اسئله حول خرطوم الزيت الفايظ بتاع الموتور

[khaled_sabry]

بالنسبة لخرطوم الفايظ موجود عادة اعلى غطاء التاكيهات وواصل بمدخل البوابة عند العمه (مسار الهواء بعد فلتر الهواء)
فى اخر مره و انا عند الميكانيكي لاقيته شال الخرطوم ده خالص !!!
فكنت عاوز اعرف فايدته ايه اساسا ... لأن من اسمه كده المفروض بيطلع الزيت الفايض اللى فى الموتور ... بس هل معقول يطلعه على الكربراتير علشان يسده خالص (وهل معقول هى تتصنع كده اساسا) ... وهل الحركه اللى عملها دى ليها تأثير جانبى ؟؟؟
و سؤال تانى معلشى انا اعرف ان لو الموتور خفيف فبيخرج بخار زيت كتير ... و قبل كده و انا بغير زيت كان الراجل حطلى كميه زيت كتيره (كل لما اروحله يعملها .. لدرجة انى شكيت فى نفسى وقولت المقياس بتاع الزيت اللى عندى مش بتاع الموتور ده اصلا ) و بالفعل كان عندى بخار زيت كتير - لكن فى اخر مره روحت لمحطه تانيه خالص و اتحطلى زيت مظبوط .. فهل دلوقتى المفروض مالاقيش بخار الزبت الكتير ده ؟؟
يعنى بصيغه اخرى هل لو حطيت زيت كتير الاقى بخار زيت كتير من الفايظ و لا مش شرط؟
معلشى اسف على الاطاله

[khaled_sabry]

هو ماحدش عارف خرطوم الفايظ ....
ولا هو مش موجود فى عربيات تانيه غير عربيتي ؟؟ ... مش بقولكم عربيتي مفيش زيها

[khaled_sabry]

23 مشاهده و مافيش حد رد عليا و لا حتى عبرنى ببخ
حد يرد بقىىىىىىىىىىىىىىىى

[tamer_a7]

يا باشا ولا يهمك الناس كانت بتتفرج ومش شرط يكون الكل عنده خبره
نبدا بالسؤال الاول انت بتسال عن الخرطوم اللي طالع من وش التاكيهات وبيخرج فايظ هواء سخن وبيكون مصحوب ببخار زيت وبيختلف كميه البخار علي حسب حاله الماتور يعني ماتور خفيف تلاقي كميه البخار اكتر
طبعا الخرطوم دا اتعمل علشان يدخل زيت وهوا سخن للكاربيراتير لتلين وتزييت الاجزاء الداخليه بتاعته والهواء السخن علشان يساعد انه في الشتاء القارص يسخن المساءل شويه
طبعا الميكانيكيه العباقره بتوع مصر شيفين انه ما لوش لزمه مع انه ليه لزمه ركبه تاني زي ما كان
السؤال التاني بالنسبه لانه بيحط زيت زياده في الماتور والماتور اساسا خفيف دا يخلي الماتور ينطر زيت علي البوجيهات والعربيه تقطع منك وتقرفك معلش في الكلم طبعا دا صنيعي حمار
لاما تحط الزيت مظبوط علي العلامه او حتي اقل شويه
وانا منتظر منك اي تسال

[Maged_Samy]

لو عندك الموتور خفيف تشيل الخرطوم من العمه عشان ميطلعش بخار حرق زيت كتير ويسدلك فلتر الهواء والكربراتير ، لكن لو الموتور كبسه كويس يبقى طبعاً ركب الخرطوم فى العمه .

[Ignition-Kid]

يا باشا ولا يهمك الناس كانت بتتفرج ومش شرط يكون الكل عنده خبره
نبدا بالسؤال الاول انت بتسال عن الخرطوم اللي طالع من وش التاكيهات وبيخرج فايظ هواء سخن وبيكون مصحوب ببخار زيت وبيختلف كميه البخار علي حسب حاله الماتور يعني ماتور خفيف تلاقي كميه البخار اكتر
طبعا الخرطوم دا اتعمل علشان يدخل زيت وهوا سخن للكاربيراتير لتلين وتزييت الاجزاء الداخليه بتاعته والهواء السخن علشان يساعد انه في الشتاء القارص يسخن المساءل شويه
طبعا الميكانيكيه العباقره بتوع مصر شيفين انه ما لوش لزمه مع انه ليه لزمه ركبه تاني زي ما كان
السؤال التاني بالنسبه لانه بيحط زيت زياده في الماتور والماتور اساسا خفيف دا يخلي الماتور ينطر زيت علي البوجيهات والعربيه تقطع منك وتقرفك معلش في الكلم طبعا دا صنيعي حمار
لاما تحط الزيت مظبوط علي العلامه او حتي اقل شويه
وانا منتظر منك اي تسال

