العربية بتدور واطيه

[giuoshe]

السلام عليكم ورحمة الله :-
أنا عندى العربية كانت لما بدورها الصبح أول مرة كانت بتدور rpm كان بيبقى 1.5 وبعد كدة كان بينزل لغاية 00.850 لما بتسخن وكانت زى الفل من مدة لاحظت انها لما بتدور الصبح اول مرة بتدور على rpm 1 أو 00.900 ولازم افضل ساند بنزين لأما تقعد تعلى وتوطى لغاية لما تسخن مع العلم أنى لسة مغير حساس الايدل والبوجيهات والفلاتر ومنضف البوابة برجاء المساعدة

[aYaBooY]

ده عيب ايدلر او عدم نظافة من الماف او الماس حسب الي موجود في عربيتك
و بما انك منظف البوابة قريب يبقي نستبعد التي بي اس
عموما نظف الماف و سيك على البوجيهات و سلوكها

[giuoshe]

ده عيب ايدلر او عدم نظافة من الماف او الماس حسب الي موجود في عربيتك
و بما انك منظف البوابة قريب يبقي نستبعد التي بي اس
عموما نظف الماف و سيك على البوجيهات و سلوكها

مشكر على الرد بس أنا مش عارف يعنى اية الماس او الماف انا اعرف الايدل وغيرتة وال بى أس والميكانيكى قال سليم وحساس الكرنك وبردو قال سليم اية هو الماف والماس وشكراً

[SAMEH_FOUAD]

شوف ياباشا انا هاقولك على حاجة الاول اعملها ,وبعدة كدة فك حساس الماب map sensor ودة هتلاقية على البوابة من فوق
بس الاول روح للميكانيكى خلية يرش الماتور بالجاز وقولى اية اللى هيحصل بس خلية يرشها كويس وخصوصا من ورا البوابة
وماتعملش حاجة رشها بس وشوف تانى يوم الصبح هتعمل اية
لو ماظبطتش ابقى فك حساس الماب ودة هتلاقية بمسمارين فوق البوابة على طول ومرتبط بفيشة ,بس خلى بالك عشان تحتية رينج كاوتش اوعى يضيع منك ,ونظفة بكمبروسير هواء بس عشان لو جيبت علية اى سائل هتلاقى العربية مش مظبوطة لمدة تلات ايام لحد ماتظبط تانى ,ونظف الفيشة بتاعتة بwd-40 وبردة الفيشة بتاعة الضفيرة نفسها وان شاء الله هتلاقى كلة تمام

[giuoshe]

شوف ياباشا انا هاقولك على حاجة الاول اعملها ,وبعدة كدة فك حساس الماب map sensor ودة هتلاقية على البوابة من فوق
بس الاول روح للميكانيكى خلية يرش الماتور بالجاز وقولى اية اللى هيحصل بس خلية يرشها كويس وخصوصا من ورا البوابة
وماتعملش حاجة رشها بس وشوف تانى يوم الصبح هتعمل اية
لو ماظبطتش ابقى فك حساس الماب ودة هتلاقية بمسمارين فوق البوابة على طول ومرتبط بفيشة ,بس خلى بالك عشان تحتية رينج كاوتش اوعى يضيع منك ,ونظفة بكمبروسير هواء بس عشان لو جيبت علية اى سائل هتلاقى العربية مش مظبوطة لمدة تلات ايام لحد ماتظبط تانى ,ونظف الفيشة بتاعتة بwd-40 وبردة الفيشة بتاعة الضفيرة نفسها وان شاء الله هتلاقى كلة تمام

شكرا يا باشا على الرد بس عندى سؤالين اولاً : عايز افهم اية موضوع الجاز دة وبيعمل اية وينفع أغسل الموتور فى البنزينة وأرشة بالجاز ؟
ثانياً : اية حساس ماب دة أنا أعرف انة فى حساسين بس عند البوابة tbs و idal وانا مغير الايدل اية هو الماب ؟

[SAMEH_FOUAD]

