مشكله كبيره جدااا فى الرينو كليو وارجوا الرد باسرع سرعه

[mazgangy]

النهارده وانا ماشى بجيب التانى لقيتوا مش عايز يجى فضلت امور واحاول معاه بعد صعوبه جه بس عمل صوت جامد وطول ما انا ماشى عليه سامع صوت ونه والحكايه دى على التانى بس كل الغيارات سليمه ده من ايه واعمل ايه وينفع امشى بيها لحد ما اروح التوكيل والا لا وكمان التكلفه كام تقريبا ولازم التوكيل والا لا علما بان الدبرياج كان عالى وضلت ماشى بيها كده فتره وبعد كده عدلته لما المشكله دى حصلت بس برضوا المشكله موجوده وارجوا الحل باسرع سرعه من عملاقه المنتدى والرينو وشكرا لردودكم مقدما

[tutankhamoun]

واضح يا باشا إن مشكلتك في إسطوانة الدبرياج ......... و الله أعلم
و طبعا ممكن تسوقها للتوكيل بس حاول تكون ماشي على السرعات اللي ما بتعضش معاك
يعني مثلا هات أخر الأول و أنقل على الثالث على طول و ياواش ياواش على العربية علشان مفيش حاجة تانية تبوظ معاك
و الله أعلم
و أنتظر ردود الأعضاء يمكن يكون تقييمي خاطئ
و أرجوا أن مشكلتك تتحل إن شاء الله
و الله المستعان

[Ahmed Selim]

أعتقد والله أعلم ان المشكلة ممكن تكون فى ترس التانى

[sab3aawy]

واضح يا باشا إن مشكلتك في إسطوانة الدبرياج .........

غريبة انك مقلتش ان مشكلته سببها الأساسى الإنفجار السكانى :) (هذة مزحة ، اوعى تكون بتزعل)


انا اعتقد ان المشكلة فى غويشة وترس النقلة التانية، ودى تستلزم فك الفتيس وتغيير القطع دى

[Ahmad]

الونة دي ايه سببها اصلا؟؟

أصل انا كمان عندي صوت الونة دة مع النقلة الاولي و التانية.

[HESHAM AMIN]

غريبة انك مقلتش ان مشكلته سببها الأساسى الإنفجار السكانى :) (هذة مزحة ، اوعى تكون بتزعل)


انا اعتقد ان المشكلة فى غويشة وترس النقلة التانية، ودى تستلزم فك الفتيس وتغيير القطع دى

+10000000000

[tutankhamoun]

غريبة انك مقلتش ان مشكلته سببها الأساسى الإنفجار السكانى :) (هذة مزحة ، اوعى تكون بتزعل)

أزعل أزاي منك يا باشا ده أنت عسل ;)
و بعدين هو برضه حصل عنده انفجار بس مش سكاني ........ انفجار في التروس السكانية :D :D
هاهاهاها

[amrya]

bethaya2li moshkeltak fi magmou3et eltani ana ebn 5alti 3ando clio 2003 3amalet keda ma3ah bas fi el 5ames w sala7o barra el tawkil w delwa2ti el3arabeya metsala7a ba2alha 4 shehour w zay el foll masha2allah

[limo]

انا برضو عندى صوت ونه خفيفه بتظهر مع التانى بس وده موجوده من ساعه ما جبت العربيه

[mazgangy]

bethaya2li moshkeltak fi magmou3et eltani ana ebn 5alti 3ando clio 2003 3amalet keda ma3ah bas fi el 5ames w sala7o barra el tawkil w delwa2ti el3arabeya metsala7a ba2alha 4 shehour w zay el foll masha2allah

طيب يا ريت حضرتك تقول بره التوكيل فين يعنى المكان بالظبط اللى صلحه فيه وتقريبا التكلفه كام وايه بالظبط اللى اتغير

[amrya]

طيب يا ريت حضرتك تقول بره التوكيل فين يعنى المكان بالظبط اللى صلحه فيه وتقريبا التكلفه كام وايه بالظبط اللى اتغير

3ala fekra howa fi alex law 3ayez te3raf fein fi alex 2as2alhoulak w 2arod 3alik...

[mazgangy]

3ala fekra howa fi alex law 3ayez te3raf fein fi alex 2as2alhoulak w 2arod 3alik...

yaret 7adratk ts2aloo hwa fen belzabt fe alex we atklf kam we kan feih eh ya3ni eh ely et3'ir we el fetis 3aml m3ah eh noooow we thx lik we yaret mosh t3'ib 3alya fe el rad