مشكلة في ال 128

[dr_abooody]

معايا 128 مو 85

العربية سحبها بقى فية تقطيع شوية صغيرة و صوتها عالي و بتاكل و بتنقط زيت

و دايما البوجية رقم 2 مفيش اسبوعين و يتفحم مش عارف اشمعنى هو يعني

و بتاكل بنزين بالعبيط يعنى مشوارين مايكملوش 60 كيلو جاب نصف التنك 15 ليتر

الميكانيكي من زمان بيقولي انها عايزة طقم شنبر
هل طقم الشنبر لما يجيب اخرة يخلى العربية كدا

و لا دة كربراتير و لا مشكلة في كهرباء العربية

[SAMEH_FOUAD]

كدة عايز طقم شنبر اكيد طبعا وحاول تعملها بسرعة عشان ميأثرش على الماتور نفسة

[dr_abooody]

يعني الشنبر كدا بيفوت زيت على البوجية ؟

[SAMEH_FOUAD]

شوف ياباشا اكيد طبعا حضرتك عارف ان لكل بستم البوجية بتاعة ,ومش شرط لما الماتور يبقى عايز طقم شنبر او يدخن يبقى كل البساتم كبسها ضعف لا ممكن يكونوا واحد او اتنين
نيجى بقى للموضوع :
حضرتك عندك البوجية رقم 2 دايما بيجى علية زيت ودة بيبقى نتيجة ان الكبس بيبقى ضعيف وبيبقى فية تاكل للشنبر دة فبيخلى الزيت يطلع على البوجية وبعد مدة قصيرة جدا البوجية دة بتقل شراراتة وبيحصل عندك التقطيع لان العربية بتبقى شبة متلتة
وحلها لائما حضرتك تجيب بوجيهات سن قصير ,عشان بقدر الامكان نقلل من وصول الزيت الى البوجية ,او بتعمل حاجة اسمها كرسى للبوجية عشان تبعدة باقصى قدر
ونصيحتى ليك انك تعمل طقم الشنبر دلوقتى عشان تحافظ على الماتور ويكون بحالتة وهاتغير معاة الحاجات دية:
1:سير كاتينة
2:بلية سير كاتينة
3:طرمبة زيت (هامة جدا جدا )
4:طبعا طقم جوانات والشنابر
5:كاوتش صمام حتى لو طلع حالتة كويسة
6:تعمل رودية للصمامات
7:طقم بوجيهات
8:نظف الكربراتير والبيجات واظبط الكهرباء على الوضع الجديد هية والتاكيهات

وخلى بالك كل لما بتعجل فى تغير طقم الشنبر بيبقى اقل تكلفة ليك واحسن للماتور

[dr_abooody]

الف شكر يا باشا مانتحرمش منك

[Dr Zezo]

دكتورنا الحبيب ..

كيف حالك اولا

ثانيا علي قدر ما اعرفه

لديك مشكلتين

الاولي في الماتور و يمكن التعايش معها مؤقتا او التعامل معها فورا

و مشكلة الماتور مأثرة علي البوجيهات لذا اذا لم يكن في نيتك اصلاح الموتور قريبا فالافضل استبدال البوجيهات بسن قصير بدل الطويل عشان ما يطلعش عليها زيت من الموتور

الثانية تقطيع و زيادة استهلاك البنزين بتشير لمشكلة ما في كهرباء السيارة لذا يفضل فحص الابلاتين و الكوندنسر

هذا حسب معلوماتي الضئيلة

تقبل تحياتي

[aymansaad]

اعانى فى 125 من نفس المشكلة ربنا يسهل واجمع مبلغ اشوف اخبار الموتور

[dr_abooody]

المشكلة ان العربية صوتها عالي و بتطلع دخان من الفايظ بتاعها اللي قدام

و لما اوطى كهربة الاسبراتير تبطل

انا مغير ابلاتين و كوندنسر و بوجيهات من فترة مش طويلة اوي بس العربية ما كنتش كدا دة حالتها تدهورت في اخر سنة و مش بتتظبط خالص

هل الشنبر هيظبطها انا الصراحة ناوي اعملة قريب جداا
و لا ممكن تكون مشاكل كهربا و كربراتير و اصبر شوية على العمرة

[misoalex]

المشكلة ان العربية صوتها عالي و بتطلع دخان من الفايظ بتاعها اللي قدام

و لما اوطى كهربة الاسبراتير تبطل

انا مغير ابلاتين و كوندنسر و بوجيهات من فترة مش طويلة اوي بس العربية ما كنتش كدا دة حالتها تدهورت في اخر سنة و مش بتتظبط خالص

هل الشنبر هيظبطها انا الصراحة ناوي اعملة قريب جداا
و لا ممكن تكون مشاكل كهربا و كربراتير و اصبر شوية على العمرة

طبعا انا مقدرش ازود على المعلومات القيمه الى قالوها اخوانى
بس ممكن اعرف حاجه بسييييييطه اوى
انت بتلاقى البوجيه معرق زيت ولا هباب هباب بتاع البوابير ده الناشف بدون اى زيوت
لان انا جربت المشكلتين قبل كده بس قولى وانا اقولك الحل

[sab3aawy]

شوف ياباشا اكيد طبعا حضرتك عارف ان لكل بستم البوجية بتاعة ,ومش شرط لما الماتور يبقى عايز طقم شنبر او يدخن يبقى كل البساتم كبسها ضعف لا ممكن يكونوا واحد او اتنين
نيجى بقى للموضوع :
حضرتك عندك البوجية رقم 2 دايما بيجى علية زيت ودة بيبقى نتيجة ان الكبس بيبقى ضعيف وبيبقى فية تاكل للشنبر دة فبيخلى الزيت يطلع على البوجية وبعد مدة قصيرة جدا البوجية دة بتقل شراراتة وبيحصل عندك التقطيع لان العربية بتبقى شبة متلتة
وحلها لائما حضرتك تجيب بوجيهات سن قصير ,عشان بقدر الامكان نقلل من وصول الزيت الى البوجية ,او بتعمل حاجة اسمها كرسى للبوجية عشان تبعدة باقصى قدر
ونصيحتى ليك انك تعمل طقم الشنبر دلوقتى عشان تحافظ على الماتور ويكون بحالتة وهاتغير معاة الحاجات دية:
1:سير كاتينة
2:بلية سير كاتينة
3:طرمبة زيت (هامة جدا جدا )
4:طبعا طقم جوانات والشنابر
5:كاوتش صمام حتى لو طلع حالتة كويسة
6:تعمل رودية للصمامات
7:طقم بوجيهات
8:نظف الكربراتير والبيجات واظبط الكهرباء على الوضع الجديد هية والتاكيهات

وخلى بالك كل لما بتعجل فى تغير طقم الشنبر بيبقى اقل تكلفة ليك واحسن للماتور

perfect

لايوجد ما يقال اكثر من ذلك

[N.a.j.d]

تماااام ياباشا

[SAMEH_FOUAD]

perfect

لايوجد ما يقال اكثر من ذلك

مهما وصلنا مش هانيجى زى حضرتك
وشكرا على المشاركة الجميلة