل ....عربيتى جولف 1 1800 ....ده ممكن يكون صوت ايه لان الموضوع بصراحة يجنن...افيدونى يا شباب

[modo88]

ممكن بلية فتيس يا باشا لانك بتقول الصوت بيروح لما تدوس دبرياج لانك كدا بتفصل حركه الفتيس ولف التروس والبلي شوف كدا وان شاء الله خير

[vwmk]

شكرا يا باشا انا هروح لميكانيكي بكرة

[modo88]

ياريت ياباشا لما تروح للميكانيكي تقولنا ايه اللي حصل
وان شاء الله خير

[organic_magic]

بص انا حصلت معايا كان فيه صوت غريب في العربيه زى حكه كدا يعنى وكان الصوت بيروح فوق 60 كدا والسبب كنت مغير الجنط ومرطب الاستيبن وحاطط مسامير الجنط علي الاستيبن بس المسامير كانت طويله شويه علي الاستيبن فكانت هي اللي بتعمل الصوت وفوق 60 طبعا كان صوت الهوا اعلى من صوت الحكه فكان دا السبب

[vwmk]

مش هتصدقوا اللى حصل.... رفعت العربية على رافعة واتفاجئت ان ماسورة الشكمان لزأة فى الكبلن لانى قبلها بيوم روحت غيرت علبة الشكمان اللى فى النص والصنايعى ربنا يخليه ليا معرفش يظبطة....طبعا الماسورة اتكلت فغيرتها....الحمد لله جت سليمة.....شكرا يا شباب على ردودكم