أستهلاك البنزين عالى

[egawady]

يا جما عة أنا عربيتى لانسر 98 اوتوماتيك .. العربية بتعمل معايا حوالى 180 إلى 190 فى الصفيحة جوه البلد .... انا شايف ان ده استهلاك عالى شوية .. مع العلم انى بغير كل حاجة فى مواعيدها ( بوجيهات - سير كاتينة - زيوت ... إلخ )
مع العلم ان العربية الصبح اما بدورها بتقطع طالما الموتور بارد .. وريحة البنزين زى ما يكون نى .... ( بدون احتراق ) والسحب بيبقى زبالة ...
... بس اما بتسخن بتبقى زى الفل عشرة على عشرة ... المشكلة بس اما بتكون باردة

يا ترى اية رأى الأخوة الأعضاء ؟
أفيدونا ... ؟افادكم الله .........

[hazim2008]

اكشف على فلتر الهوى لو اسود لازم تغيره مجبش نتيجه يبقى راجع تنظيف الكربراتير

[HNaga]

الموضوع ده حصللى فى عربيتى الأسترا
إشتريت بوجيهات محترمة و فلتر هوا محترم ضبط إستهلاك البنزين تانى

[momo44]

انا كنت عايز اسالك شوية اسئلة يا بشمهندس eng_mkhalaf
ايه المشكلة لما يكون فى ريحة بنزين
تانى حاجة انا مش فاهم الكلام ده

أنا لما لقيت الم}شر ينزل بسرعة خفت لأنة نزل شرطتين يعنى حوالى 14 لتر فى 60 كيلو ودة ضعف الطبيعى - لأن أنا تحركاتى كلها فى وسط البلد يعنى كلها أشارات -
قلت أروح أمون وأشوف النتيجة ببص لقيت الراجل حطلى حوالى 8 ليتر بس - الصراحة حمدت ربنا وقلت أنا مقلق زيادة عن اللزوم - إللى أنا أستنتجتة لقيت أن ممكن يكون التصميم بتاعة كدة يعنى طردى متناسب ودة نوع من انواع الموشرات الموجودة فى العربيات الحديثة بس بيكون معاة عداد يوضح الأستهلاك علشان الواحد ميتلغبتشى
بس أنا كنت مطمن لأن مفيش ريحة بنزين متسرب أو دخنة لونها أسود أو موتور بيقطع كلة كان طبيعى بس هو قلق زيادة وحسوكة ملهاشى لازمة بس طبعى أعمل أية - زى موضوع الفتيس إللى بيعض معايا مشكلة بسيطة جدا وحلها المؤقت معروف بس القلق القاتل والحسوكة مخلايانى مقلق عالطول

لان انا لما مثلا الراجل بيحط حوالى 10 لتر بيزيد المؤشر حوالى15 الى 20 لتر مش عارف ليه وطبعا بينزل المؤشر بنفس الطريقة
فهل ده ليه علاقة باللى حضرتك بتقوله

[momo44]

معلش انا تعبكو معايا كنت عايز اعرف الرد على اللى سالته بلييييييز
وكمان عندى سؤال تانى
انا مزعج مش كده بس معلش استحملونى
انا اول لما ادور العربية واكون واقف بره بشم ريحة بنزين مش محروق يعنى كانى فى قدامى بنزين فى طبق مثلا ياريت تكونو فاهمين قصدى
ومتشكر لكل اعضاء المنتدى لمساعدتهم للاخرين

[eng_mkhalaf]

بص يا باشا - ريحة البنزين دية معناها أن فى تسريب فى مكان ما فى دائة البنزين بداية من غطاء التانك ونهاية بالكربراتير أو الأنجيكشن هيدر - لأن الدايرة دية لازم تكون محكمة لأن البنزين سريع التطاير ودة ممكن يفضى للتانك وأنت مش حاسس وصعب تكشفة بالنظر لأن مش هيكون هناك إى أثر على الأرض زى حالة الزيوت.
بس ممن يتعرف أزاى انك تسيب العربية يوم أو يومين راكنة وبعد كدة تبص على المستوى بتاع البنزين - ودة معناة أنة تسريب فى المجموعة الأمامية لدايرة البنزين ولو ملقيتشى حاجة يبقى تدور العربية لفترة وعتمد على حاسة الشم عند اموتور أو لو معندكشى مشكلة سيب العربية دايرة 2 -3 ساعات وكأنك بتلين وبص عى لمستوى البنزين وقارنة بالأستهلاك العادى ودة هيكشف إى تسريب فى النص التانى من الدايرة
أو من الأخر لروح لميكانيكى وهو ممكن لو شاطر يكتشف التسريب عالطول

