استقسار بخصوص الكربراتير

[temo85]

السلام عليكم ورحمه الله
ياجماعه انا عاوز افهم حاجه هل لما بيكون فى مشكله فى الكربراتير و مسدود ده بيبان فى السلانسيه ولا ده المفروض ان العربيه تكون مكتومه على كل السرعات عشان انا محتار جدا هل لما تكون العربيه فيها نفضه على السلانسيه ده يبقى كربراتير ولا يبقى بوجيهات ولا ايه بالظبط

[temo85]

ايه ياجماعه هو الموضوع صعب اوى كده ولا ايه بجد انا محتاج مساعده حد خبرة وفاهم ضرورى

[mostafa_9128]

اظن ان السلانسية في الكاربيراتير ملوش علاقة كبير قوي بالسرعات العالية
و يا ريت توضح يعني ايه نفضه علي السلانسيه رعشة كبيره يعني ولا اية

[mostafa_9128]

و علي العموم لو الكاربيراتير عايز يتنظف انت ممكن تجيب السبراي اللي بيترش في مكان دخول الهوا تحت العمة و الازازة دي اللي بتتحط علي التفويله دول بيعملوا حوالي 50 جنية و ممكن تجيبهم من اي بنزينة
و في مواضيع كتير هنا في المنتدي علي طريقة الاستخدام

[hamadakr]

السلام عليكم ورحمه الله وبركاته
اولا للرد على سؤالك هو العيب بالفعل من الكربراتير بس مش ممكن احدد العيب بالظبط لانى مشوفتش العربية وبعدين موضوع انك تضع اسبراى احب اوضح لكل الناس المحترمه ان الاسبراى دة عبارة عن مسكن ضاااااااااار جدا للكربراتير لانة يحتوى على مواد كيماوية تتسبب فى توسيع مجر الكربراتير لان الكربراتير مصنوع من مادة اسمها الانتومونية ودية مادة حساسة جدا فبالتالى على المدى وبدون ما تدرى بتلاقى العربية بتبدئى فى زيادة استهلاك البنزين ومهما عملت او صلحت هيكون على الفاضى لانك مطر الى تغيير الجزء الحساس (الكربراتير) وشكرا حمادة كربراتير

[temo85]

هى فعلا المشكله من الكربرتير لكن طلعت فى الخليط ان الهوا كان قليل فمجرد ان الميكانيكى فتح الهوا شويه ظبطت و نضفت برد بالاسبراى و غيرت بوجيهات و فلاتر و الدنيا ظبطت عن الاول....بس عندى استفسار بخصوص ان المنظف بيوسع البيكات هو اصلا مش بيستنى فى الكربرتير ده بيتحرق فى لحظتها و بيطلع من الشكمان على طول اظن ان كلامك مظبوط لو رشيته و مدورتش العربيه انا شفت ميكانيكى بيعمل كده يرشه و يسيبه ربع ساعه و بعد كده يدور اظن ان كده ممكن يعمل اللى بتقول عليه.

[yasserprince]

[marq="3;right;3;scroll"]
السلام عليكم و رحمة الله و بركاته
يا جماعة الاسبراى و العبوة التى تضاف على البنزين عن تفويل التنك ده بينضف الملاح و الترسبات التى تحدث فى مجارى الكربراتير مش اكتر لكن لو فى جزء بلاستيك رفيع جدا و ده حصل معايا اكتر من مرة و سد بيك السلانسيه هل الاسبراى ده حيحل
طبعا لا لازم فى الحالة دى لاما البيك يطلع من الكربراتير و يتم تنظيفه او يتم حل الكراتير و يتم تنظيفه بالهواء المضغوط و البنزين
هذا و الله اعلم
[/marq]