مشكلة فى الفتيس أرجو من الخبرا الرد

[ahmadhussein]

أخوتى الاعزاء اعضاء المنتدى السلام عليكم ورحمة الله وبركاته

عندى مشكلة فى فتيس العربية وهى ريجاتا 85 وهو انه بيعض شوية فى الغيار الاول وفى المارشدير وساعات مابيرداش يجى معايا بسهوله فى المارشدير الا بعد كام مرة محاولة والاول برده كذلك بس اخف شويه مع العلم ان زيت الفتيس مش ناقص وحتى لما بيبقى ناقص وازوده المشكله دى ما بتروحش ...... فهل ده ممكن يكون ايه ؟ مع العلم ايضا ان باقى الغيارات تمام ومافيهاش مشاكل (الثانى والثالث والرابع والخامس ).

الرجاء من الاخوة الافاضل الافاده ......

[ahmed_h_g]

ايه أخبار السحب معاك ؟؟
عالعموم أكشف على واير الدبرياج لو سليم ومظبوط أكشف على طقم الدبرياج .

[powerofhelll]

المشكله دي حاجه من اتنين
اسطوانه و دسك
او غوايش

[romeo_6887]

بص بصه علي غوايش الفتيس و علي طقم الدبرياج

[boing]

مشكلتك واضحه جدا بس انت موضحتش
على كلامك اللي عندك ده اتياش فتيس(وايرات الفتيس)او مشاغل الفتيس
كلها مسميات لنفس الشي
اما لو فيه نتشه مع الغيار الاولاني ورجرجه في العربيه يبقى لازم كمان تشيك على الديسك والاسطوانه

هيا دي مشكلتك
ان شاء الله اكون افدتك

[Ahmed Hassan]

شوف سلك الدبرياج اخباره ايه عندك. كمان ممكن يكون الزيت اللي عندك في الفتيس اتقل من الموصى به للعربيه فيعكلم المشكله دي خصوصا في البرد.

[ahmadhussein]

انا متشكر جدا يا جماعة لاهتمامكم وردودكم فعلا المفيده ليا .... بس انا النهارده الصبح روحت لاثنين ميكانيكيه الاولانى فتح الكبوت و قالى العربية دى مافيهاش تيش فتيس هى دى المشكله وثمنه يتراوح مابين 30 الى 40 ج وروحت لميكانيكى تانى قالى لاء دى مش مشكلة تيش العربية دى موديلها مابينزلش فيه تيش ..لازم الفتيس ينزل ونشوف دى مشكلة ايه بلى ولا ديسك ولا اسطوانه ولا ايه مع ان السحب عندى كويس مافيهوش اى حاجه ... ارجو الافاده اصدق مين وهل الريجاتا موديل 85 فيها فعلا تيش فتيس ولا لاء ؟؟؟

[Ahmed Hassan]

متفكش فتيس دلوقتي خالص. المفروض تبتدي بالحاجات الخفيفه الاول. زي ما قلتلك شوف اول حاجه الزيت و نوعه و بعدين شوف واير الدبرياج.

[mahmoodallam]

انا متشكر جدا يا جماعة لاهتمامكم وردودكم فعلا المفيده ليا .... بس انا النهارده الصبح روحت لاثنين ميكانيكيه الاولانى فتح الكبوت و قالى العربية دى مافيهاش تيش فتيس هى دى المشكله وثمنه يتراوح مابين 30 الى 40 ج وروحت لميكانيكى تانى قالى لاء دى مش مشكلة تيش العربية دى موديلها مابينزلش فيه تيش ..لازم الفتيس ينزل ونشوف دى مشكلة ايه بلى ولا ديسك ولا اسطوانه ولا ايه مع ان السحب عندى كويس مافيهوش اى حاجه ... ارجو الافاده اصدق مين وهل الريجاتا موديل 85 فيها فعلا تيش فتيس ولا لاء ؟؟؟

ايوا فيها اتياش فتيس والمشكلة دي عندي والمكانيكي فك الاتياش وكبسها بس ما ركبها تاني لاحظت ان حركت الفتيس تقلت فقولتله قالي يومين على ما تطبع يومين وانا ماشي لقيت عصاية الفتيس ما تجيبش لا اول ولا تاني ولا اي حاجة ركنت وبصيت على الاتياش لاقيت واحد اتقطم فكيته ولحمته ورحت للمكانيكي قالي ما انا قالتلك من الاول دي عايزة تتغير وبسراحة كلامة صح بس انا مش عارف اشتريهم منين ؟
لو عرفت اعمل فيا خير وهتاخد ثواب ان شاء الله وقولي

