هي البوجيهات بتتغير كل اد ايه؟؟؟؟

[3mr Farrag]

ياريت لو حد يقولي الواحد يغير البوجيهات كل قد ايه....
و هل بيفرق من نوع عربيه لأخري ولا لأ
انا معايا اكسنت و عامل بها حوالي 25000 كم و مغيرتش حاجه لحد دلوقتي
المفروض اغيرها امتي ؟؟؟

[seka]

يا استاذ عمرو انت مستعجل على التغيير لية بس وبالنسبة للبوجيهات فى هى ما بتتغيرش الا لما تلاقى العربية بتنتش معاك وربنا يخلى عربية دائما بصحة وسلامة وبعيدا عن كل شر

[tutankhamoun]

يا جدعان لو بوجيه ضرب بيبوظ حاجات تانية كتير معاه
زي Ecu و بيأثر على معدل استهلاك البنزين
و طبعا Ecu ب 3000 جنيه و لا بوجيهات ب 40 جنيه ؟؟؟؟؟
نصيحة لوجه الله ........ غير بوجيهاتك كل عشرة ألاف كيلو
و شوف سلوك البوجيهات سليمة و لا لاءة علشان لو سلوك البوجيهات مش مظبوطة مثلها مثل بوجيه ضارب
و تخيل نفسك ماشي على طريق سريع و محمل العربية و راح بوجيه أو أثنين ضرب
عارف أيه اللي هايحصل ؟؟؟؟؟؟
كل بوجيه بيغذي سيلندر و لو بوجيه ضرب هتلاقي السليندر ده مش شغال يعني قوةو العربية هاتقل و ده طبعا غلط جدا على الموتور و طبعا Ecu اللي هو كمبيوتر العربية هايضرب و ده مش رخيص
( عن تجربة شخصية )
و أنصحك كما قلت كل 10 ألاف كيلو تغير فيهم البوجيهات

[أبو_حمزة]

شكرا للنصيحة بس 10000 قليل جدا
طول عمرى بغير البوجيهات على 40000 و بتبقى شغالة زى الجديدة و بغيرها عشان احافظ على الاداء
فى واحد زميلى معاه كيا برايد و مش مغير فيها اى حاجة غير الزيت والفلتر
يعنى و لا بوجيهات و سيور ولا غيره
انا بالعافيه اقنعته يغير سير الكاتينه
العربية عامله كام؟؟؟؟
133000

[eng_mkhalaf]

و أنصحك كما قلت كل 10 ألاف كيلو تغير فيهم البوجيهات

+1000000000000
ممكن كل 10 إلف تكشف عليهم

[MMamdouh]

20K kms is a reasonable distance for spark plug change

MMamdouh

[3mr Farrag]

يعني اغيرهم ولا استني كده ....
هما شغالين و مافيش منهم مشاكل لحد دلوقتي.......
ولا اسيبهم لحد مثلا ما احس انه بقيت ضعيفه

[NaderNabil]

نصحتي ليك غيرهم...أنا كان عاندي هاجس ان البوجيهات بتبوظ بسرعة فا كنت بغيرهم كل 10000 تقريبا...بس المره دي سبتهم لحد 22000 هيه و طقم الكهرباء..و للأسف بقت تنتش جامد جدا بعد ال 80 و تحس انها هتبطل و دوسه البنزين ملهاش لازمة...هستني بقي لبعد العيد أعمل صيانة كاملة للعربيه ...
غيرهم و ريح دماغك أخرهم 40-50 جنيه و انساهم بدل متقعد تشغل بالك بيهم

[eng_mkhalaf]

يا جماعة متنسوشى أن حالة العربية بتفرق - فى عربيات بتهرب من الشنابر والبوجيهات بتبوظ بسرعة وعربيات مواتيرها تمام والبوجيهات بتعيش كتير

[magna427]

اول حاجه انت بتحط في عربيتك بنزين نوعه ايه
اذا كنت تستعمل بنزين 95 فتغير البواجي كل 60000الف
واذا تستعمل بنزين نوع 92 فتغير البواجي كل 45000الف
وارجو اني اكون افتك

[magna427]

اولاً البواجي تغيرها يعتمد على نوع البنزين
يعني اذا كنت تستعمل بنزين نوع 95 فا تغير البواجي كل 60000الف
واذا كنت تستعمل بنزين نوع 92 فا تغير البواجي كل 45000الف
وارجو اني اكون افدتك

[tutankhamoun]

اول حاجه انت بتحط في عربيتك بنزين نوعه ايه
اذا كنت تستعمل بنزين 95 فتغير البواجي كل 60000الف
واذا تستعمل بنزين نوع 92 فتغير البواجي كل 45000الف
وارجو اني اكون افتك

أنت بتتكلم جد ؟؟؟؟؟؟؟؟؟؟؟؟؟
كل 60 الف أو 45 ألف !!!!!!!!!!!!!!!!!!!!
ليه هي سير كاتينة ؟؟؟؟؟؟؟؟؟؟؟؟؟؟
يا جماعة 50 جنيه كل 10 الالف كيلو يحافظو على العربية و اللي مستخسر يستحمل اللي يجراله بسبب البوجيهات ............ و ده مش كلامي ......... ده كلام كل مراكز الخدمة المحترمة في مصر و خارج مصر و كتيبات أستعمال السيارة
اللهم بلغت اللهم فأشهد ..........

[magna427]

ياغالي مراكز الخدمه في مصر ومحدش يزعل مني ( فاشله )
وانا معاك في انك تراجع كتيب العربيه قسم الصيانه وشوف
كلام مين الصحيح
او اذا محدش عنده الكتيب يسئل اي شخص عنده خبره في المكانيكه

[ahmadshokry]

عندى فى الكتالوج كل 40000 km او كل سنتين

[Ahmad Allawy]

والله في التوكيلات هنا في مصر بيغيروهم علي 20 الف.. بس كده انا بيتهيألي افضل علشان تبقي في السليم..
متحطش نفسك في موقف مخاطرة ان حاجة تبوظ منك او بوجيه يخرف منك وانت ماشي..
اشتري دماغك يعني..
دي لو بوجيهات عادية..
اما بقي لو بوجيهات splitfire ده بقي يبقي كلام تاني لأن دي الشمعة بتاعتها بلاتينيوم..
دي عادي جدا انك تغيرها كل 100 الف كيلة..
ايوة مية.. دي مفيهاش اي مشاكل..