شوف موضوع انك ترش الماتور بالجاز دة مفيد جدا وكويس وانا عوما بعملة فى العربية عندى كل اربع شهور وبحس ان العربية بتبقى افضل يعنى ماتخافش منة ,والاحسن انك تخلى المكيانيكى هو اللى يعملة ,
بالنسبة لحساس الماب فدة ياباشا هتلاقية موجود على البوابة من فوق ولو عندك الصورة اللى مرة وريتهالك قبل كدة وعلمتلك على الحساسات هتلاقية مكتوب فيها ,ودة بيقوم بتنظيم السلانسية فى العربية ويخلى مؤشر الاربى ام ثابت

[SAMEH_FOUAD]

شوف انا نسيت اقولك اعملها بالجاز بس خلية بقدر الامكان مايجيش جنب الاماكن اللى فيها كاوتش ,او لائما ترشها وبعد كدة تتطلع على البنزينة تنظفها بالفوم وان شاء الله كلة يبقى تمام

[giuoshe]

شوف انا نسيت اقولك اعملها بالجاز بس خلية بقدر الامكان مايجيش جنب الاماكن اللى فيها كاوتش ,او لائما ترشها وبعد كدة تتطلع على البنزينة تنظفها بالفوم وان شاء الله كلة يبقى تمام

روحت للميكانيكى ورش ونضف tps , idel والبوابة ورحت وجيت النهاردة الصبح ادورها بردو دارت واطية أقل من 1 rpm وبعد شوية عليت فوق الواحد وبعد كدة نزلت على الواحد ..
انا عايز أعرف أية المسئول عن العربية يخليها او بيتحكم ان العربية الصبح تكون عالية غير idel , tps ,maf الميكانيكى قال لى هنضفلك الرشاشات وممكن تظبط بعديها هلى ده صح ولا لاء وكمان انا متهيئلى لو الرشاشات يبقى تعمل كدة طول اليوم حتى لو سخنة ولا الكلام دة غلط .

[SAMEH_FOUAD]

بقولك اية ماتخليهوش يجى جنب الرشاشات ,الرشاشات بتتيغر لما بتكون مسيلة
طيب خلية لائما يظبطلك الidle على عدد لفات اعلى شوية
لان الايدل دة مرتبط ببكرة الاكسراتير فممكن تكون واطية عندك ومش مظبوطة فالميكانيكى هيفك المسمار اللى تحت اللى رابط الايدل ويبقى بس متوصل بالمسار اللى فوق ,وبعد كدة يبدأ يحرك الايدل لحد مالاربى ام عندك يتعدل ويبقى على 850 لفة واول مايظبط يربط المسمار اللى تحت على كدة ,وبكدة هاتكون مظبوطة
لائما عندك حل تانى وهو مسمار الفاكيوم ودة موجود تحت حساس الماب على طول ,وبتدورة عن طريق مفك ناحية صالون السيارة ,لانة كدة بيظبط العربية ودة بيقوم مقام مسمار الهواء فى السيارات الكربراتير
غير كدة مافيش ولو الميكانيكى بتاعك مش عارف يعمل القصة دية تعالى انا ممكن اقابلك واوديهالك للميكانيكى بتاعى لانة شاطر جدا فى تظبط كل الحساسات والمشكلة دية واجهتنى فى الاول خالص والصراحة الحمد لله اتحلت فى خمس دقايق انا ساكن فى وسط البلد واى خدمة ياباشا

[SAMEH_FOUAD]