لان انا لما مثلا الراجل بيحط حوالى 10 لتر بيزيد المؤشر حوالى15 الى 20 لتر مش عارف ليه وطبعا بينزل المؤشر بنفس الطريقة
فهل ده ليه علاقة باللى حضرتك بتقوله

تمام زى عندى بس دة بيبقى فى الربع العالى من التانك بعد كدة الواحد بيعتل علشان ينزل شرطة

انا اول لما ادور العربية واكون واقف بره بشم ريحة بنزين مش محروق يعنى كانى فى قدامى بنزين فى طبق مثلا ياريت تكونو فاهمين قصدى

طب الريحة دية من الشكمان ولا من أية

[momo44]

اولا احب اشكرك على سرعة الرد
ثانيا يعنى ايه الربع العالى من التانك بعد كدة الواحد بيعتل علشان ينزل شرطة
ثالثا مفيش حل اسهل اقدر اعرف فيه تسريب ولا لأ
وفيه حاجة كمان الريحة ديه مش بشمها الا لما ادور العربية
يعنى وانا رايح ادورها وواقف جنبها مش بشم حاجة ولكن اول لما ادور بشم ريحة البنزين
وهل لو العربية اتحكت من تحت تاثر على موضوع دائرة البنزين؟؟؟؟؟؟؟؟؟

[eng_mkhalaf]

بس يا باشا - معنى أنت بدورها وبعد كدة تشم ريحة بنزين يبقى حاجة من 2 يا أما حرق غير كامل وبكدة هتشم ريحة بنزين جاية من الشكمان أو تشم ريحة بنزين من عند الموتور ودة معناة ان فى مشكلة فى توصيلات البنزين إلى الموتور أو مشكلة فى بوابة الكربراتير

ايه الربع العالى من التانك بعد كدة الواحد بيعتل علشان ينزل شرطة

دة أنا لاحظتة بشدة فى عربيتى وهو موضوع غريب فعلا وعن قريب هحاول أتأكدة من

مفيش حل اسهل اقدر اعرف فيه تسريب ولا لأ

روح لميكانيكى

وهل لو العربية اتحكت من تحت تاثر على موضوع دائرة البنزين؟؟؟؟؟؟؟؟؟

ممكن بس أحتمالة صعب قووووى

[momo44]

شكرا لتوضيحك
فعلا انا لما ركزت فى الريحة لاقيتها بتخرج من الشكمان
بس يعنى ايه حرق غير كامل وهل فيها خطورة

[eng_mkhalaf]

مشكلتة أن العربية هيبقى سحبها إى كلام وهتاكل بنزين
حلها بسيط بس هو عربيتك أنجيكشن ولا كربراتير

[momo44]

عربيتى كربراتير

[eng_mkhalaf]

دة حلها سهل قوى - انت ممكن تروحى لأى ميكانيكى ويظبط نسبة الوقود واهواء ودية سهلة وإى صبى عندة هيعملها فى ثوانى أو لو عايز أنت تعملها ودة لو عندك خبرة بسيطة فى العربيات وهى أنك تفك عمة الهواء من فوق الكربراتير هتلاقى الكربراتير قدامك عالطول وهتلاقى على الجنب مسمار راسة عادة تقوم مهوية أو قفلة كويسة لحد ما تسمع أن صوت الموتور بقى كويس والعربية مبتبطلشى وشكرا يا ياباشا وأدعيلى

[momo44]

دة حلها سهل قوى - انت ممكن تروحى لأى ميكانيكى ويظبط نسبة الوقود واهواء ودية سهلة وإى صبى عندة هيعملها فى ثوانى أو لو عايز أنت تعملها ودة لو عندك خبرة بسيطة فى العربيات وهى أنك تفك عمة الهواء من فوق الكربراتير هتلاقى الكربراتير قدامك عالطول وهتلاقى على الجنب مسمار راسة عادة تقوم مهوية أو قفلة كويسة لحد ما تسمع أن صوت الموتور بقى كويس والعربية مبتبطلشى وشكرا يا ياباشا وأدعيلى

مش فاهم هية بتبقى مهوية ولا قافلة كويس
وبعدين فى حاجة تانية العربية مبتبطلش وسحبها كويس