ما هى علامات تلف جوان وش السلندر

[M.Mostafa80]

كما قلت سابقا انى قمت بعمل طقم شنبر للسياره وقد تم بحمد الله بنجاح واصبح لا يوجد بخر من خرطوم الفائظ للزيت
ولكن هناك ملاحظه سبق و ذكرتها ألا وهى نقص المياه تدريجيا وقد أشار على المهندس الفاضل سمير عياد بأنه احتمال ان يكون هناك تسريب خارجى أو داخلى
فتابعت السياره ولم ألحظ أى وجود للتسريب الخارجى
وبدأ الشك يساورنى فى الأحتمال الثانى وهو تلف جوان وش السلندر لأنه مصرى من خامه الكلنجريد
والغريب أن الزيت لم يقم بعمل طحينه وان مستوى الزيت لم يذيد او ينخفض ولكن مستوى المياه هو الذى يقل والاحظ وجود بخار أبيض خارج من الشكمان فى الصباح ولكن للأسف الجو هذه الأيام بارد فلم يعطينى الفرصه بالجزم بأن المياه تتسرب للداخل وتخرج من الشكمان بهذه الصوره لأنه من الممكن ان يكون بخار عادى نتيجه بروده الجو والغريب ان حراره السياره لا تذيد عن المعدل الطبيعى للسياره وهو 90 درجه مئويه
فأرغب من اخوانى زو الخبره السابقه فى العمرات أو نصف عمرات من أرشادى الى الدلائل التى تؤكد تلف جيوان وش السلندر وأتمنى من دخول المهندس سمير معنا فى المناقشه
وجزاكم الله كل خير عنى وعن الأخوه الذى سوف يستفيدو من هذه المناقشه

[SAMEH_FOUAD]

شوف مش شرط يكون تلف جوان السلندر انة يعمل طحينة مع الزيت ,لانة ممكن يكون ضارب من مكان تانى مالوش علاقة بالزيت ,وفعلا الجوانات المصرية اصلا بتبقى بايظة لائما ممكن يكون المكيانيكى ماسنفرش البلوك صح وخلى فية عالى وواطى فعمل الفرق دة
فاللى حضرتك هاتعملة بالترتيب كدة :
1:تعيد على ربط المسامير وبعد كدة تشوف اية اللى هايحصل
2:لو مافيش تغير حصل وبردة المية بتقل يبقى حضرتك للاسف هاتضطر انك تيغر الجوان تانى وانت بتغيرة كل حاجة هتبان اذا كان عيب جوان

[M.Mostafa80]

هو الحقيقه الوش لما اتفك عندى كان الحمد لله مفيهوش اى تقفيع ومحتجش يروح لخراط لخرط الوش الشغل كلو كان فى الصبابات والدلايل
طيب لو المياه ما بتروحش على الزيت بتروح فين

[SAMEH_FOUAD]

طول ماحضرتك ماشى بالسيارة المياة دية مع زيادة الضغط بتخرج برة الماتور لو الجوان ضارب عن طريق الشكمان وممكن برة الماتور نفسة من البلوك بس انا دية ش متاكد منها قوى
وعلى فكرة انا كنت مرة عند الميكانيكى وكان معاة عربية هيونداى اكسنت كانت جايبة جوان وش سلندر والزيت مش عامل طحينة والميكانيكى عشان عارفنى فورانى الجوان ضارب من مكان مالوش دعوة بالزيت خالص يعنى مش كلام دة تجربة عملية

[M.Mostafa80]

طول ماحضرتك ماشى بالسيارة المياة دية مع زيادة الضغط بتخرج برة الماتور لو الجوان ضارب عن طريق الشكمان وممكن برة الماتور نفسة من البلوك بس انا دية ش متاكد منها قوى
وعلى فكرة انا كنت مرة عند الميكانيكى وكان معاة عربية هيونداى اكسنت كانت جايبة جوان وش سلندر والزيت مش عامل طحينة والميكانيكى عشان عارفنى فورانى الجوان ضارب من مكان مالوش دعوة بالزيت خالص يعنى مش كلام دة تجربة عملية

أنا مصدق كلامك جدا
بس كل الموضوع عايز احط أيدى على المشكله عشان أعرف أحلها كويس

[sleepyhammer]

