ما هى افضل طريقة لتزويد ماء الريداتير ؟

[Lion_Heart]

ما هى افضل طريقة لتزويد ماء الريداتير ؟
هل عن طريق القربة وهل فى الحالة دى تكون العربية دايرة و لا لأ؟
ام انى افتح غطاء الريداتير و ازود الميه و العربية دايرة ؟

[SAMEH_FOUAD]

فية سيارات مافيهاش غطاء ردياتير مالهاش غير بس القربة وطبعا لاقدر الله لو مالقيتش مية المفروض انك بتزودها والماتور شغال نفس الحال فى الحالة التانية لو عندك غطاء ردياتير
وطبيعى جدا لما بيكون فية غطاء ردياتير بتزود منة مش من القربة

[alhourriah]

هو في الحالة العادية يكون أفضل لو انك تدور العربية وبعدين تزودها مية...

[Lion_Heart]

عندى غطاء للريداتير لكن لقيت اراء كتير
كنت بزود دايما من غطا الريداتير لكن لقيت ناس بتفضل من القربة فخلونى احتار

[ahmedyehia515]

انا عندى مفيش غطاء للرادياتير و بازود بس من القربة فى3 طرق


1- تزود الميه لحد ما توصل للمستوى المطلوب ة الموتور بارد و بارد يعنى و انت نازل الصبح مثلاً، يعنى درجة حرارة المية اللى فى القربة قد و ممكن اقل من درجة حرارة المية اللى بتزودها

2- تفتح غطاء القربة و تدور الموتور و تستنى لحد ما دورة الميه تبتدى و تلاقى انو الموتور ابتدى يسحب ميه و ساعتها تبتدى انت تزود و خلى بالك عشان لو استنيت اكتر من اللازم حتلاقى المية ابتدت تفور و حتكون بتنقص المين بدل ما تزودها.

3- انك تدور الموتور لحد درجة التشغيل العادية 90 و بعدين تطفيه و تفتح القربة و تزود.

انا شخصياً شايف انو الاخيرة ده غلط خالص عشان احتمال كبير ان القربة تفرقع لما تييجى تفتحها عشان المية جواها حتكون سخنت جداً و كمان انت حتكون بتحط مية ساقعة لميا سخنه، يعنى ممكن يعملوا تششششش

انا بستخدم الطريقة الاولى و يا ريت لو حد عنده اى معلومات زياده يقولنا عشان موضوع الميه ده خطير اوى رغم ان ناس كتير بتشوفه بسيط

[Egyzizo]

أنا عندى غطا رادياتير وبازود من القربة والعربية دايرة ..
مافتكرش انى فتحت غطا الرادياتير أساساً من ييجى سنتين ..

طبعاً إلا لو كانت هازود الصبح ، يبقى مش مهم العربية تكون دايرة .

[amr5500]

انا بازود من القربه

[SAMEH_FOUAD]

تمام ماهو لو مافيش مشاكل فى الردياتير مش هتحتاج انك تزود الا من القربة بس ,لكن بس انك تفتح غطاء الردياتير للتاكد مش اكتر وبعد كدة حضرتك عادى لو لقيت مياة القربة ناقصة شوية بتزودها وخلاص على كدة
لكن لو عندك مثلا مياة الردياتير ناقصة جامد هاتضطر انك تزودها من الردياتير

[m7nsh]

لو هادور و اطلع بدور و ازود ميه و العربيه دايره
ولو نازل انضف و كده و لقيت الميه ناقصه مش شرط ادور عشان ازود
فى الحالتين التزويد من القربه ,, مباجيش ناحيه غطا الردياتير

[ramy_gamal]

اعتقد الاحسن تكمل الميه والعربيه باردة خالص يعنى الصبح ودة عشان المواسير ماتخدش هواء لانها لو اخدت هواء هيسخن العربيه اكتر وبعدين العربيه وهى باردة هيبان هى ناقصه اد ايه لانها لما تسخن الميه بتكون واخدة مقاس زيادة شويه.... والله اعلم

