تصليح الفتيس المانيول

[moudy2002]

الاخوة الكرام
الفتيس عندى فية صوت ونه مصحوبة بصوت خشانة والعصايا تقيلة شوية والغيارات بقت بتعض الى حد ما
مع العلم انى مغير زيت الفتيس بشل 80-90 من شهر
فى ميكانيكى قالى دة حاجة اسمها جرابين فتيس ممكن يتغيرة ويبص على رمان بلى الفتيس

انا من النوع الى مش بيحب يصلح الفتيس ويجيب استيراد احسن
بس انا شايف انه ممكن العيب دة يتصلح ومش لازم اغير الفتيس كلة الا لما يجيب اخرة خالص يعنى الغيارات تنطر وكدة ..
اية رأيكم اصلح العيوب دة ولا دة حاجة جوهرية فى الفتيس والاحسن اجيب فتيس استيراد على طول
كمان اية احسن واحد متخصص فى تصليح الفتيس المانيول ويكون مجرب .
العربية اكسنت 1500 موديل 2000
وشكرا يا اخواتى الكرام

[ahmedsrs]

بدل الفتيس فى ونة وخشانة ممكن يتصلح عادى لأن متضمنش الأستيراد جايز يكون فيه عيب ميبنش الأ لما يركب

[Xpert]

هوه هايطلع فيه ياءما غوايش ياءما بلي ... ان ماكانش ال2 .. التصليح او التغيير .. دي حاجه ترجعلك .. بس لو انا .. هارمي و اجيب فتيس ... (نتيجه ان الصين هجمت و احتلت مصر .. قطع الغيار نفسها مابقتش مضمونه ... )

[moudy2002]

شكرا اخوانى
طيب حد يقترح عليا حد يكون متخصص فى الفتيس المانيول ممكن اصلحة عندة ؟؟

[hazem_khidr]

ريح دماغك من الوش دا كله لانك لو فتحت حتصرف علي الفتيس كتير و مش حيرجع زي الاول.
نصيحه هات فتيس استيراد علي تجربه و اول ما يركب حيبان اذا كان كويس و لا لاء و لو وحش رجعه و هات واحد تاني و هكذا و ربنا يوفقك من اول مره و تلاقي فتيس كويس و دا بنسبه كبيره

[moudy2002]

انا كان رأى انه ممكن يكون سبب الونة وصوت الخشونه دة ممكن يتصلح عادى انا فاكر انه عيب بسيط لا يلزم استبدال الفتيس بالكامل .
انا دلوقتى محتار تانى
اعمل اية اغير الفتيس كلة علشان العيوب دة ولا دة حاجة بسيطة ممكن تتعمل بما انا الفتيس مش بينطر النقلات يعنى مش عيوب كبيرة قصدى ؟؟

[BASHAR]

[quote="hazem_khidr"]ريح دماغك من الوش دا كله لانك لو فتحت حتصرف علي الفتيس كتير و مش حيرجع زي الاول.
nice

[HESHAM AMIN]

ااشترى واحد تانى احسن لانة عمرة ما حيرجع زى الاول ابدا

[eng_mkhalaf]

ااشترى واحد تانى احسن لانة عمرة ما حيرجع زى الاول ابدا
+100000000
ولعلمك أستيراد مش هيبقى غالى

[wael6]

http://www.nilemotors.net/Nile/206726-1500-95-a.html

نفس الحيره ولست ادري
وربنا يقدم اللى فيه الخير

[ahmed_h_g]

صلحه عند حد فاهم وهيشتغل تمام

[ahmed_h_g]

كل اللى فى السوق (المستعمل ) مهرى أستعمال ومش مضمون
وهتشترى وهيطلع بايظ وهتغيره والتانى هيطلع بايظ بعيب تانى وهتفضل تدفع فى فلوس فك وتركيب وبهدله

[piezo]

ريح دماغك من الوش دا كله لانك لو فتحت حتصرف علي الفتيس كتير و مش حيرجع زي الاول.
نصيحه هات فتيس استيراد علي تجربه و اول ما يركب حيبان اذا كان كويس و لا لاء و لو وحش رجعه و هات واحد تاني و هكذا و ربنا يوفقك من اول مره و تلاقي فتيس كويس و دا بنسبه كبيره

+11111111111111111111111111111111111111111

[zastaffa]

طب معلش ياجماعة أنا كمان عربيتي 128 موديل 1988 وعندي متركبلها فتيس ريجاتا 5غيار غير المارشيدير......والمشكلة اللي عندي اني لما باجي أجيب الغيار التاني الفتيس بيزعق جامد كأن الدبرياج واطي....مع العلم أن الدبرياج عندي مضبوط جدا ويكاد يكون عالي..... كل الميكانيكية قاللولي أن في حاجه أسمها فرامل الفتيس ودي اللي بتفصل بين النقلات وبعضيها....وهي دي اللي بتعمل صوت الزعقه بين النقلات وبعضها....لأنه عندي برضوا في التالت والرابع في زعقه بس أقل من لما أجي أجيب التاني.......عاوز أي حد يعرف أي حاجه عن موضوع فرامل الفتيس ده ويقولي هينفع يتصلح ولا لأه؟؟؟؟؟

[tiger451]

انشاء الله لو صلحته قلنا ايه الاخبار