مشكلة بى المرش بسبب البطارية

[MMamdouh]

بص يا شريف... القصة بين المارش و البطارية لان البوبينة عندنا طريقة شغلها مختلفة خالص عن العربيات القديمة اللى البوبينة بتسخن فيها و تسبب مشاكل

جرب تدور العربية ببطارية تانية فقط... يعنى فك بطاريتك تماما من العربية و ركب واحدة تانية و جرب تدور لو دارت على طول يبقى بطاريتك تعبت... البطارية الفارتا بتاعتك مفيهاش لمبة بيان صح؟؟ اصل دى نفس البطارية اللى فى عربية والدى و مش حتدلك على اى حاجة غير لما تموت تماما و متلاقيش اى شحن

بس برضة قصة السخونية دى ممكن تكون لها علاقة بالمارش لان البطارية العييانة بتتكشف و الجو بارد مش سخن اما السخونية فا ليها علاقة بتمدد المعادن و خلافة و ممكن اوى اللى عمل الجلب عملهم محملين شوية و بيتقلوا المارش مع السخونية

نصيحتى روح لكهربائى مضمون يفك المارش و يتاكد من حالة الجلب و المارش بشكل عام و يجرب ببطارية من عندة و عربيتك سخنة عشان توصل للحل

انا اكتشفت بالصدفة كهربائى معرفة من على جروب دايوتك اللى على الياهو فاتح فى الدقى و هو راجل فاهم و عندة كمان سكانر لو عايز تكشف على الموتور... لو عايز تروحلة حتلاقية على ناصية شارع جابر ابن حيان فى الدقى... صحيح المحل شكلة تعبان بس يكفى اقولك انه اشترى الService Manual بتاع الدايو ب40 جنية استرلينى عشان يبقى فاهم هو بيعمل ايه

MMamdouh

[KarimAbulEla]

سبحان الله نفس اللى بيحصل معايا دولت

النهاردة الصبح رحت ادور السيارة - لقيتها لا تدور

اخدت البطارية من الجراج وديتها لبتاع البطاريات - بعد ساعة قالى البطارية لا تقبل شحن

البطارية عمرها معايا سنتين و كانت كلورايد 70 امبير

اسعار البطاريات الان ساءل عليها لقيت نار نار نار و غباء

سعر الفارتا 630 جنيه و النسر 460 جنيه لل 55 امبير

بياخدوا البطارية منك ب 50 الى 60 جنيه

وديت البطارية لواحد تانى يكشف عليها قولت يمكن المحل الاول عايز يلبسنى بطارية جديدة بس شكلى حاشترى حاشترى - انا منتظر الرد الحاسم من المحل التانى و قاعد فى انترنت كافيه و بالصدفة لقيت نفس الكلام اللى حاصلى

من سنتين حصلى عندى نفس الموضوع و قالولى ان البطارية ربع فيها ضارب و رحت غيرت البطارية بس سعرها ساعتها لل 70 امبير كان 230 جنيه للكلورايد لكن النهاردة الاسعار غير عادية

ربنا معاك و معايا

[Sherif Khalifa]

بص يا شريف... القصة بين المارش و البطارية لان البوبينة عندنا طريقة شغلها مختلفة خالص عن العربيات القديمة اللى البوبينة بتسخن فيها و تسبب مشاكل

جرب تدور العربية ببطارية تانية فقط... يعنى فك بطاريتك تماما من العربية و ركب واحدة تانية و جرب تدور لو دارت على طول يبقى بطاريتك تعبت... البطارية الفارتا بتاعتك مفيهاش لمبة بيان صح؟؟ اصل دى نفس البطارية اللى فى عربية والدى و مش حتدلك على اى حاجة غير لما تموت تماما و متلاقيش اى شحن

بس برضة قصة السخونية دى ممكن تكون لها علاقة بالمارش لان البطارية العييانة بتتكشف و الجو بارد مش سخن اما السخونية فا ليها علاقة بتمدد المعادن و خلافة و ممكن اوى اللى عمل الجلب عملهم محملين شوية و بيتقلوا المارش مع السخونية

نصيحتى روح لكهربائى مضمون يفك المارش و يتاكد من حالة الجلب و المارش بشكل عام و يجرب ببطارية من عندة و عربيتك سخنة عشان توصل للحل

انا اكتشفت بالصدفة كهربائى معرفة من على جروب دايوتك اللى على الياهو فاتح فى الدقى و هو راجل فاهم و عندة كمان سكانر لو عايز تكشف على الموتور... لو عايز تروحلة حتلاقية على ناصية شارع جابر ابن حيان فى الدقى... صحيح المحل شكلة تعبان بس يكفى اقولك انه اشترى الService Manual بتاع الدايو ب40 جنية استرلينى عشان يبقى فاهم هو بيعمل ايه

MMamdouh

الف شكر يا محمد

ممكن اعرف فين ش جابر ابن حيان

انا شغلى فى برج المغربى الى فى شارع التحرير منين منة

[MMamdouh]

انا مش عارف فين برج المغربى بالضبط لكن عموما مش مشكلة

اعتبر نفسك فوق كوبرى الدقى و متجة ناحية جامعة القاهرة و البطل احمد عبد العزيز وراك... بعد ما تنزل من الكوبرى حيبقى تالت او رابع شارع على شمالك... مش فاكر اوى

عموما هو شارع معروف اوى لان كان فيه زمان مبنى امن الدولة.

MMamdouh

[MMamdouh]

نسيت ان فيه اختراع جامد اسمة كايرو لوكيتور:

logon to www.cairolocator.com

enter street name at the box at the bottom left side

select gaber ebn 7ayaan @ aldokki then press enter

ay 7'edma

MMamdouh

[Sherif Khalifa]

perefect
thx man

FYI Ma3'rabi plaza located infront of GAD in AL-Tahrer st. next to Saredar tower

how come u don't know where is TE-Data ?!!! :) :) :):)

[MMamdouh]

ohhh... i knew were TE data is but i didn't know that it is called ma3'rabi plaza

this means that you are 3 minutes away from the guy ;)

MMamdouh

[Sherif Khalifa]

الحمد للة المشكلة اتحلت بعد ما غيرت البطارية
انا روحت للراجل ال محمد قال علية و فعلا راجل كويس و قاس شحن الدينامو كان كويس بس البطارية كانت ضربة خالص

اشتاريت بطارية ACdilco صناعة سعودى ب 450 جم + البطارية القديمة ضمان سنة
من شركة اسمها الايمان فى شارع التحرير جنب جاد

المارش صوتة فى الدوارة اختلف بدل الاول لما كنت احس انة بيدور بالعافية

شكرا لمشركتكم جميعا