موضوع غريب جدا جدا جدا...أرجو المساعدة ضروري...جزاكم الله خيرا

[الصيداح]

سلام الله عليكم
أرجو المساعدة في هذا الموضوع

السيارة من نوع داتشيا موديل 1997
كان المارش بتاعها اتحرق المهم أني جبتلها مارش جديد وركبناه وكان زي الفل وبعدين أخذت العربية
كام مشوار علشان أتأكد المهم كان كله تمام

رجعت وأغلقت السيارة وبعد شوية جيت أدورها دارت بس لما أدي الغيار مفيش أي غيار بيقبل خالص وبتعمل صوت كأني مش ضاغط على الدبرياش بس لما بطفي العربية وأدي الغيار بتقبل كل الغيارات وهي مطفية
وأما أدور مبترداش تاخد أي غيار

الحكاية دي أول مرة تحصل دة من إيه؟

وجزاكم الله خيرا

[ahmed_h_g]

شوف اللى ركبلك المارش لعب فى ايه ولا فك حاجه ونسى يركبها .

[misoalex]

بص هو الموضوع كده متعلق بالدبرياج طبعا
لان لو انت مش دايس دبرياج والعربيه مبطله حتجيب الغيارات عاااادى جدا وبكل سهوله
هو كده ممكن سلك الدبرياج اتقطع او وطى وعاوز يتعلى
وان شاء الله بسيطه

[A7MED_PHARMA]

دي مش لها صله نهائي بالمارش
وعشان طبعا المارش في بطن العربيه من تحت جمب الدبرياج ..يبقا اكيد الكهربائي عمل حاجه بدون قصد في الدبرياج

سهله خالص
اي انزل في الدواسه وعلى الدبرياج بايدك
ولو ماظبتش ..ميكانيكي يظبطهالك

[SAMEH_FOUAD]

تمام كدة ياباشا سلك الدبرياج اتقطع لو عندك العربية على سلك
لكن لو عندك على زيت يبقى حضرتك هاتشوف ماستر الدبرياج ممكن يكون ضرب وخلى بالك عشان لو عندك دبرياج بضغط الزيت بيكون فية ماسترين ماستر شبية جدا بماستر الفرامل بس على اصغر وبردة فية خزان زيت ,والتانى بيبقى فية بلف وبيتركب على الفتيس من برة
وبردة ياريت تقول وضع بدال الدبرياج

[alhourriah]

افحص الغيار والعربية طافية شوف حيركب معك الغيار؟
ممكن يكون السلك اتعمل فيه حاجة بالغلط...
على كل حال افحص العربية أول وهية طافية...

[الصيداح]

شكرا جزيلا لكم يا رجال
الكهربائي اللي ركب المارش هخليه يشوفها شكرا لكم على معلوماتكم
متشكر جدا جدا
جزاكم الله كل خير

[د.محمود صلاح]

المفروض تروح لميكانيكى غالبا المشكلة بسلك الدبرياج

[aymansaad]

مفيش علاقة بين المارش و الغيارات