مشكله فى اوكتافيا a5

[KHALED AYMAN]

السلام عليكم ...
دى اول مشاركه ليا فى القسم الجميل ده و ان شاء الله مش اخر مره ...
هدخل بقى فى الموضوع على طول ...
النهارده الصبح والدى بيدور العربيه ..
لقى الشاشه كاتبه ..
STOP CHECK COOLANT ,OWNER'S MANUAL
و فى لمبه زى الى بتكون جمب عداد الحراره (الى هى ترمومتر فى ميا دى )..بتنور و تطفى و لونها احمر ..
و صوت تييييييت تيييييييييت تييييييييت
طبعا والدى حس انه فى غواصه قام مبطل العربيه وواخد عربيتى و سافر القاهره ...
و كلمنى قالى الى حصل ..
نزلت اجرب فعلا زى الى قلته ده...
و ده مكتوب فى الكتالوج انه حاجه من اتنين :
1-مياه التبريد قليله جدا
2-المياه سخنه جدا ...

الاحتمال التانى صعب لان العربيه اصلا كانت لسه دايره و ملحقتش تسخن ...
الاحتمال الاول انا مستغرب منه لان انا بصيت على المياه لقيتها فوق الحد الادنى بشويه ...
!!!!
كلمت التوكيل قالى زودها مياه و هاتها بس "اوعى تسخن منك "...
االتوكيل فى اسكندريه و انا من المحله و المشوار مش اقل من ساعتين و نص ...
انا مش عارف ...
اجيب ونش و اشيلها عليه لحد هناك ؟؟
ولا اسافر بيها كده و امرى لله ...
ولا اعمل ايييييييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارجو الرد بسرعه لانى لازم اوصل لقرار النهارده باليل و انفذ بكره الصبح...

[smax]

اعتقد ممكن يكون في هواء في دورة المياة , جرب افتح غطاء الرادياتير و دور العربية و سيبها دايرة لمدة دقيقة لاو لاقيت المياة في القربة عمالة تفور او تنط يبقي سيبها اد خمس دقائق دايرة لحد ما المياة تنتظم.

[samirayad]

الاحتمال الاول انا مستغرب منه لان انا بصيت على المياه لقيتها فوق الحد الادنى بشويه ...
!!!!

أعتقد دى كده مشكله فى حساس حرارة مية التبريد ( صباع الحراره )

طالما منسوب الميه فوق الحد الأدنى

وحاول برضه تشوف فيشته راكبه كويس ولا لا
وفى نفس الوقت زود الميه شويه

وجرب كده قبل ماتروح التوكيل

وممكن يكون الحساس ( أو صباع الحراره ) نفسه عاوز يتغير
دا لو فيشته راكبه صح

[Ahmed Samy]

ربنا يستر و ما يبقاش ده

تجربتي مع عيب صناعة فى A5 خليجي 2007

[crazylambada]

بص يا خالد باشا انا حقولك اعمل زي ما الاستاذ سامي رياض ما قال
و بعد كده خلي العربيه دايره و زود في البنزين و شغل التكييف شوف حتعلى عن النص ولا لأ
لو معليتش خدها للتوكيل و فعلا انا برجح برضه ان العيب في حساس منسوب المياه

[م.محمد علاء]

القى الشاشه كاتبه ..
STOP CHECK COOLANT ,OWNER'S MANUAL
و فى لمبه زى الى بتكون جمب عداد الحراره (الى هى ترمومتر فى ميا دى )..بتنور و تطفى و لونها احمر ..
و صوت تييييييت تيييييييييت تييييييييت
طبعا والدى حس انه فى غواصه قام مبطل العربيه وواخد عربيتى و سافر القاهره ...
.

إنت متعرفش تبطل تهريج شويه يا جدع إنت

[SAMEH_FOUAD]

زى مالمهندس سمير قال عيب حساس الحرارة وباين قوى من الerror الى طالع على الشاشة عندك مشكلة فى حساس تبريد المياة او (حساس الحرارة )
طيب العربية وهية دايرة الاربى ام بيعلى عادى وبعد كدة بينزل ولا الكلام دة اتغير

[د.محمود صلاح]

هااه ايه الأخبار ؟ عملت إيه ؟

[momenhamdy]

تابع بأهتمام

وربنا معاك يا خالد باشا

[KHALED AYMAN]

اعتقد ممكن يكون في هواء في دورة المياة , جرب افتح غطاء الرادياتير و دور العربية و سيبها دايرة لمدة دقيقة لاو لاقيت المياة في القربة عمالة تفور او تنط يبقي سيبها اد خمس دقائق دايرة لحد ما المياة تنتظم.

عملت زى ما حضرتك قولت مفيش فارت ولا نطت ولا حاجه !!!

أعتقد دى كده مشكله فى حساس حرارة مية التبريد ( صباع الحراره )

طالما منسوب الميه فوق الحد الأدنى

وحاول برضه تشوف فيشته راكبه كويس ولا لا
وفى نفس الوقت زود الميه شويه

وجرب كده قبل ماتروح التوكيل

وممكن يكون الحساس ( أو صباع الحراره ) نفسه عاوز يتغير
دا لو فيشته راكبه صح

انا شاكك فى كده برده يا بشمهندس لان حراره العربيه مظبوطه تماما ..

