هل فى علاج حقيقى لونة الكرونة

[Islam_Shady]

موز و نشارة خشب؟؟
معلش ده علاج للونه ولا لترشيح الزيت؟؟
اصل انا عندى الكورونه بترشح زيت و الميكانيكى بيقوللى جوان و فى ناس بتحذرنى من فك الكورونه و بيقولولى تابع الزيت و كل ما ينقص زوده و خلاص
ولا ايه رايكو؟؟

[Ahmed Galal]

انا زمان سمعت من سواق بيجو انهم بيحطوا تبن فى الكورونة عشان موضوع الونة ده و بجد مش تهريج تبن بتاع الحمير لا مؤاخذة و ياما هانشوف و نسمع

[anwarnono]

ايه احسن انواع الزيوت للكرونه،ولازم احط زيت ثقيل يعنى 140 مع انها فى الكاتلوج بتاعها كاتبين 90

[sab3aawy]

اخلط ما يملأ كفين ايدك من بودرة الخشب (ممكن تحصل عليها من اى ورشة نجارة- لكن تأكد ان مافيهاش رمل) مع علبة زيت شنبر 300 مللى، وصيف الحاجات دى على كيلو زيت فتيس 140، وعبى الكورونا بيها وكمل احيتاج الكورونا من الزيت لو كانت لسة ناقصة، ان شاء الله ده هيقلل صوت الونة الى حد كبير وهيحافظ لك على الكورونا شوية، لكن لا صوت الونة هيروح 100% ولا هتقدر تنزل مخاطرة ان الكورونا تقفش بنسبة 100%، كلها بس مسكنات علشان تطول عمر الكورونا شوية لكن فى النهاية الونة هى مرض الموت بالنسبة للكورونا

[michohat]

اخلط ما يملأ كفين ايدك من بودرة الخشب (ممكن تحصل عليها من اى ورشة نجارة- لكن تأكد ان مافيهاش رمل) مع علبة زيت شنبر 300 مللى، وصيف الحاجات دى على كيلو زيت فتيس 140، وعبى الكورونا بيها وكمل احيتاج الكورونا من الزيت لو كانت لسة ناقصة، ان شاء الله ده هيقلل صوت الونة الى حد كبير وهيحافظ لك على الكورونا شوية، لكن لا صوت الونة هيروح 100% ولا هتقدر تنزل مخاطرة ان الكورونا تقفش بنسبة 100%، كلها بس مسكنات علشان تطول عمر الكورونا شوية لكن فى النهاية الونة هى مرض الموت بالنسبة للكورونا

طب ايه مخاطر ان الكورونا تقفش لان فى صوت ونه عندى فى الكرونه ومتابع الزيت بتاعها كل شوية
وكنصيحه منك ليا اصلح الكرونه ولا اغير