مع احترامى لكلام حضرتك وبدون الدخول فى تفاصيل

اولا خرطوم الفايظ ده مالوش اى علاقه بالتزييت ولا التليين ولا الكلام ده بـــالعكس, هو ليه فايده وليه عيب

اولا خرطوم الفايظ وظيفته الاساسيه هو تنفيس الضغط عن الموتور ( يعنى نظام تهويه للموتور ) علشان الضغط مايزيدش عند الجزء بتاع الكرنك وكرتيره الزيت ( لو الضغط زاد فى ال Crank Case هتلاقى الجوانات ضربت وطلعت زيت )

ثانيا خرطوم الفايظ ده معمول علشان ( يحـــــافظ على البيئه ) لانه بيسحب اى غازات( سواء غازات عير محروقه او غازات زيت ) بتهرب من الشنابر وبتروح على الجزء بتاع الكرنك والكرتيره , هو بيروح ساحبها ومدخلها تانى فى مسار دخول الهواء للموتور علشان تتحرق وماتتسربش للهواء الجوى وبالتالى تأثر على البيئه ( مع العلم ان ده بيقلل من كفاءه الاحتراق وبالتالى من قدره الموتور ) بس الناس اللى بتصنع الموتور يهمها الحفاظ على البيئه برضوا ( كلمه البيئه دى حرام وعيب خللى بالك فى مصر !!!!!!!!!!!!!!!!!!!!!! )

نصيحه لوجه الله حط الخرطوم تانى مكانه ( لازم يتحط مكانه علشان يعمل فرق فى الضغوط وبالتالى يقدر يسحب الغازات ديه )

[khaled_sabry]

23 مشاهده و مافيش حد رد عليا و لا حتى عبرنى ببخ
حد يرد بقىىىىىىىىىىىىىىىى

الجمله المشهوره بتاعتى اول لما بكتبها بلاقى الردود نزلت ترف عليا .... 3 ردو عليا فى يوم واحد

يا باشا ولا يهمك الناس كانت بتتفرج ومش شرط يكون الكل عنده خبره
نبدا بالسؤال الاول انت بتسال عن الخرطوم اللي طالع من وش التاكيهات وبيخرج فايظ هواء سخن وبيكون مصحوب ببخار زيت وبيختلف كميه البخار علي حسب حاله الماتور يعني ماتور خفيف تلاقي كميه البخار اكتر
طبعا الخرطوم دا اتعمل علشان يدخل زيت وهوا سخن للكاربيراتير لتلين وتزييت الاجزاء الداخليه بتاعته والهواء السخن علشان يساعد انه في الشتاء القارص يسخن المساءل شويه
طبعا الميكانيكيه العباقره بتوع مصر شيفين انه ما لوش لزمه مع انه ليه لزمه ركبه تاني زي ما كان
السؤال التاني بالنسبه لانه بيحط زيت زياده في الماتور والماتور اساسا خفيف دا يخلي الماتور ينطر زيت علي البوجيهات والعربيه تقطع منك وتقرفك معلش في الكلم طبعا دا صنيعي حمار
لاما تحط الزيت مظبوط علي العلامه او حتي اقل شويه
وانا منتظر منك اي تسال

الف شكر ياباشا انك اول واحد عبرنى
انا ماقولتش ان الموتور بتاعى خفيف بالعكس هو كويس جدا معايا و حالته ممتازه و مش بتقرفنى خالص فى التدورير حتى فى عز الشتا و ماكنشى فيه زيت بيوصل للبوجيهات اصلا (بوجيهات سن طويل)

بس الحاجه الوحيده اللى لاحظتها ان كان فى الاول خرطوم الفايض بيرسب زيت كتير (كان بيغطى )... فكان سؤالى هل دى من علامات ان الموتور ابتدى يخف و لا ده بسبب ان بتوع المحطه كانو بيزودولى الزيت عن المستوى المفروض بكتير !! .. على فكره دلوقتى بعد ماغيرت زيت و اتظبط المستوى لاحظت ان فيه ترسيب خفيف خالص حول الفايظ بس بمساحة عمله معدنيه .. بس يمكن ده علشان انا غيرت الزيت من اسبوع بس و ماعرفشى هل حتكبر عن كده و لا ايه