[ahmadhussein]

ايوا فيها اتياش فتيس والمشكلة دي عندي والمكانيكي فك الاتياش وكبسها بس ما ركبها تاني لاحظت ان حركت الفتيس تقلت فقولتله قالي يومين على ما تطبع يومين وانا ماشي لقيت عصاية الفتيس ما تجيبش لا اول ولا تاني ولا اي حاجة ركنت وبصيت على الاتياش لاقيت واحد اتقطم فكيته ولحمته ورحت للمكانيكي قالي ما انا قالتلك من الاول دي عايزة تتغير وبسراحة كلامة صح بس انا مش عارف اشتريهم منين ؟
لو عرفت اعمل فيا خير وهتاخد ثواب ان شاء الله وقولي

باشا هتلاقيه عند محمد يوسف اللى فى وسط شارع التحرير بالدقى عند كوبرى الدقى وسعرة 35 جنيه

[khaled_sabry]

طيب حد يقولى ايه هو اتياش الفتيس ده اصلا و مكانه فين
مع العلم انى عندىنفس المشكله بس على الغيار التانى

[mahmoodallam]

باشا هتلاقيه عند محمد يوسف اللى فى وسط شارع التحرير بالدقى عند كوبرى الدقى وسعرة 35 جنيه

اقل حاجة ممكن اقولهلك انت راجل محترم بمعنى الكلمة

[mahmoodallam]

طيب حد يقولى ايه هو اتياش الفتيس ده اصلا و مكانه فين
مع العلم انى عندىنفس المشكله بس على الغيار التانى

اتياش الفتيس دي بتنقل الحركة من عصاية الفتيس اللي في الصالون للفتيس نفسه اللي في ماكينة العربيةودي هتلاقيها طلعا من وسط العربية من تحت وهما عصايتين حديد في اطرافهم بيض

[wael6]

اتياش الفتيس دي بتنقل الحركة من عصاية الفتيس اللي في الصالون للفتيس نفسه اللي في ماكينة العربيةودي هتلاقيها طلعا من وسط العربية من تحت وهما عصايتين حديد في اطرافهم بيض

السلام عليكم
عربيتي اكيل 1500 مانيوال مو 95
بالصدفه البحته
كنت رايح اعرض الفتيس على عفشجي اخير غير العشره اللى شافوه وقالولى لازم يتغير
لقيت ده بيقولى هغيرلك البلي وباذن الله مش هيرجع تانى واخليهولك حرير
ولقيتني بقوله اعمله بس طبعا ما كررت عليه
ان مصنعيتك محفوظه ونغيره وخلاص افضل وأأمن
قالى لا
وهتتكلف 250 بالمصنعيه
وقد كان
....*والحمد لله عمله والاصوات والخشونه راحت ويبقي صوت فوووووو خفيف جدا جدا لما العربيه بتهدا اوى
قالى ده طبيعي ( وده كنة الفتيس مع المكنه ) هل هذا حقيقي ؟؟؟؟؟؟
وكشفلى ع الديسك والاسطوانه والبليه وقالى كويسين الحمد لله وجداد متغيرين قريب
وغيرت سلك الدبرياج والدبرياج الحمد لله بقا خفيف
بالنسبة لتقل العصايا بقا
تقريبا معنديش تيش ولا ايه ( هو فى سلكين طالعين من العصايا رايحين للفتيس )
فك القنصله وزيتها وزيت السست اللى فى الفتيس من بره والعصايا ار تاحت شويه
وقولتله الوايرات اللى راحه للفتيس من العصايا متتغيرش عشان تخف شويه
قالى ب 150 ج ومش هتحس بفرق برده وصوت العصايا ده طبيعي صوت الترابيس والصواميل ان تحس بتعشيقة النقله تحت ايدك
ايه رايكم تقريبا معنديش تيش ولا ايه ( هو فى سلكين طالعين من العصايا رايحين للفتيس )
ولكم جزيل الشكر