ارجو المساعدة

[mrwho1982]

السلام عليكم اولا

ثانيا دلوقتي في مشكلة معايا في سحب العربية يعني ال3 في الاول كنت بجيب بيه 75 وساعات 80

دلوقتي بدوس بنزين وانا علي ال3 اخري بيكون 60 او 55

انا مش عارف انا كده جايب اسطوانة وديسك

بس كان في واحد زميلي قاللي جيب الرابع وشد الهاند بريك وجرب تدور العربية وارفع رجللك من علي الدبرياج لو العربية بطلت يبقي كده مش جايبة اسطوانة وديسك

ولما جربتها العربية برجلت شوية وبعد كده بطلت

اعمل ابه دلوقتي

[mrwho1982]

ملحوظة كمان لما ادوس بنزين بحس كاني بدوس عالفاضي زي مايكون الموتر بيلف عالفاضي

[mrwho1982]

ههههههههه هي المشكلة عويصة اوي كده طيب خلاص انا هاتصرف

[romeo_6887]

المفروض تشد الهاند و تجيب الرابع و تبدأ تشيل رجلك من علي الدبرياج براحه
لو المكنه طفت يبقي تمام
لو مطفتش يبقي طقم الدبرياج فوت خلاص

[mrwho1982]

السلام عليكم اولا

ثانيا انا روحت النهاردة لميكانيكي وفك الا سطوانة والديسك والبلية وغيرنا ال 3 ب 250 جنيه كوري

وغيرت تيل الفرامل بالمرة علقة واحدة و ركبت الحاجات الجديدة فرق شاسع جدا لما تركب اسطوانة ودسك جداد العربية بتطييييييييييييييير


دلوقتي في حاجة دواسة الدبرياج واطية جدا وانا شوفت الرجلاش اللي الراجل بيعلي منها هو لو انا اللي عملتها يحصل حاجة لو لفيت الرجلاش ناحية غلط

يعني بدل ماعلي اوطي اكتر

[essam2222]

السلام عليكم ورحمة الله
طبعا فى الاول حقولك مبروك على الاسطوانة وعقبالى ان شاء الله لانى حاسس بردوه ان العربية شكلها كدا جابت اسطوانة.
انا معايا برايد سايبا وعاملة 15 الف طبعا المدة قليلة اوى على تغغير الاسطوانة بس انا لما لاقيت حضرتك بتقول العيبوب دى لاقيت بردوه نفس العيوب اللى انا بشتكى منها يعنى مثلا انا باجيب التالت عندى اخره على 45 يعنى مش بقرص جامد على العربية لما باجيب الرقم دا على التالت بلاقى صوت الماتور عالى اوى كانى جايب بالصوت اللى انا سامعه دا 60 او 80 مع انى مغير كل الفلاتر ومنضف الانجيكشن ومنضف البوجيهات . مع العلم بيكون فى سحب بس صوت الماتور عالى اوى على السرعة الواطية دى.
فى ناس قالولى ان ممكن تكون البوجيهات مرطبة او عايزة تتغير او ممكن يكون فى بوجية من البوجيهات الاربعة اتحرق.
فمش عارف هل فعلا الكلام دا صح؟ يعنى ممكن يكون عيب بوجيهات فعلا؟

[caysersosaih]

السلام عليكم ورحمة الله
طبعا فى الاول حقولك مبروك على الاسطوانة وعقبالى ان شاء الله لانى حاسس بردوه ان العربية شكلها كدا جابت اسطوانة.
انا معايا برايد سايبا وعاملة 15 الف طبعا المدة قليلة اوى على تغغير الاسطوانة بس انا لما لاقيت حضرتك بتقول العيبوب دى لاقيت بردوه نفس العيوب اللى انا بشتكى منها يعنى مثلا انا باجيب التالت عندى اخره على 45 يعنى مش بقرص جامد على العربية لما باجيب الرقم دا على التالت بلاقى صوت الماتور عالى اوى كانى جايب بالصوت اللى انا سامعه دا 60 او 80 مع انى مغير كل الفلاتر ومنضف الانجيكشن ومنضف البوجيهات . مع العلم بيكون فى سحب بس صوت الماتور عالى اوى على السرعة الواطية دى.
فى ناس قالولى ان ممكن تكون البوجيهات مرطبة او عايزة تتغير او ممكن يكون فى بوجية من البوجيهات الاربعة اتحرق.
فمش عارف هل فعلا الكلام دا صح؟ يعنى ممكن يكون عيب بوجيهات فعلا؟

اسطوانة رسمي يا باشا