الحراره بتوصل للأحمر والعربيه مش سخنه

[hany121]

النهارده لقيت مؤشر الحراره بيعلي ويوصل للاحمر. ركنت وبصيت علي الموتور لقيت العربيه مش سخنه والريدياتير المياه فيه درجة حرارتها عاديه.. ولما دورت العربيه تاني المؤشر نزل لاقل من النص في 3 ثواني..

ايه اللي ممكن يبوظ فيخلي المؤشر يقرأ قرايه خطأ. يا تري العداد هو اللي ممكن يكون يايظ ولا في حساس في الموتور هو اللي فيه مشكله..

العربيه تمبرا 1400 مو 91 كربراتير وعدادات ديجيتال

[aymansaad]

ممكن ساعة الحرارة تكون علقت

[romeo_6887]

روح للكهربائي و خليه يبصلك علي الثرموستات

[ahmed_khalil]

النهارده لقيت مؤشر الحراره بيعلي ويوصل للاحمر. ركنت وبصيت علي الموتور لقيت العربيه مش سخنه والريدياتير المياه فيه درجة حرارتها عاديه.. ولما دورت العربيه تاني المؤشر نزل لاقل من النص في 3 ثواني..

ايه اللي ممكن يبوظ فيخلي المؤشر يقرأ قرايه خطأ. يا تري العداد هو اللي ممكن يكون يايظ ولا في حساس في الموتور هو اللي فيه مشكله..

العربيه تمبرا 1400 مو 91 كربراتير وعدادات ديجيتال

فيوز او سينسور
جرب مره الصبح و هيا بارده خالص تفتح الكونتكت و تقفله كذا مره و شوف هايطلع ولا لأ
لو طلع يبقى زى ما قولت لحضرتك
اعتقد انه هايطلع

[SAMEH_FOUAD]

دية مشكلة ثرموستات مابتقراش صح

[kh_fawzy]

حصلت معاى قبل كدة واكتشفت ان فى سلك واصل للمروحه لما كان بيلمس الحديد كان بيعمل كدة ولما عزلته كويس المشكله اختفت خالص والموضوع دة الميكانيكى اكتشفه بالصدفه بعد ماكنت لاغيت ترموستات الكوعه وكنت هاغير الترموستات التانيه

[hany121]

متشكر جدا علي ردودكم. يا رب تكون حاجه بسيطه

[Fadi Ezzat]

صوباع الحرارة تقريبا
ومش متاكد بصراحة

[hany121]

الحمد لله المشكله اتحلت والعيب كان الاتي..

- ساعة الحراره باظت فكانت بتدي قرايه غلط وجبته ب 20 جنيه من عند الكيلاني
- ثرموستات المروحه خرفت فالمروحه كانت بتشتغل علي درجة حراره اعلي وغيرتها ب 15 جنيه 80/90 لان الردياتير عندي متغير فلقيت ان الترموستات اللي راكبه عليه نفس بتاعة ال 128 ..

سبب بوظان القطع ده ان سلك ثرموستات المروحه وقع فالحراره وصلت ل 120 (قبل الاحمر بشرطه) ولما وقفت وفتحت الكبوت واكتشفت العيب وصلت السلك فالمروحه اشتغلت وتقريبا ده اللي حرق الثرموستات لانه فجاه حست بالحراره 120 وهي اصلا بتشتغل علي 90 ..