سؤال هيجنني

[bassemali]

السلام عليكم ورحمة الله وبركاته
الساده الأفاضل أعضاء المنتدى الكرام إسمحولي أوجع دماغكم بسؤالي المتكرر عن أمكانية تركيب تكييف للماروتي ومدى تأثيره على السياره وأن كنت قد طرحت سؤالي هذا من قبل ولكن كل الأجابات التي تفضل الساده الاعضاء بأعطائي أياها لم تكن كافيه وسؤالي تحديدا :
هل الماروتي بتنزل مكيفه ولا بيركبلها تكييف بره التوكيل وهل يؤثر في أداء السياره بشكل كبير أو يضرها ؟
أفيدوني أفادكم الله لأن الموضوع ده فعلا هيجنني ..... وشكرا

[unounobebo]

انا زيك بلضبط بس عربيتي أونو المفروض انها أجمد شوية من الماروتي و مع ذلك كل الناس بما فيهم التوكيل قالولي ما ينفعش يركب تكييف الااذا كان راكب في العربية من و هي علي الزيرو فريح نفسك من الدوخة دي و مافيش حل (نركب مروحة سقف بقي و خلاص) :-) :-) :-) :-) :-) :-) :-) :-)

[bassemali]

مروحة سقف :( :( مينفعش أركب غساله بروحين :-) :-) :-) :-)
يأخي حسبي الله ونعم الوكيل حطمت أملي كسرت فؤادي

[bassam nagy]

هل الماروتي بتنزل مكيفه

العربية دى بتنزل مكيفة موديل 94 وكانت مع واحد صحبى مكيفة
ة

وهل يؤثر في أداء السياره بشكل كبير أو يضرها

اى تكييف فى اى عربية اكيد بياثر على الموتور من ناحية السحب وعلى اداء السيارة.... من خلال تجربتى للسيار الماروتى ة كنت مع صحبى ومشغل التكييف فى عز الحر كان قايم باداء كويسوكان على كوبرى اكتوبر فى عز الحر والطريق كان واقف

ما ينفعش يركب تكييف الااذا كان راكب في العربية من و هي علي الزيرو

مستغرب اوى للحوار دة ازاى عربية بتنزل بتكييف وماينفعش يركب فيها تكييف :!: :!: :!:

[Nader]

يا جماعة انا رديت عليكم انتوا الاتنين قبل كدة العربيتين بيركب فيهم تكيف عادي جداً لان كل عربية بيبقى لها تكيف مناسب لسعتها اللترية.

[bassemali]

مشي يانادر بس أنا بعد كده الميكانيكي قاللي أنك لو رمبت للعربيه تكييف مش بتاعها هيقصف عمرها وقاللي بالحرف (مش هنعدل على الخواجات مدام جايه من بلدها من غير تكييف متركبش تكييف)

[bassemali]

أه نسيت أقولك ان الموقع بتاعها ع النت موجوده فيه العربيه مكيفه طب ليه التوكيل مبينزلهاش بالتكييف؟؟؟؟؟

[Nader]

زي ما قلت لك لازم التكيف يكون مناب للسعة اللترية بتاعت الموتور، يعني مش عربية 850cc تركب عليها تكيف بتاع عربية 1600.

اما بخصوص انها بتنزل برة تكيف وهنا لأ فدة علشان يبيعوا العربية بارخص سعر وبدون اي كماليات، وبعدين لما تيجي تركب التكيف تروح لورشة محترمة متخصصة مش الميكانيكي بتاعك هو اللي يركبة.

[Nader]

(مش هنعدل على الخواجات مدام جايه من بلدها من غير تكييف متركبش تكييف)

دة كلام واحد بيفتي ومش فاهم اصلاً، يعني الاونو مثلاً نازلة مصر بتكيف وبدون، يبقى اللي بالتكيف مختلفة عن اللي من غير تكيف ... عجبي!!!

[bassemali]

طب تفتكر يانادر لو حبيت أجيب تكييف ليها أجيب نوع أيه وأركبه في التوكيل ولا بره وياترى ده يخرج العربيه من الضمان
سامحني ياصاحبي أسألتي كتير بس أنا بقتنع بكلامك

[unounobebo]

العربية لازم تكون فيها تكييف منالأول علشان الموتور بيبقي لسة جديد و قوتة 100% لكن بعد استهلاك 7 او 8 سنين أكيد الموتور بيضعف علشان كدة ما ينفعش يركب تكييف علشان هيقضي علي الموتور (دة كلام التوكيل مش كلامي ) و الله و أعلم . طيب لو ينفع يركب تكييف يا أستاذ نادر قولنا نوعة و يركب فين و عند مين و بكام لو فيها رزالة و شكرا

[Nader]

لو بتتكلم على موتور تعبان يبقى دة كلام تاني خالص، اصل الميكانيكي بيقولة العربية نزلة كدة!!

عموماً ساندن من افضل الانواع الموجودة اتصل بالدليل وخد عنوان التوكيل وشوف في وحدات مناسبة لك عندهم ولا لأ.

[bassemali]

ألف شكر ياحبيبي يعني ساندن هوا الأفضل خلاص ماشي وبالنسبه لك يابيبو فأنا وضعي مختلف لأن العربيه إن شاء الله هتكون جديده وهركب لها تكييف فور إستلامها إن شاء الله لكن كلام التوكيل مضبوط لو العربيه أستهلكت 7 او 8 سنين مينفعش يركب لها تكييف لأن الموتور بيكون في حاله ضعيفه لا تسمح له بخدمة التكييف كما يجب بلأضافه لأنه هيضر الموتور جااااامد والله أعلم

[unounobebo]

شكرا يا جماعة علي نصايحكم الجميلة وانا خلاص مش هأركب تكييف انا هأغير العربية إنشاء الله و هأستحمل الصيف الجاي كمان من غير تكييف علشان أعرف أجيب عربية كويسة إنشاء الله مش كل ما التكييف يشتغل العربية تتخنق و السحب يقل

[eng_mkhalaf]

وانا خلاص مش هأركب تكييف انا هأغير العربية إنشاء الله و هأستحمل الصيف الجاي كمان من غير تكييف علشان أعرف أجيب عربية كويسة

+10
أنا عملت كدة