إلحقونييييييييييييييييي العربية وقفت

[ZALABANY]

النهارده الصبح قمت دورت العربية دارت زي الفل ورحت الشغل واول ما رحت الشغل بطلت العربية وارضيتش تدور ولا الكونتاكت ينور حتى كأن الموبينه مفصوله مع ملاحظة ان انوار العربية شغاله والكاسيت يعني البطارية شغاله خالص مش عارف اعمل ايه حد يدلني
خلفيات تاريخيه قد تساعد في تشخيص الحاله
البطارية كانت حالتها كويسه جدا سافرت طنطا اول امبارح باظت وجابت ربعين والكهربائي فتحها ووصلهم والبطاريه اشتغلت مؤقتا الاوتوماتيك بتاع المارش لسه راكب جديد

[ZALABANY]

البطارية شغالة على فكره بس الكونتاكت مش واصله كهربا خالص

[sab3aawy]

اعتقد ان سؤالك مجاوب نفسه، واضح ان البطارية انتحرت، الحل اللى الكهربائى كان عامله كان حل مؤقت وواضح انه جاب آخره

الإجابة ببساطة هات بطارية جديدة

[KarimAbulEla]

نفس الحصل معايا امبارح و ان كانت المسألة واضحة عندى انها بطارية و دارت عندى بالدفع بعد طلوع الروح

[ZALABANY]

بس يا سبعاوي باشا نور الصالوت بينور والكاسيت شغال لكن الكونتاكت مش واصلة كهربا خالص يعني حتي مش هاتدور زق انا كده كده هاشتري بطارية بس خايف تطلع المشكله من حاجه تانية وعندي مشكله تانية العداد بتاع السعة عندي بيطلع صوت تكتكه بشع من التابلوه رحت للكهربائي من يومين فك الواير بتاع امبير السرعه وزيته الصوت راح النهارده الصوت رجع تاني وسيء جدا مش عارف اعمل ايه وتنصحني اجيب بطاريه جافه ولا عادية وفين اقرب مكان من وسط البلد اجيب منه بطارية

[KarimAbulEla]

لما تبقى البطارية فى الاواخر ممكن تعمل كدة

انا سمعت صوت زنة من التابلوه لما جيت اشغل الكونتاكت و العربية لم تدور -

لهذا اعتقد ان الصوت الصادر من التبلوه له علاقة كبيرة بالبطارية لما تكون تالفة

[Eng.Ahmed]

law 3arabytak model geded 7at el bataraya el gafah , law model 2adeem 7at el 3adayah. wi el batarya el varta el almany gamda gedan , tegebha mn 3and mabrook 3'ataty

[ZALABANY]

ده مش صوت زنه ده صوت تخبيط تكتكتكتكتكشخشخشخشختكتكتكت وصوته عالي ولما الكهربائي فك واير السرعة وزيته راح دلوقتي رجع تاني بس مزعج جدا دلوقتى المشكله مش في البطارية البطارية اوكيه هاتتغير المشكله ان الونتاكت مش واصله كهربا اساسا والبطارية مطلعه كهربا ياجماعه انوار العربية شغاله والسنتر والانزار

[أبو عبدالله]

الكهرباء الضعيفه ممكن تشغل النور والكاسيت ولكن لا تستطيع ان تقوم العربيه

[ZALABANY]

حد يفيدنا يا جماعه بالله عليكم كده اكيد البطارية ولا حاجه تانية

[NaderNabil]

روح لكهربائي تاني يكشفلك علي البطارية و السلوك والكتاوت...و خليه يجرب بطارية مستعملة من عنده...متخدش قرار شراء البطارية من غير متكون واثق 100% عشان البطريت مش رخيصة دلوقتي

[MMamdouh]

دوس الكلاكس ورعش نور... لو البطارية ضعيفة النور حيخللى الكلاكس صوتة يضعف

MMamdouh

[محمد البحيري]

غالبا دي مشكله فيبرا كونتاكت
لو البطاريه سليمه والعربيه بتدور زق بس الكونتاكت مبيشغلش لمضه لما تدور المفتاح يبقي هي الفيبرا

[أبوسيف]

طالما ربعين ضاربين فى البطارية يبقى لازم تتغير فورا ، اما بخصوص ان الكاسيت شغال فدة ممكن يكون بقايا الشحنة الموجودة فى البطارية

[ZALABANY]

رحت للكهربائي قالي ان الكونتاكت هو اللي فاصل ووصل فيوزين ببعض وقالي دوردورت مشيت ووديتهالو يشوف الكونتاكت فاص ليه حد يقولي كده المشكله ايه كده البطاريه شغاله