رجة بعد أخذ المطبات؟ رجة غريبة ؟ ما الحل؟

[الصيداح]

سلام الله عليكم

في مشكلة غريبة شوية

وهي أني لما بكون سايق وأخذ مطب والعجلتين الأماميتين ينزلوا من على المطب
تحس برزع في العربية من الأمام من تحت
رجة غريبة جدا
وأيضا لما أكون دايس بنزين وأشيل رجلي مرة واحدة ألاقي زي رجة بتحصل كدة وكأن الرجة بتسحب العربية لقدام لمدة ثانية واحدة وبعدين عادي

وأيضا لما أكون شايل رجلي من على البنزين وأدوس بنزين يحصل أن العربية تروح مدفوعة للأمام برجة لا تتعدى الثانية الواحدة وبعدين عادي

هي تقريبا حاجة في العفشة بس مش عارف ايه هي؟
وهي لم تظهر مرة واحدة على مراحل
السيارة نوع داتشيا97

ربنا ييسر وأكون عرفت أوصف المشكلة قدر المستطاع

[WalidAdel]

هو حضرتك وانت بتعمل الحاجات اللي قولت عليها دي حط ايدك علي عصاية الفتيس لو الرجه واضحه اوي في العصايه يبقي كده في قاعدة موتور بايظه او قاعة فتيس خالي ميكانيكي يكشفلك عليها
غير كده استني برده راي باقي الاعضاء هايفدوك اكتر مني

[mohamed9999]

متابع لانى عندى نفس الموضوع فى الفيات 128

[SAMEH_FOUAD]

دية غالبا بتبقى مشكلة كبالن مريحة او بدأت تتهالك حتى ممكن حضرتك تاخد بالك منها فى مطبات عين القط ,هتسمع صوت خفيف كأن حديد بيخبط فى بعضة

[tamer_a7]

طيب قولك علي حجاه بسيطه جدا تجربها
اولا خد المطبات وانت دايس دبرياش وشوف النتيجه ايه
ما تشيلش رجلك من علي الدبرياش علي طول مره واحده
والاكتر وانت بتفرمل يا ريت تدوس سنه دبرياش مع الفرامل علشان كل دا بيريح الكبالن
وبرده يخلينا نحط ايدنا علي المشكله

[الصيداح]

هو لما باخذ المطب بحنية أوي مبتظهرش الحكاية دي بس لازم أنزل بشويش أوي من على المطب أما لو نزلت عادي فبيحصل الخبط دا

من الأخر لما بهدي قبل المطب وأسيب العربية تطلع المطب بسرعتها
بتظهر أوي المشكلة دي

لكن لما بطلع المطب وأنا ضاغط شوية فرامل وأنزل بهدوء ممل لا تظهر المشكلة

فايه الحل بالظبط؟

[SAMEH_FOUAD]

ياباشا زى ماقولتلك دية كبالن غالبا ,دة لو انت متاكد من حالة المقصات ,والمساعدين ,وبارات الدركسيون عشان البارات بردة بتعمل نفس الصوت

[aymenseef]

القنطره لو مش مربوطه باحكام هتعمل برضه الصوت ده