ربنا يستر و ما يبقاش ده

تجربتي مع عيب صناعة فى A5 خليجي 2007

قلقتنى يا دوك

بص يا خالد باشا انا حقولك اعمل زي ما الاستاذ سامي رياض ما قال
و بعد كده خلي العربيه دايره و زود في البنزين و شغل التكييف شوف حتعلى عن النص ولا لأ
لو معليتش خدها للتوكيل و فعلا انا برجح برضه ان العيب في حساس منسوب المياه

عملت كده و مفيش نتيجه و الحراره مظبوطه ...

إنت متعرفش تبطل تهريج شويه يا جدع إنت

لو بطلت اهرج يبقى هموت و بعدين انت مش هتبطل بقى تاخد ملفات بسرعه يا جدع انت

زى مالمهندس سمير قال عيب حساس الحرارة وباين قوى من الerror الى طالع على الشاشة عندك مشكلة فى حساس تبريد المياة او (حساس الحرارة )
طيب العربية وهية دايرة الاربى ام بيعلى عادى وبعد كدة بينزل ولا الكلام دة اتغير

الاربى ام عادى جدا و العربيه شغاله طبيعى جدااااااا

هااه ايه الأخبار ؟ عملت إيه ؟

موصلتش لحاجه و بكره رايح التوكيل

[KHALED AYMAN]

تابع بأهتمام

وربنا معاك يا خالد باشا

انا عملت الاتى يا جماعه .....
انا قلت ادور العربيه و اشوف الحراره هتعلى عن الطبيعى ولا لا...
و بالفعل نزلت دورت ..
سبتها تسخن ..
وصلت ل 91 ..
و ده الطبيعى بتاعها و وقفت على كده ....
قمت مشغل التكييف فنزلت ل 90 و ده الطبيعى بتاعها ...
ده غير انى زودتها مياه حمرا ...
فكده اعتقد ان مفيش مشكله سخونيه ...
الموضوع كله هيبقى حساس ..
و غالبا فى فار كل سلك او هز حاجه ...
لانى لقيت اثار فران فى الكبوت
بكره ان شاء الله هروح بيها و اخويه هييجى معايا بالاوبل عشان مش ضامنين ايه الى ممكن يحصل و مش عارف المشكله حجمها ايه و يمكن العربيه تبيت فى التوكيل !!!!
انا متشكر جدا جدا لكل الى شاركونى فى الموضوع و الناس الى اهتمت بيا ..
و بكره ان شاء الله هبلغكو بالتطورات ...

[KHALED AYMAN]

و على فكره يا دكتور احمد الميا فى القربه لونها طبيعى ...
و عموما انا لو سقتها بكره هتابع نقلات الفتيس كويس ..
و لو اخويه ساقها هنبهه للنقطه دى ..
و ربنا يستر

[momenhamdy]

انا عملت الاتى يا جماعه .....
انا قلت ادور العربيه و اشوف الحراره هتعلى عن الطبيعى ولا لا...
و بالفعل نزلت دورت ..
سبتها تسخن ..
وصلت ل 91 ..
و ده الطبيعى بتاعها و وقفت على كده ....
قمت مشغل التكييف فنزلت ل 90 و ده الطبيعى بتاعها ...
ده غير انى زودتها مياه حمرا ...
فكده اعتقد ان مفيش مشكله سخونيه ...
الموضوع كله هيبقى حساس ..
و غالبا فى فار كل سلك او هز حاجه ...
لانى لقيت اثار فران فى الكبوت
بكره ان شاء الله هروح بيها و اخويه هييجى معايا بالاوبل عشان مش ضامنين ايه الى ممكن يحصل و مش عارف المشكله حجمها ايه و يمكن العربيه تبيت فى التوكيل !!!!
انا متشكر جدا جدا لكل الى شاركونى فى الموضوع و الناس الى اهتمت بيا ..
و بكره ان شاء الله هبلغكو بالتطورات ...

ربنا معاك يا باشا و ان شاء الله خير بأمر الله

[KHALED AYMAN]

النهارده الصبح نزلت انا و اخويه ..
اخويه ساق الاوكتافيا و انا طلعت وراه بالاوبل ...
العربيه مشت عادى جدا و اللمبه برده زى ما هى...
بعد نص ساعه كده ...
اللمبه طفت !!!
و نص ساعه اشتغلت تانى !!!
المهم وصلنا التوكيل شافوها قالو الدوره واخده هوا...
بيقولولى اصل الغطا مكنش مقفول كويس !!!!!!!!!!!!!!!!!!
المهم عملوها و بقت تمام و عملت صيانه 60 الف ...
وغيرت تيل خلفى ...
و العفشه كانت بتطبل و تزمر و تهيص فى المطبات ..
كشفو عليها قالولى لالالا دى زى الفل !!!
المهم بقى الفاتوره !!!!!!!!!!
2633 !!!
منهم 500 جنيه مصنعيه !!!!!
و الصيانه هعملها فى تقرير منفصل ..

[SAMEH_FOUAD]

لية 2633 عشان تيل فرامل خلفى وسحب هواء من الردياتير
و500 جنية مصنعية
سرقة علنى
والحمد لله ان المشكلة اتحلت لانهم لو كانوا قاللولك حساس كان ممكن دفعوك 20000 الف جنية