[A.Saad]

المفروض ان دورة المياة تحت ضغط علشان ترفع درجة حرارة الغليان
ازاى تزودوا من الردياتير والضغط يفضل موجود

[د.محمود صلاح]

فى العربيات الحديثة مياه الريداتير لاتنقص أبدا

[LORD.ADeL]

التزويد من القربه ,, مباجيش ناحيه غطا الردياتير

[ابوهاشم]

من القربه طبعا
امال هما عاملنها ليه

[exact]

بص يا برنس
ده على حسب وضعك والموقف اللي انت فيه
أنا كن تعلى طريق العين السخة بتاع الجيش والظاهر قرصت عالعربية من غير ماخد بالي...اللي حصل اني سمعت صوت تشششششششششش تشششش من الموتور وهب فثانية لقيت مؤشر الحرارة بدأ يسافر....فركنت على جنب لقيت العربية بتدخن والقربة مفيهاش ولا نقطة ميه مع ان عربيتي مش بتنقص ميه خااااااااااالص...موقف زي ده هتعمل ايه عشان العربية
طبعا دي لا ينفعها قربة ولا اي شئ لأنك مش هتقدر تقرب ناحيتها من البخار اللي طالع... اللي حصل اني استنيت لما العربية هديت شوية قيمة 5 دقايق وسبت الكبوت مفتوح...وبعدين زودت من القربة زي مالاخوة بيقولوا وفضلت ادوس بنزين وهي تسحب ميه وتششششششششششششش....لحد ماشربت قربيتين وظبطت وعملت اللي في نفسها ومؤشر الحرارة نزل...مشيت 10 كيلو وطبق الاصل المرة الاولانية ولاحظت ان القربة بتنطر الميه من خرطوم الفايظ ورحت مكرر اللي عملته....لحد ما وصلت للبوابات رحت راكن نص ساعة بحالها لما المؤشر نزل للآخر وفتحت الرادياتير ومليت ميه للآخر وزودت القربة وفضلت أدي أمبليهات لحد أما الميه نزلت شوية رحت مزود من الردياتير وأول ما سخنت رحت ماشي... ولله الحمد من غير خساير عشان كنت مرعوب على وش السلندر
المهم طريقة التزويد بتعتمد على الموقف اللي انت فيه وزي ما تفضل اخواننا ممكن تزود من الردياتير مباشرة لو العربية باردة خالص ولو كانت سخنة تبقى من القربة ولو موقف زي اللي كنت فيه تبقى من القربة مع عدم القرص على العربية
تفسيري المتواضع لحكاية طرد الميه من القربة بيعتمد على نظرية القربة...ألا وهي ان الخرطوم اللي طالع من الردياتير للقربة ده بيقع في أعلى نقطة من حيث المنسوب في دورة التبريد كلها وبالتالي كل الهوا او البخار بيتجمع فيها...سيادتك امابتضغط بنزين بتبدا الطرمبة سرعتها تزيد وبالتالي بيعلى ضغط الميه فالردياتير والهوا ملوش منفذ غير الخرطوم فيبدأ يعدي من الردياتير للقربة من خلال الخرطوم اللي طرفة مغمور جوة مية القربة...بعد كده اما سيادتك بتشيل رجلك من عالبنزين يبدأ الضغط ينخفض جوة الردياتير وعشان يعوض مفيش منفذ غير الخرطوم يبدأ يسحب منه وهو طرفه مغمور في مية القربة فيبدأ يسحب ميه من القربة...
موضوعنا هنا ان العربية سخنت جامد فبقى الهوا مالي جزء كبير من الرياتير و كمان الميه قليلة وبتتبخر جامد وجيب الهوا بيزيد فيبدا طرد الهوا من خلال القربة شايل جزء كبير من مية القربة وعشان كده لازم تبرد العربية وتزود من الردياتير والقربة