العربية مش راضية تسحب...ما الحل؟

[الصيداح]

السلام عليكم ورحمة الله

العربية كل كهربتها سليمة لكن كل أما أبدأ التشغيل مش بتدور نهائي المروحة تلف وكأنها هتدور ومش راضية خالص وبأحاول التدوير لحد لما البطارية تنام خالص وحتى مع الزق مش بتجيب نتيجة
العيب في ايه وكل حاجة تمام يعني خرطوم البنزين بيدفع البنزين يعني المشكلة من بعد خرطوم البنزين ولا ايه أنا دايخ والعربية عطلانة منذ أسبوعين؟

نوع العربية : داتشيا 1997

وجزاكم الله كل خير

[samirayad]

العربية كل كهربتها سليمة

يعنى أتأكدت أن فيه كهرباء واصله للبوجيهات............؟

[aYaBooY]

اتاكد او البوجيهات واصلها كهرباء
فك البوجيه و ركبة في السلك و دور و شوف فيه شرارة ولا لا
و برده بص على الكاتينة لو سير شوف ايه اخبارة

[الصيداح]

كل هذا سليم 100%
والبوجيهات شغالة تمام

[الصيداح]

كل مرة تقعد تقريبا ساعة من المحاولات وبعدين تشتغل ومجرد ما أركنها من الليل للصبح تعود لهذا الموال

[romeo_6887]

نضف الانجيكشن و الرشاشات
اتاكد ان البوجيهات سليمه
نضف فلتر الهوا و البنزين
اتاكد ان البطاريه مشحونه
اتاكد ان الفيوزات شغاله
بص علي سير الكاتينه و الدينامو
اتاكد ان طلمبه البنزين شغال

[A7MED_PHARMA]

يمكن تكون مأخره كهربا

حصلت معايا مره في الانسر..ولما قدمت الاسبيراتير..وزدوت الكهربا
العربيه حرقت حرق نئ
والريحه كانت خانقاني في الصالون

.

[samirayad]

كل مرة تقعد تقريبا ساعة من المحاولات وبعدين تشتغل ومجرد ما أركنها من الليل للصبح تعود لهذا الموال

موضوعك غالبا عيب أتصال كهربى

وكنصيحه بوجه عام

1- حل كل فيش حساسات المكنه واحده واحده ونظفها كويس بمنظف ألكترونيات وجفف وأعد تجميع الفيش تانى بأحكام
وخصوصا .....فيشة حساس الكرنك وفيشة البوبينا وفيش الرشاشات

2- أكد على أتصال كل الفيوزات والكتاوتات فى علب الفيوزات
أحتمال تكون فيه حاجه مهزوزه شويه وعاوزه تتحكم فى مكانها

[الصيداح]

جزاكم الله كل خير
شكر الله لكم يا أكارم

وهي المشكلة غالبا زي ما بيقول المهندس سميرلأن كان بها عيوب كهرباء قبل ذلك وظبطناها وأنا أعتقدت أن الكهرباء كدة اتظبطت

جزاكم الله كل خير سأحاول فيها وأخبركم بالنتائج بإذن الله
شكرا لكم