مع احترامى لكلام حضرتك وبدون الدخول فى تفاصيل

اولا خرطوم الفايظ ده مالوش اى علاقه بالتزييت ولا التليين ولا الكلام ده بـــالعكس, هو ليه فايده وليه عيب

اولا خرطوم الفايظ وظيفته الاساسيه هو تنفيس الضغط عن الموتور ( يعنى نظام تهويه للموتور ) علشان الضغط مايزيدش عند الجزء بتاع الكرنك وكرتيره الزيت ( لو الضغط زاد فى ال crank case هتلاقى الجوانات ضربت وطلعت زيت )

ثانيا خرطوم الفايظ ده معمول علشان ( يحـــــافظ على البيئه ) لانه بيسحب اى غازات( سواء غازات عير محروقه او غازات زيت ) بتهرب من الشنابر وبتروح على الجزء بتاع الكرنك والكرتيره , هو بيروح ساحبها ومدخلها تانى فى مسار دخول الهواء للموتور علشان تتحرق وماتتسربش للهواء الجوى وبالتالى تأثر على البيئه ( مع العلم ان ده بيقلل من كفاءه الاحتراق وبالتالى من قدره الموتور ) بس الناس اللى بتصنع الموتور يهمها الحفاظ على البيئه برضوا ( كلمه البيئه دى حرام وعيب خللى بالك فى مصر !!!!!!!!!!!!!!!!!!!!!! )

نصيحه لوجه الله حط الخرطوم تانى مكانه ( لازم يتحط مكانه علشان يعمل فرق فى الضغوط وبالتالى يقدر يسحب الغازات ديه )

كلامك بيقولى عكس نصيحتك اللى فى الاخر .... لأان الميكانيكي ماسدش خرطوم الفايظ هو شاله بس و خلاه فى الهوا ... يعنى كده كده الغازات اللى فى جزء الكرنك بتخرج بره , لكن بتخرج بره فى الهوا ( مش بتدخل تانى على الموتور و تقلل كفاءه الاحتراق زى ما مكتوب) و بالتالى يبقى كلام الميكانيكي صح لأنه كده خلا الاحتراق الداخلى عندى افضل (رغم انه حيوسخ البيئه ... بس مصر مش واقفه على عربيتى علشان بيئتها تتوسخ يعنى)

[Ignition-Kid]

كلامك بيقولى عكس نصيحتك اللى فى الاخر .... لأان الميكانيكي ماسدش خرطوم الفايظ هو شاله بس و خلاه فى الهوا ... يعنى كده كده الغازات اللى فى جزء الكرنك بتخرج بره , لكن بتخرج بره فى الهوا ( مش بتدخل تانى على الموتور و تقلل كفاءه الاحتراق زى ما مكتوب) و بالتالى يبقى كلام الميكانيكي صح لأنه كده خلا الاحتراق الداخلى عندى افضل (رغم انه حيوسخ البيئه ... بس مصر مش واقفه على عربيتى علشان بيئتها تتوسخ يعنى)

فين فى كلامى بيقول عكس المكتوب !!!!!!!

انا قلت فى ميزه وفيه عيب( الميزه انك لازم تتطلع الضغط الزياده جوه الموتور وفى نفس الوقت هاتقلل كفاءه الاحتراق)

طيب انت اخدت بالك من من حكايه ( الفرق فى الضغوط ) اللى انا كاتبها !!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟

الغازات ديه محتاجه انها تتشفط ( محتاجه Vacuum ) علشان كده بيحط الناحيه التانيه من الخرطوم عند مجمع السحب علشان ال Vacuum ده.

صحيح انت مش سادد الفتحه بس برضه الضغط جوه هايزيد الى حد ما نتيجه ان مافيش حاجه بتشفط الغازات بالعافيه !!