معلش يا جماعة بس انا عندى استفسار
ايه وش السلندر ويكون فين فى العربية؟؟؟؟

وربنا معاك وتوصل للحل ان شاء الله

[M.Mostafa80]

الموتور بينقسم الى 3 أجزاء
1- بلوكه + كارتيره زيت مكانها أسفل غرفه الموتور(والجزء ده بيبقى بداخله البساتم ومن خلالها تتصل البلوكه بوش السلندر عن طريق رؤسها والتى يطلق عليها السبيكه )
2-وش سلندر (وهو ممثل فى الجزء العلوى للموتور ويكون بداخله الصبابات وملحق أسفله جوان وش السلندر وهو اللى بيفصل بين الوش والبلوكه ويتصل بيه الفرن أو الهيدر بتاع الشكمان )
3- مجموعه التغذيه وتتمثل فى المنفول والرشاشات والبوابه والعمه
أو المنفول والكربراتير والعمه بالنسبه للسيارات القديمه )
وان شاء الله حد بيفهم أكثر منى يدخل يقول المكونات دى بصوره علميه افضل

[sleepyhammer]

كلام كبير
شكرا على الافادة وياريت لو فى فيديو يشرح اكتر كلامك

[khaled_sabry]

كما قلت سابقا انى قمت بعمل طقم شنبر للسياره وقد تم بحمد الله بنجاح واصبح لا يوجد بخر من خرطوم الفائظ للزيت
ولكن هناك ملاحظه سبق و ذكرتها ألا وهى نقص المياه تدريجيا وقد أشار على المهندس الفاضل سمير عياد بأنه احتمال ان يكون هناك تسريب خارجى أو داخلى
فتابعت السياره ولم ألحظ أى وجود للتسريب الخارجى
وبدأ الشك يساورنى فى الأحتمال الثانى وهو تلف جوان وش السلندر لأنه مصرى من خامه الكلنجريد
والغريب أن الزيت لم يقم بعمل طحينه وان مستوى الزيت لم يذيد او ينخفض ولكن مستوى المياه هو الذى يقل والاحظ وجود بخار أبيض خارج من الشكمان فى الصباح ولكن للأسف الجو هذه الأيام بارد فلم يعطينى الفرصه بالجزم بأن المياه تتسرب للداخل وتخرج من الشكمان بهذه الصوره لأنه من الممكن ان يكون بخار عادى نتيجه بروده الجو والغريب ان حراره السياره لا تذيد عن المعدل الطبيعى للسياره وهو 90 درجه مئويه
فأرغب من اخوانى زو الخبره السابقه فى العمرات أو نصف عمرات من أرشادى الى الدلائل التى تؤكد تلف جيوان وش السلندر وأتمنى من دخول المهندس سمير معنا فى المناقشه
وجزاكم الله كل خير عنى وعن الأخوه الذى سوف يستفيدو من هذه المناقشه

على فكره نفس اللى حصل معاك ده لسه حاصلى الاسبوع اللى فات بالظبط و الحمد لله عملته و كله تمام
الحكايه ان كان جوان وش السلندر عندى ضارب و كان بيسرب ميه جوه السلندر نفسه و بالتالى العربيه كانت بتنقص ميه كتير و لكن ماكنتشى بتسخن (لأن الميه بتدخل جوه السلندر نفسه فبتبرد احسن من الاول كمان )و انا ماحستشى بالموضوع ده غير لما الحكايه تدهورت اوى و بقيت العربيه بتنتش فقولت اغير بوجيهات وديتها للميكانيكي لاقى البوجيهات عليها ميه ... طبعا مافيش غير احتمال وش السلندر و بالفعل لما فكه لاقيناه بيسرب الميه لجوه السلندر ...و بالتالى مش بيخلى الزيت يطحن

بالنسبه ليك فاحتمال ان يكون الميكانيكي و هو بيركب الجوان الجديد ماشلشى اللزق و اثار الجوان القديم كويس و بالتالى بقى يسرب ميه او مثلا ماربطى المسامير بالترتيب الصح او يكون الجوان نفسه وحش و ما استحملشى و باظ لوحده
على العموم روح للميكانيكي تانى و خليه يفك البوجيهات و يشوف عليها ميه و لا لاء و ابقى بص حوالين الجوان من بره و حسس عليه بايدك و شوف فيه اثار بلل و لا لاء ؟