العربية بتطلع دخان ابيض

[matmm]

العربية هتجننى بطلع دخان ابيض من الشكمان طب الموتور فوت لالالالالالالا اقيس الزيت الزيت مبيقلش المقاس زى ما هو طيب اية الجنان دة طيب هقول بقى على الى يجن اكتر ان انا اول ما بدور العربية بتبقى زى الفل وبتجيب مية خفيفة من الشكمان دة دليل ان الموتور دة زى الفل طيب اية يعنى مش فاهم الموتور فوت ولا لاء بس وانا ماشى عامل شبورة بيضة ورايااااا طب اية دة وبعدين مش بخرة مية لا دة دوخان ابيض انا مش فاهم ارجو الافادة

[ashouhdy]

بضيف سؤال اخر الى سؤالك
عربيتى بقى مش بطلع لا دخان ابيض ولا اسود ومش بتعرق حتى فى السقعة اوى كل لعربيات تعمل وراها تكثيف بخار كدة وانا لأ
الصراحة انا قلقان اية السبب ؟؟؟

[matmm]

بضيف سؤال اخر الى سؤالك
عربيتى بقى مش بطلع لا دخان ابيض ولا اسود ومش بتعرق حتى فى السقعة اوى كل لعربيات تعمل وراها تكثيف بخار كدة وانا لأ
الصراحة انا قلقان اية السبب ؟؟؟

لالالالا متخفش دة عادى يعنى ممكن تكون العربية مبتكونش سخنة اوى او نسبة الهوا الى طالع قليلة بس متخفش دى حاجة عادى يعنى متقلقش انا بقى كمان عندى البوجيهات زى الفل بتطل (الموتور ناوى يجننى

[thedeveloper87]

طالما الزيت مابينقصش يبقى مفيش قلق إن شاء الله.

[JOOOOOOOOOO]

هقولك حاجة الموتور اللي 100 100

اللي لما تيجي تغير الزيت ماينقصش او يقل حاجة خفيفة بتاع ربع كيلو كل 1500 كيلو

بالنسبة لموضوع ان العربية تعرق مش شرط تبقى المكنة تمام

[temo85]

اكشف على جوان وش السلندر

[aYaBooY]

اكشف على جوان وش السلندر

+11111111

[tamer_a7]

اكشف على جوان وش السلندر

هو دا الكلام

[SAMEH_FOUAD]

شوف ياباشا وضوع الدخنة البيضاء بدون اعراض نقص فى الزيت او اى حاجة تدل على ان الماتور دة كبسة خفيف يبقى حضرتك عندك عدم احتراق كامل للبنزين واللى مابيتحرقش بيخرج من الشكمان فى صورة دخان ابيض كثيف ,وكل الى هاتعملة انك هاتظبط الكهرباء واكشف على البوجيهات ,ونظف البوابة اذا كانت انجيكشن او نظف الكربرايتر وغير البيجات
وجوان وش السلندر تعرف عندك انة فية حاجة عن طريق مياة الردياتير لو بتنقص عندك
وبردة شوف الرائى اللى تم طرحة من الاخوة الاعضاء يمكن يطلع منة بس انا معرفش الصراحة ان الجوان يعمل كدة ولا لأ

[aYaBooY]

شوف ياباشا وضوع الدخنة البيضاء بدون اعراض نقص فى الزيت او اى حاجة تدل على ان الماتور دة كبسة خفيف يبقى حضرتك عندك عدم احتراق كامل للبنزين واللى مابيتحرقش بيخرج من الشكمان فى صورة دخان ابيض كثيف ,وكل الى هاتعملة انك هاتظبط الكهرباء واكشف على البوجيهات ,ونظف البوابة اذا كانت انجيكشن او نظف الكربرايتر وغير البيجات
وجوان وش السلندر تعرف عندك انة فية حاجة عن طريق مياة الردياتير لو بتنقص عندك
وبردة شوف الرائى اللى تم طرحة من الاخوة الاعضاء يمكن يطلع منة بس انا معرفش الصراحة ان الجوان يعمل كدة ولا لأ

الدخنة بيضة مش سودة

[ashouhdy]

طب بالاضافة لسؤال الدخنة ؟

انا عربيتى عاملة 41000 موديل 2008 مفيش دخنة لابيض او اسود و لا تعرييق ولا حاجة و لما يكون الجو برد و تلاقى كل (كل) العربيات بتعمل تكثيف بخار كدة من الشكمان انا برضة مفيش و بتكون العربية مش باردة يعنى الحرارة العادية

هل دة حاجة كويسة ولا وحشة ولية مش بتعرق ؟؟

[SAMEH_FOUAD]

الدخنة بيضة مش سودة

الدخنة السودة بتيجى لما يكون فية سدد فى دورة البنزين ,او ان الرشاشات مسيلة لو كانت السيارة انجيكشن ,او الكربراتير بايظ
لكن لما البنزين يكون مابيتحرقش يخرج دخان ابيض لانة بيخرج على صورة بنزين (نى)
على حد علمى

[khaled_sabry]

الدخنه البيضا يتهيألى علشان فيه ميه من الريداتير بتتحرق فى السلندر
وده معناه ان عندك جوان وش سلندر و تقدر تتأكد بأنك حتلاحظ الميه فى الريداتير بتنقص جامد اوى
و على العموم روح للميكانيكي و خليه يفك البوجيهات ممكن يلاقى عليها ميه و ساعتها تبقى اتأكدت

[khaled_sabry]

الدخنه البيضا يتهيألى علشان فيه ميه من الريداتير بتتحرق فى السلندر
وده معناه ان عندك جوان وش سلندر و تقدر تتأكد بأنك حتلاحظ الميه فى الريداتير بتنقص جامد اوى
و على العموم روح للميكانيكي و خليه يفك البوجيهات ممكن يلاقى عليها ميه و ساعتها تبقى اتأكدت

و حاجه كمان تأكدلك موضوع الجوان ده انك لما تفتح الريداتير (قبل ما المتور يسخن ) تلاقى الميه بتفور مع حركه المتور كأن تحتها خلاط (و ده بيحصل نتيجه لتسرب الضغط اللى فى السلندرات للميه)
او ممكن تلاقى اثار زيت مطحن موجود فى غطاء الزيت و مش شرط يبقى فيه على المقياس

[د.محمود صلاح]

شكراً للمعلومات ,, كنت عايز اعمل موضوع عن ألوان الدخان الصادر من الشكمان والعيوب الممكنه , أعتقد قرأته منذ فتره عنا فى المنتدى بس مشش قادر أوصل له