وبالنسيه لموضوع (رغم انه حيوسخ البيئه ... بس مصر مش واقفه على عربيتى علشان بيئتها تتوسخ يعنى)

فدى وجهات نظر, ولو كل الناس قالت كده صدقنى.....مش هانلاحق على تكاليف علاج ولادنا كمان عشر سنين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

[samirayad]

اولا خرطوم الفايظ ده مالوش اى علاقه بالتزييت ولا التليين ولا الكلام ده بـــالعكس, هو ليه فايده وليه عيب

اولا خرطوم الفايظ وظيفته الاساسيه هو تنفيس الضغط عن الموتور ( يعنى نظام تهويه للموتور ) علشان الضغط مايزيدش عند الجزء بتاع الكرنك وكرتيره الزيت ( لو الضغط زاد فى ال crank case هتلاقى الجوانات ضربت وطلعت زيت )

دى ميزته فعلا

( مع العلم ان ده بيقلل من كفاءه الاحتراق وبالتالى من قدره الموتور )

وأدى عيبه


ومليش دعوه بالبيئه وغيره بأه

لأننا فى مصر ( أم الدنيا )

[Ignition-Kid]

دى ميزته فعلا



وأدى عيبه


ومليش دعوه بالبيئه وغيره بأه

لأننا فى مصر ( أم الدنيا )

نورت الموضوع يابشمهندس سمير

معلش انا هاختلف مع حضرتك فى الموضوع ده, لو حضرتك شفت كميه الاطفال اللى عندهم سرطان ( اعداد رهيبه )

بسبب الكلام ده كله, صدقنى انا لو حسيت انى مشارك بـ واحد فى المليار ان طفل من دول يجيلوا سرطان ولا ربو ولا تخلف عقلى, مش هاعرف اسامح نفسى !

عربيه ايه واداء ايه وسحب ايه قدام واحد من دول !!!!

معلش لو كلامى ممكن يزعل حد, بس انا شفت الاطفال دى بتعانى ازاى !

[samirayad]

صدقنى انا لو حسيت انى مشارك بـ واحد فى المليار ان طفل من دول يجيلوا سرطان ولا ربو ولا تخلف عقلى, مش هاعرف اسامح نفسى !

أنت مفمهتنيش صح

هو أنا قلت أن الحفاظ على البيئه غلط ....لا طبعا

أنا قولت
شايلاه يابيئه
لأنك فى مصر أم الدنيا

ولو مش مصدقنى

أجرد العربيات اللى فى مصر كلها

حتلاقى واحده بيئه
و99 % معندهومش ريحة البيئه

أبتسم ....أنت فى مصر ( أم الدنيا )

[samirayad]

ثانيا خرطوم الفايظ ده معمول علشان ( يحـــــافظ على البيئه ) لانه بيسحب اى غازات( سواء غازات عير محروقه او غازات زيت ) بتهرب من الشنابر وبتروح على الجزء بتاع الكرنك والكرتيره , هو بيروح ساحبها ومدخلها تانى فى مسار دخول الهواء للموتور علشان تتحرق وماتتسربش للهواء الجوى وبالتالى تأثر على البيئه

وده كده مش الصح


ده الصح بتاع وظيفة خرطوم الفائظ

اولا خرطوم الفايظ وظيفته الاساسيه هو تنفيس الضغط عن الموتور ( يعنى نظام تهويه للموتور ) علشان الضغط مايزيدش عند الجزء بتاع الكرنك وكرتيره الزيت ( لو الضغط زاد فى ال crank case هتلاقى الجوانات ضربت وطلعت زيت )

[Ignition-Kid]

وده كده مش الصح


ده الصح بتاع وظيفة خرطوم الفائظ

بشمهندس سمير

What does the PCV valve do?

PCV VALVE

و اسف انى فهمت حضرتك غلط.

[Ignition-Kid]

What does the PCV valve do?

Tofuball's Working: How does a PCV valve work? What is it?

[samirayad]

يا أسامه باشا
متقولش كده
أنت عارف غلاوتك عندى

وبعدين أنظمة تهوية علب المرافق نوعين

1- نظام تهويه طبيعى .....بدون بلف pcv

2- نظام تهويه جبرى pcv system
فالنظام الجبرى .....نظام مستحدث لتحسين كفاءة عملية التهويه
ورفع كفاءتها

أما الوظيفه الأساسيه لخط الفائظ فهى زى ما أنت قلت الأول فقط
وهى التنفيس عن منطقة الكرتير

أما ال pcv system
ماهو الا نظام مطور للتهويه بغرض رفع كفاءة عملية التهويه لعلب المرافق

على فكره معظم ( أن لم يكن كل ) المحركات القديمه
من النوع الطبيعى للتهويه لعلب المرافق

أما محركات الديزل الجديده

99% تهويه طبيعيه لعلب المرافق

أذا الوظيفه الأساسيه لخرطوم الفائظ هى واحده فقط
وهى التنفيس عن منطقة الكرتير ( كما ذكرت أنت )