مشكله صغيره فى الفتيس

[Mostafa]

عندى مشكله فى الفتيس . العربيه لما اكون واقف واجى اجيب الاول بتاعها بييجى معايا عادى خالص من غير مشاكل . المشكله بقى لما بتكون العربيه بتتحرك حتى لو حركه بسيطه الاول بيكون جامد قوى ومبيرضاش ييجى معايا مع انى بكون دايس دبرياج على الاخر . وميرضاش ييجى الا لو العربيه بقت خلاص هتقف وكمان بالعافيه .
حد يعرف ايه ده يا رجاله ؟؟
العربيه فيات سيينا 1600

[fahd_628]

دة مش عيب يا باشا دة عادى طول ما العربية ماشية صعب تجيب اولو دة علشان مثلا متجيبش اول بدال التالت

[Mostafa]

العربيه مش بتبقى ماشيه ماشيه يعنى . دا مجرد بس انها بتتحرك ببقى مش عارف اجيب الاول .
يعنى مثر هديت خالص عشان اخد مطب وبعد ما اخده اجى اجيب الاول معرفش . والتانى بيبقى وحش لان العربيه بتبقى محتاجه الاول وده من عيوب السيينا انها بتحتاج تنقل غيارات كتير

[fahd_628]

مش عارف والله يا باشا استنى اراء الناس

[mazgangy]

انا كمان عندى نفس المشكله فى الرينو كليو بس مش اعتقد انه عيب لان طول ما العربيه بتتحرك ولو حركه بسيطه غلط تجيب الاول لان الاول يجى والعربيه ثابته تماما عند بدايه الانطلاق وحتلقيه كويس معاك وبيجى بكل سهوله

[sab3aawy]

ده مش عيب ، دى طبيعة فتيس السيارة

فيه موديلات كتير جدا بيكون ففتيسها صعب جدا انه يعشق اولانى وهى ماشية والفيات من اشهر العربيات اللى فتيسها كدة

لما تكون بطئ جدا اديها التانى وعمل كونترول بالدبرياج، لكن لو عايز تديها اولانى قف تماما وبعدي ناديها الاولانى، انا كل الفيات اللى سقته بكافة موديلاته كدة

[KOLIU2002]

راجع على زيت الفتيس ونسبته و شوف المدفع ئلى هو بينقل الحركه من الجير للعصايه ف الصالون

[eng_mkhalaf]

أنا عربيتى مفيهاشى الموضوع دة سواء العربية القديمة أو الجديدة :!: :!:

[amir]

الفيليشيا كده برضو الاول ييجي مع التوقف فقط لكن لو في حركه بسيطه تاخد التاني و مستحيل تديها الاول,,, يمكن زي ما سبعاوي قالك هيا كده, و علي فكره اللانسر بتاعت اخويا عكس كده, بتاخد الاول حتي لو في حركه بسيطه لاكن لو جيت اديها التاني بتكركر و تفضحني!

[ahmedsrs]

ده مش عيب ، دى طبيعة فتيس السيارة

فيه موديلات كتير جدا بيكون ففتيسها صعب جدا انه يعشق اولانى وهى ماشية والفيات من اشهر العربيات اللى فتيسها كدة

لما تكون بطئ جدا اديها التانى وعمل كونترول بالدبرياج، لكن لو عايز تديها اولانى قف تماما وبعدي ناديها الاولانى، انا كل الفيات اللى سقته بكافة موديلاته كدة

_________________
مع تحيات سبعاوى
+1000
________________________

[Abdallah]

ازيك يا باشمهندس , فينك يا شيخ مبنسمعش صوتك ليه ؟ :)
متقلقش دة شىء طبيعى لأن فى بعض انواع السيارات بتعمل لوك للفتيس علشان متقدرش تجيب نقلة اقل من سرعتها وبالتالى تؤثر على الفتيس والموتور مثل التويوتا والفيات والفولكس.
حاجة تانية كنت عايز اعقب عليها هى ان الى اتعلمناه ان الاول ممنوع تماما اثناء سير السيارة, لأنه وظيفته تحريك السيارة من الثبات ولذلك فهو اكبر ترس فى الفتيس واكثر غيارات العربية عزما يبقى استخدامه فى حالتين, التحرك بالسيارة من الثبات وطلوع مطلع مائل بزاوية 70 مثلا, وبرضة يا ريت لو سبعاوى يعرف معلومة يفيدنا.