بي أم موديل 97 مشكلة بعد ما لمبة البنزين نورت

[GalaxyMan]

إللى حصل كالأتى

لمبة البنزين نورت وكان فى التنك حوالى 7 لتر
دوست أتنين أمبليه

وبعدها العربية أتخنقت وبتنتش مع المشى

فياترى يكون إيه ؟؟؟ بوجيهات ولا الإنجكشن ؟؟؟

أفيدونا أعزكم الله

وجزاكم الله خيراً

[ahmedsrs]

كده يبقى الأنجكشن وممكن تستعمل منظف الرشاشات لحل المشكلة

[GalaxyMan]

طيب هو فية نوع معين

ولا أسئل في البنزينة موبيل عن أي نوع وخلاص؟؟

[zeyad1810]

انا جبت نوع من موبيل ب 22 جنية من حوالى اسبوعين وكان ممتاز بصراحة بس انت فول التنك وحطة علية وامشى بالعربية كدة مشوار طويل هتحس بمفعولة وان شاء اللة المشكلة تتحل بعد كدة

[HISHAM80]

I think it is better to change fuel filter

[tutankhamoun]

بص يا باشا بالنسبة لمنظفات الرشاشات
في نوع مصري ممتاز و عن تجربة و مجربه في البونتو و خلاها توصل ل 17 كيلو في اللتر و رفع معدل التاسرع و سحب العربية جدا
و دي صورته


و هو مصنوع بالتعاون مع شركة إنجليزية و النوع ده أسمه رابيدو و في علبة حمراء زي ماهو باين في الصورة
و في نوع تاني مصنوع بالتعاون مع الاتحاد الأوروبي و أسمه سبيدو و هو من إنتاج نفس الشركة
ثمن سبيدو 13 جنيه
ثمن رابيدو 7 جنيه و أشترتهم من كارفور و على فكرة أنا مجرب النوعين و الأثنين ممتازين
و سيبوكوا بقى من الأمريكياني الصهيوني على أد ما تقدروا يا جماعة
و الله المستعان

[sab3aawy]

فيه النوع المصرى (رابيدو و سبيدو) ودول سعرهم مش غالى ، بس دول قومهم زيتى، يعنى زى الجاز كدة، ودول فكرة عملهم الأساسية التهام الشوائب كيميائيا ، وبالتالى هم بينفعوا جدا مع الشوائب العضوية لكن تأثيرهم قليل مع الأتربة، يعنى لو اللى سادد الرشاش عوالق بترولية ثقيلة من اللى بتكون موجوة فى البنزين هيسلكها لكن لو ذرات رمل او تراب (شوائب سليكا او الومينا او كالسيوم ) هيكون اثره معاها ضعيف جدا

وفيه انواع متعددة مستوردة ودى بتكون ذات قوام اشبه بالتنر ودى اثرها بيكون اقوى على الشوائب الرملية لأنها سريعة التغلغل وبالتالى بتعمل سريعا على اذابه الطبقة الصمغية المحيطة بحبات السليكا والكالسيوم وخلعها من مكانها وبالتالى تنظيف المسارات الضيقة مثل الرشاشات

ومن اشهرها جانك وسناب و Stp

وفيه نوع اسمه بريستون قوى جدا للحالات المستعصية بس هو اغلى شوية

[tutankhamoun]

فيه النوع المصرى (رابيدو و سبيدو) ودول سعرهم مش غالى ، بس دول قومهم زيتى، يعنى زى الجاز كدة، ودول فكرة عملهم الأساسية التهام الشوائب كيميائيا ، وبالتالى هم بينفعوا جدا مع الشوائب العضوية لكن تأثيرهم قليل مع الأتربة، يعنى لو اللى سادد الرشاش عوالق بترولية ثقيلة من اللى بتكون موجوة فى البنزين هيسلكها لكن لو ذرات رمل او تراب (شوائب سليكا او الومينا او كالسيوم ) هيكون اثره معاها ضعيف جدا

وفيه انواع متعددة مستوردة ودى بتكون ذات قوام اشبه بالتنر ودى اثرها بيكون اقوى على الشوائب الرملية لأنها سريعة التغلغل وبالتالى بتعمل سريعا على اذابه الطبقة الصمغية المحيطة بحبات السليكا والكالسيوم وخلعها من مكانها وبالتالى تنظيف المسارات الضيقة مثل الرشاشات

ومن اشهرها جانك وسناب و Stp

وفيه نوع اسمه بريستون قوى جدا للحالات المستعصية بس هو اغلى شوية

باشمهندس سبعاوي تسمح لي أضيف إضافة
النوع stp غير مسموح باستخدامه إلا كل مرة واحدة كل مدة كبيرة يعني مثلا كل 10000 كيلو علشان هو قوي جدا و بيأثر على خراطيم البنزين و الرشاشات نفسها
و الله تعالي أعلى و أعلم
و الله المستعان

[GalaxyMan]

السلام عليكم ورحمة الله

أنا جبت نوع أمريكى وفولت التنك ووضعته ولسه العربية تحت التجربة

وجزاكم الله خيراً

[Ahmed Hassan]

لو مفيش نتيجه... لازم تروح مركز صيانه كويس و تحط الرشاشت على ماكينه غسيل الرشاشات.

و اهم حاجه في الموضوع متنزلش مستوى البنزين في التانك عن الربع مهما حصل. و غير فلتر البنزين

[GalaxyMan]

لم يتغير الموضوع
روحت لكهربائي غير البوجيهات والعربية دلوقتي بقت تمام

شكراً لكل من شارك في الموضوع