سعر الباب الخلفى لل 128

[misoalex]

يا جماعه انا اتأكدت كده ان عربيتى واخده عين جامده اوىىىىىىىىىى
العربيه كل معمل فيها حاجه تطلع 3 او 4 حاجات ده غير المشكله الى مفيش مكانيكى لاقلها حل
ولما كبرت دماغى وقولت سيبها كده بمشاكلها زادت الطين بله
وانا بركن وكان معايا ناس فى العربيه المهم فتحو الباب الى ورا وانا برجع عشان احضن على الرصيف المهم كان فيه عامود وطبعا الباقى انتو فاهمينه
الباب كلبش فى العمود واتعوج من عند المفصله كده وبقى فى شفه طالعه لبره والباب مبقاش يقفل غير بالهبد جامد جامد وبرضه فيه حته اكن الباب مش مقفول
وطبعا الباب مبقاش يفتح غير لما افتح الباب الى قدام الاول عشان الشفه بتخبط فيه
انا طولت عليكم بس انا عاوز اعرف تمن الباب كام استعمال لانى على ما اعتقد انه مش حيرجع تانى زى الاول مهما عمل السمكرى
المشكله ان بكره الحد والناس كلها قافله ومش حلاقى حد اسأله
انا ابتديت اتعقد من العربيه مع انى مشغل فيها قرأن كتير اعمل ايه فى العين حسبى الله ونعم الوكيل

[lada2010]

تعالى عندى سمكرى يضبط لك الباب بدون تغير

[misoalex]

[quote]
تعالى عندى سمكرى يضبط لك الباب بدون تغير
[/quote]
ياريـــــــــت
هوحضرتك من اسكندريه
والمشكله ان الباب يرجع زى مكان نضيف مش يتعدل وبيقى فيه طالع ونازل وشكله انت عارف بيبقى عمامل ازاى ده الى بتكلم عليه ياريت حد يفيدنى هل فعلا ممكن سمكرى يرجعه ولا حياخد فلوس ويقولى هو ده اخره يا بيه وفى الاخر حغيره برضه
بس لو السمكرى الى عند حضرتك نضيف ياريت تقولى عليه

[د.محمود صلاح]

فعلا وديها عند سمكرى يشوف يتصلح ولا يتغير و ومعلش العربيات القديمة كلها مفاجآت من النوع ده

[مواطن مصرى]

باب استيراد 128 معدل ممكن يعمل من 120 الى 150 فى الحرفيين مع ملاحظه انهم يبيعوا الباب حديد فقط بدون فرش او زجاج

[misoalex]

باب استيراد 128 معدل ممكن يعمل من 120 الى 150 فى الحرفيين مع ملاحظه انهم يبيعوا الباب حديد فقط بدون فرش او زجاج

شكرا جدا الف شكر على الاسعار

[misoalex]

فعلا وديها عند سمكرى يشوف يتصلح ولا يتغير و ومعلش العربيات القديمة كلها مفاجآت من النوع ده

المشكله انى معرفش سمكرى كويس او حد اتعاملت معاه واعرف انه نضيف

[ahmad5997]

قول الحمد لله
وبعدين طالما انت عارف انها بتاخد عين ما تبقاش تقول قدام حد عن الحاجات اللي بتعملها وبلاش تزوقها
معلش فدت حاجة تانية

[misoalex]

قول الحمد لله
وبعدين طالما انت عارف انها بتاخد عين ما تبقاش تقول قدام حد عن الحاجات اللي بتعملها وبلاش تزوقها
معلش فدت حاجة تانية

شكرا على الرد وانا ساعه متخبتط كنت زعلان جدا لدرجه انى افتريت على العربيه وانا راجع جامد كنت بطلع غيظى فيها ههههههه
الحمد لله قدر الله وما شاء فعل

[misoalex]

انا وديتها لسمكرى ومعرفش يردها زى متوقعت وقالى كده اخرها والمعجون حيداريها لان ورا الشفه دى عصب وانا مش عارف اطولها وطبعا المعجون شهر وحيتشقق ويقع
وطبعا الباب اتشرح والتسخين والدق خلا منظره زفت اكتر والكسره او الدرجه الى بتبقى فى الباب من اوله لاخره دى الى عامله زى السلمه بقط طالعه نازله
طبعا الحل كده حغير الباب
بس فى واحد قالى اشترى حاجه اسمها قشره باب او زى وش صاج للباب وحطه على الباب الى عندك هل الموضوع ده ينفع هو بيقولى حتشتريها بحوالى 35 جنيه

[hamedo0]

قصده الطبله بتاعت الباب هو السمكرى حيفك الطبله القديمه ويركب الطبله الجديده بس نصيحه هات باب من عزبه شلبي او الحرفيين احسن وممكن تلاقي نفس لون عربيتك تبقي ممكن مش ترش

[misoalex]

قصده الطبله بتاعت الباب هو السمكرى حيفك الطبله القديمه ويركب الطبله الجديده بس نصيحه هات باب من عزبه شلبي او الحرفيين احسن وممكن تلاقي نفس لون عربيتك تبقي ممكن مش ترش

يعنى ايه الطبله قصد حضرتك الطبله الى بتفتح البا وتقفله مش فاهم هو قصده الصاج الخارجى للباب يتقص ويلحم الصاج الى حجيبه
بس انا من اسكندريه
اهو الى من القاهره بقى مهيصين فى قطع الغيار دى انما عندنا قليلين الى تلاقى عندهم الاستعمال