مشكلة في الفتيس الاتومتيك

[ahmed72247]

السلام عليكم أنا عضو جديد في هذا المنتدى الرائع وهذه أول مشاركة ليا.
المشكلة في عربية
chevrolet epica
المشكلة بتحصل لما العربية بتمشي كتير وزيت الفتيس يسخن, ساعات العربية مع الفرامل -ودايما لازم يكون الفتيس بينقل على النقلا الاقل-بيحصل زي قفشة في العربية كلها مرة واحدة.وبعد كده ساعات بتتكرر وساعات لأ.رحت غيرت زيت الفتيس ولسة المشكلة موجودة.العربية عاملة 99,000 كم
ومش لاقي سبب للمشكلة

[samirayad]

لو حرارة المكنه عاليه عندك

حاول تسلك الرديادتير
علشان تساعد فى تبريد زيت الفتيس
ويمكن ده يديك نتيجه كويسه

[Eng.Osama.Afifi]

روح لحد بتاع فتيس يكشفلك عليه ... الناس كانت شكرت في واحد في شارع أحمد سعيد

والفتيس الأتوماتيك بزات ماينفعش الفتي فيه ... عن تجربة سابقة( هوندا سيفيك أتوماتيك ) ... النتيجة إني جبت ماتور بفتيس جديد

ماتخليش حد يلعب فيه غير بتاع فتيس أتوماتيك

[ahmed72247]

شكرا لرد حضرتك,بس الحرارة عندي مظبوطة وعمرها مزادت عن معدلها الطبيعي.العربية أصلا خليجي موصفات سعودية.بس لما غيرت زيت الفتيس كان نازل لونه تقريبا اسود أو بني غامق.والمكانيني قال لي امشي بيه كده بتاع 1000 كم ونغيره تاني علشان لو في رواسب في الفتيس تنزل.بس أنا شاكك إن يكون في حاجة مسدودة في مجرى الزيت بتاع الفتيس.المشكلة دي بقالها فترة ومش عارف أعمل فيها إيه

[ahmed72247]

روح لحد بتاع فتيس يكشفلك عليه ... الناس كانت شكرت في واحد في شارع أحمد سعيد

والفتيس الأتوماتيك بزات ماينفعش الفتي فيه ... عن تجربة سابقة( هوندا سيفيك أتوماتيك ) ... النتيجة إني جبت ماتور بفتيس جديد

ماتخليش حد يلعب فيه غير بتاع فتيس أتوماتيك

أنا رحت التوكيل وقالولي هناك لازم نغير الزيت ومكنش عندهم زيت هناك !!!
فـجبت زيت موبيل 1 atf 320
وحطيته بره علشان أنا حاسس إنهم في توكيل منصور بيفتو ومحدش عارف يتعامل مع العربية