اسعار التركيب والمصناعيات

[tabeb]

حشو علبة الدريكسيون وتغيير الكاوتشات وطرف البارات وكبس اكس العلبة 25

[tabeb]

فك العدادات وتركيب شريط عدادات ابيض+تصليح زرار اريال كهربا+تصليح زرار السنتر+قياس شحن الدينامو +تصليح كلاكس ورعاش
30جنيه

[jojooo]

تغير سلك عداد السرعة الكيلو متر ب20 جنية إيطالى

[kingsopos]

مجهود متمييز

[mahmoodallam]

عندي اقتراح
الموضوع ده المفروض انه يبقى رئيسي وبعدين يتقسم على حسب نوع العربية ويتقسم تاني على حسب الشغل (ميكانيكا ولا عفشة ولا كهربة ولا تكييف ....الخ)
وتمنع المشاركات اللي ما ليهاش لازمة ( شكرا لمداخلتك ’ شكرا على ذوقك . .. .الخ) العضو يدخل يكتب الشغلانة ومصنعيتها وبس علشا نستفيد من بعض باكبر قدر واقل وقت ومجهود .

[smsm061274]

تنظيف كاربيتير وخرطوم رداخ وفلتر هواء وشكمان ب25جم
وبعد كده العربيه عملت قفله وجابو كهربائى خد كمان 10جم
السياره لادا 2105 1995

[migo9898]

تركيب دلايات وكرتيرات وتركيب زى حزام للاكصدامات امامى وخلفى انا مش عارف اسمه اللى هو بيتاخد بطول الاكصدام عشان يحمى من الخبطات عند السمكرى 40 جم

[smsm061274]

خدو دى
تصليح مساحات سرعه سريعه وفشل الكهربائى فى اصلاح السرعه البطيئه
تنظيف مجرى رشاش المساحات واعاده تشغيل الانتظار والمصباح اللى على الرفرف اليمين.
فشل فى اصلاح احد الابواب التى لايعمل مع اللوك وبل افسد الباب الامامى واصبح اللوك لا يغلق من داخل السياره .
والمصنعيه مفاجاءه 60 جم حقيقى حسبى الله ونعم الوكيل فيه !!!!!
الكهربائى من الاسكندريه محطه ترام سيدى بشر اوعى حد يتعامل معاه او يفكر يتعامل معاه منه لله

[Moe86]

كويس انك حدرت الناس منه
كان مفروض تاخد منه فلوس بدل ما تدفعله

[smsm061274]

والله عندك حق لكن انا مش بعرف اتخانق لكن كفايه انى مش راضى على الفلوس اللى خدها واعتقد ان ربنا مش هيباركله

[mahmoodallam]

تصليح المساحات وتوصيل خراطيم الرشاشات وتنضيفها
وتوصيل الكاسيت بسماعة واحدة اي كلام كده ب 40 جنيه
هو غالي حبتين وكل الشغل كان ممكن اعمله بنفسي
علشان كده احلى حاجة انك تصلح عربيتك بنفسك اذا قدرت
هتبقى افضل وهتصلحها بضمير مفيش بعد كده وهتوفر فلوسك

[Moe86]

اخر حاجة :
فك الردياتير و الكشف عليه , و لحام الجزء اللى بيسرب بمادة زى البلاستيك كدة و تركيبه تانى (تركيبه صعب فى بعض العربيات) 35 جنيه

[DR/WAFEK]

انا عربيتى اتخبطت فى باب الشنطه ورحت لسمكرى قعد يحور عليا وقالى احتمال كبير تترد على الساخن وهتاخد 3 ساعات شغل قلته المصنعيه كامل قالى 100 ج !!!! رحت سايبه وماشى قابلت الراجل اللى دلنى عليه على اول الشارع وطلع سمكرى قتله هتاخد كامل قالى خمسين ج وردها على البارد فى تقريبا ساعه ورجعت زى الاول بالظبط وعلى فكره كان ممكن يرضى باقل من كده ولكم لانى سمعت 100 قلت اخلص نفسى فلازم الواحد يسال قبل ما يروح لاى حد ويحاول يفاصل ويحسس الصوانعى انه هيبقى زبونه وهيجبله ناس

[kingsopos]

تمام يا رجاله مجهود رائع
متابع ومنتظر المزيد

[tejani]

انا رديت خبطه في الرفرف الامامي على البارد في حوالي ربع ساعه ب 20 جنيه
غيرت جوان وش السلندر
2 جوان ب 38 جنيه
جركن زيت 40 جنيه
الميكانيكي خد 50 جنيه
ركب سنتر وانذار وولف ب 300 جنيه بالمصنعيه
كشفت على العربيه قبل ما شتريها ب 20 جنيه
فرن الشكمان اتكسر واشتريت واحد استيراد ب 100 جنيه والميكانيكي خد 50 جنيه مصنعية
السيارة سكودا 120 موديل 85