وبعدين ياباشا معلش كدة عشان فية حاجة بس انا مش فاهمها منك شوف المفروض اللى بيحصل وانت لسة جاى تدور العربية الصبح وهية لسة باردة تماما :
1:انك اول لما بتدور العربية بتدور معاك على طول من غير مشاكل زى مابيقولوا من تكة واحدة
2:عداد الاربى ام اول لما بتدور بيترفع الى 1250 لفة وبيبدأ فى النزول عكسيا مع ارتفاع مؤشر الحرارة
3:اول لما الحرارة تيجى عند المعدل الطبيعى بتاعها المفروض يكون مؤشر الاربى ام عند 850 لفة /900 لفة
دول والعربية باردة لكن والعربية سخنة ومثلا طفيتها وجيت تدورها تانى بعد مثلا عشر دقايق بيحصل كدة
ان مؤشر الاربى ام بيرتفع الى 1200 لفة وبعد كدة ينزل الى 850 لفة او 900 لفة فى ثانيتين او ثلاث ثوانى بالظبط
لكن لو عند بقى المؤشر بيلعب على السلانسية وكل شوية يطلع وينزل يبقى كدة عيب حساس الماب او حساس الايدل لائما العربية واطية والسلانسية بتاعها مش مظبوط
لو عندك العربية مابتعلاش وهية باردة يبقى كدة العيب من حساس الحرارة
لو عند لمبة التشيك بتنور وانت ماشى مرة واحدة والعربية بتتخنق يبقى كدة طرمبة البنزين بتودع وبتجيب الاخر
دة كل حاجة عن الحساسات وعيوبها واى سؤال انا فى الخدمة ياباشا

[giuoshe]

اولاً انا متشكر جداً على أهتمامك .
بص يا باشا انا عندى حساس الايدل مفهوش رجلاش هو بيتمسك بمسمارين بس ولية مكان بيبات فية وانا لسة مغيرة من شهر وبعدين انا اعرف لما يكون حساس الحرارة بايظ العربية تاكل بنزين مش دة صح ولا اية والعربية مبتكلش بنزين وبعدين هية بتدور على 1 rpm وتعلى حبة جبة لغاية 1250 وبعد كدة تبدا تنزل عكسى مع الحرارة وياريت يا باشا تليفونك لو تسمح بدون ازعاج .

[SAMEH_FOUAD]

ماشى ياباشا رقم تليفونى 0103088605
ومافيش ازعاج ولا حاجة احنا اخوات

[zocor742]

ريح بالك وحط العربية على اسكانر و شوف قرايات الحساسات عالية ولا فى حاجة مخرفة , ولو فية عطل هتلاقية متسجل عندك
وعلى هذا الاساس هتقدر توصل للعيب

[samirayad]

ريح بالك وحط العربية على اسكانر و شوف قرايات الحساسات عالية ولا فى حاجة مخرفة , ولو فية عطل هتلاقية متسجل عندك
وعلى هذا الاساس هتقدر توصل للعيب

فعلا
الأسكانر حيجيب من الآخر
لأن الخلل ده بتاع حساس ال tps


بس فيه حاجه عاوزين نقولها
أيه أخبار البطاريه معاك

وهل عملت أيدل ليرن لما غيرت بلف الأيدل

مع العلم أنى لسة مغير حساس الايدل

اللى قولت عليه فى أول الموضوع
ولا ركبته كده وخلاص مكانه وهو جديد

ولا حظ أن فيه فرق كبير بين وظيفة بلف الأيدل ووظيفة حساس البوابه tps

[giuoshe]

متشكر جداً يا باشمهندس على الرد :
اولاً انا بكرة إنشاء الله هعمل للعربية سكان بس سؤال ؟
انا العربية بتعتى ملهاش سوفت وير على الأجهزة بس العربية بتفتح على الجهاز على نوع تانى وتقرأ والجهاز بيحس بكل العربية هل كدة العربية أتشافت صح على الجهاز ولا لاء؟
- ثانياً أنا مش عارف يعنى اية (أيدل ليرن ) الميكانيكى شال القديم وركب الجديد وقالى ان القديم السوستة بتعتة اتفردت وبوش ....
بس الصراحة أنا لما غيرتة محستش بأى فرق فى العربية .
ثالثاً : انا النهاردة عليت العربية شوية من مسمار الفاكيوم اليعندبكرة الأكسراتير زى ما قال الاستاذsemsem kane وهجرب الصبح أنشاء الله ..
رابعاً : الحمد لله البطارية كويسة .